الجزء 2
Part 26
بعد مرور شهر
وقعت سمر ف حب سليم
سليم : فكرتي
سمر : بصراحه انا بحبك بس خايفه
سليم : خايفه من ايه
سمر : من اخويا
سليم : طول ما أنامعاكي متخافيش من حاجه و موضوع اخوكي ربنا هيحلها ان شاء الله متقلقيش
سمر : انت متعرفش مروان
سليم : لا عارف و بصراحه حقه يعمل كده و حقه ميوافقش عليا بس انا والله اتغيرت عشانك و عشاني و المحل يستي هبيع الاجهزه و لسه مش عارف هفتح ايه بس اكيد هفتح حاجه نضيفه
سمر : ربنا يسهل و يوفقك
سليم : يعني افهم من كده انك خلاص وافقتي عليا
سمر : اه موافقه
سليم : وعد مني مش هسيبك حتي لو كل الظروف ضددنا
سمر : وانا هحاول مع اهلي بس مش دلوقتي
سليم : لا متجبيش لحد سيره اني بكلمك غير طنط هدي
سمر : حاضر
سليم : طيب انا هقفل بقي عشان ورايا كام حاجه
سمر :طب ربنا معاك
سليم : و معاكي مش عايزه حاجه
سمر: لا شكرا عايزه سلامتك
سليم: حبيبتي
___________________
سمر تتحدث ليلي
سمر : انا ارتبط انا و سليم
ليلي: نعم !
سمر : والله بجد
ليلي : ده امتي و ازاي
سمر : بحبه يا ليلي
ليلي: و اخوكي
سمر : مروان مش هيوافق بس لو سليم اثبتله انه بيحبني ممكن يوافق
ليلي : مروان استحاله يوافق و انت عارفه كده
سمر : اما يجي وقتها ان شاء الله يبقي يحلها ربنا
ليلي : يارب
سمر : ما تيجي ننزل انهارده
ليلي : نروح فين
سمر : اي حته مش عايزه اقعد ف البيت
ليلي : طيب تعالي عندي
سمر : طيب خلاص هجيلك دلوقتي
ليلي : ماشي
___________________
مروان يتحدث كارما
كارما : انا هنزل مع صحابي شويه
مروان : دلوقتي !
كارما : اه
مروان : الساعه كام معاكي
كارما : 8
مروان : ايوه هترجعي امتي بقي
كارما : معرفش
مروان : خليها بكره احسن و انزلي بدري
كارما : لا لازم دلوقتي
مروان : لا مش لازم
كارما : لا لازم
مروان : ليه
كارما : ف مشكله مع واحده صاحبتي ولازم انزل ابقي معاها
مروان : طيب خلاص ماشي بس اخرك10
كارما: حاضر
مروان : خلي بالك من نفسك
كارما : حاضر
مروان : يلا باي اما ترجعي كلميني
كارما: ماشي
________________
هدي: ازيك يمروه عامله ايه
مروه : بخير الحمدلله وانت
هدي : الحمدلله
مروه: أخبار سمر و مروان ايه
هدي : تمام الحمدلله كلهم بخير
مروه: يارب دايما
هدي: هو سليم هيقفل المحل بتاعه ليه
مروه : مش عارفه والله ده كان عشقه كله ف السيبر ده بس والله انا فرحانه السيبر ده كان معلمه الصياعه و طول الوقت خناق ف الشارع و خناق مع ابوه
هدي : اه والله كده احسن فعلا ربنا يهدي يارب
مروه: يارب
________________________
عمر : ازيك يا ليلي
ليلي بكسوف: الحمدلله وانت
عمر : تمام الحمدلله بتعملي ايه
ليلي : مبعملش حاجه مستنيه سمر جايه عندي
عمر: سمر جايلك دلوقتي
ليلي : اه
عمر : ليه بليل كده
سمر : مش عارفه كانت عايزه ننزل انا و هي بس قولتلها تعالي عندي
عمر : وانت كنتي هتنزلي من غير ما تكلميني
ليلي : لا اكيد كنت هاخد رايك
عمر : اه تمام بس كويس انك مخدتش راي
ليلي: ليه
عمر : عشان اكيد مكنتش هوافق
ليلي : اه طب ع كده كويس اني قولتلها انها تيجي
عمر : لآ مش كويس و هي بردو مينفعش تنزل بليل كده انا هكلم مروان اشوفه
ليلي : بلاش مشاكل اكنك متعرفش و بعدين الساعه 8 ونص عادي
عمر: لا مش عادي الدنيا ضلمه حضرتك و المحلات بتقفل بدري
ليلي : هتقعد معايا نص ساعه ولا ساعه و هتمشي
عمر : تمام بس قوللها لو هتتاخر تكلم مروان يعدي ياخدها
ليلي : حاضر
عمر : فرحت اني كلمتك والله
ليلي : انا اكتر
عمر: طيب هسيبك بقي عشان تقعدي مع صاحبتك
ليلي : خلاص ماشي
عمر : عن أذنك سلام
ليلي : سلام
___________________
بقلم : امل طارق 🖤🌸
اسفه البارت صغير بس رايكو يهمني💙
