Part 25
ف صباح يوم جديد و الكل مستيقظ ف نشاط و فرحه
سمر ترتدي فستان بيبي بلو و طرحه بالون الابيض و تذهب إلي صديقتها
ليلي : انا متوتره اوي يا سمر مش عارفه اعمل ايه خايفه اوي
سمر : اهدي بس كده خالص و يلا نروح نصلي سوا الأول و بعد كده نجهز كل حاجه مع بعض
ليلي : خلاص ماشي
ذهب كل من سمر و ليلي الي الصلاه
والده ليلي : تحضر الفطار
ليلي : هنعمل ايه و هما هيجو الساعه كام
سمر : مروان قالي هيجو بليل
والده ليلي : طب نجيب ايه ولا نعمل ايه
سمر : ممكن نجيب حلويات عادي و حاجه سقعه و خلاص
ليلي : ونجيب فشار و نتفرج ع فيلم
والده ليلي : اه عشان ابوكي يطردنا كلنا
سمر : الواحد غلطان انه قاعد معاكي والله انا كنت روحت الشغل احسن
ليلي : و تسبيني ف يوم زي ده
سمر : لا مقدرش بصراحه
والده ليلي : طب انا هنزل اجيب الحاجه بقي
سمر : لا خليكي يطنط انا هنزل انا و ليلي نجيب الحاجه و نروح الكوافير وكده
والده : طب خلاص ماشي
سمر : شوفيلي حاجه البسهاعشان مش هنزل بالفستان
ليلي : طب تعالي
ليلي : احكيلي يستي هتعملي ايه ف موضوع سليم
سمر : مش عارفه بس انا اتعودت اشوفه كل يوم و امبارح كنت أول مره اشوفه متعصب عشان اتأخرت معاكي بس مش عارفه بقي و مش عايزه اتعلق بي عشان مهما حصل مروان عمره ماهيوافق عليه و انا مش هخسر اخويا عشان حد مهما كان مين
ليلي : طب صلي صلاه استخاره و شوفي
سمر : صليت كتير و ببقي مرتاحه بس مش عارفه بقي
ليلي : ان شاء الله خير متقلقيش
سمر : يارب
والده ليلي بزعيق: يلا منك ليها الوقت هيتاخر انزلو خلصو
ليلي : حاضر يا ماما نازلين اهو
_______________
ماجد : القاعتين خلصو يا استاذ مروان
مروان : طب اسبقني وانا جاي وراك
ماجد : حاضرتحت امرك
مروان : عاش يرجاله نفس الشغل اللي انا عاوزه
العامل ياسين : احنا عايزين المفاجاه ع طول
مروان : حاضر بس هناك مش هنا
ذهب مروان الي سليمان
مروان : حضرتك تقدر تستلم القاعتين و الحساب مع مديري مش معايا
سليمان : لا فعلا انت عبقري ماشاء الله عليك بجد
مروان : شكرا يباشا ربنا يخليك
سليمان : تمام ممكن رقمك بقي عشان لو احتاجتك ف اي شغل
مروان : طبعا تحت امرك ف اي وقت اتفضل رقمي اهو
_________________
ذهب مروان الي عمر
مروان : ايه يعريس
عمر : حبيبي يسطا
مروان : ها هتعمل ايه
عمر : مش عارف
مروان : واحنا ماشين انا هفهمك تقول ايه و طبعاعمو و طنط هيجو معانا
عمر : اه ما انا قولتلهم و هيجو ان شاء الله
مروان : بس متقلقش م حاجه
عمر : طب هنروح امتي
مروان : بليل ع7 كده
عمر : خلاص ماشي
___________________
سمر : الو
سليم : انت كويسه انا روحتلك العياده قالولي انك اجازه انهارده
سمر : انا تمام الحمدلله
سليم : انت ف الشارع ده صوت الدوشه دي
سمر : اه ف الشارع
سليم : بتعملي ايه و مع مين
سمر : أظن دي حاجه تخصني
سليم : طب تمام سلام
سمر : سلام
ليلي : ايه يبنتي المعامله دي
سمر : ايوه احنا مفيش بينا حاجه يبقي تعامل بحدود
ليلي : ماشي بس هو بيحبك لازم تخافي ع مشاعره ان ممكن كلمه منك تكسره او تجرحه
سمر : بحاول والله اعمل كده فعلا
ليلي : ما هو واضح
______________________
بعد مرور 4 ساعات ف التحضيرات المقابله و الكل منتظر و صل عمر و مروان والد عمر و والده عمر الي منزل ليلي
والد ليلي : اهلا بحضرتك
والد عمر : اهلا بيك انت
والد ليلي : ازيك يا عمر ازيك يا مروان
مروان : بخير يا عمو
عمر : بخير الحمدلله
عمر : ندخل ف المهم
والد ليلي : اتفضل يا ابني
عمر : انا اسمي عمر خالد عندي 26 سنه عندي شقه في الزمالك انا مهندس الكترونات و بشتغل ف شركه ف المعادي و طالب ايد بنت حضرتك
والد ليلي : طب انت شوفتها فين ولا تعرفها ازاي
عمر : مروان صاحبي بقالنا 19 سنه يعني سمر دي زي اختي بظبط و كنت بشوف ليلي مع سمر كتير و هما صغيرين بس كنت عادي لكن يوم عيد ميلادها احترامها شدني ليها
والد ليلي : انا يشرفني انك تبقي جوز بنتي
والد عمر : ده شرف لينا احنا والله مش هنلاقي ف احترامكو
ليلي و سمر يقدمه الحاجه السقعه و الجاتو
والد ليلي : موافقه يا ليلي
ليلي بكسوف : اللي تشوفه يا بابا
والد ليلي : طلما قالت كده يبقي موافقه
والد عمر : نقرا الفاتحه بقي
و بدا الجميع ف قراءه الفاتحه و بدأت الزغرايط و الفرحه
عمر : تسمحلي يا عمي اطمن علي ليلي و اكلمها في الموبايل
والد ليلي : وانا موافق
والد عمر : طب يلا احنا بقي اتاخرنا اتشرفنا بمعرفتكو
والد ليلي :ده شرف لينا احنا
غادر الجميع منزل ليلي و الفرحه ف قلوب الجميع
.
.
.
نهايه الجزء الأول من الروايه 💙
انتظرو الجزء التاني قريب 💙 بقلم: امل طارق💙
رايكو ف الجزء الأول كله🥺💙
