Drake Ashton FORD SERIES 2 COMPLETED (TO BE SELF PUBLISHED)

KABANATA 4 - GANTIHAN

KABANATA 4
GANTIHAN

NAPABUNTONG-HININGA SI Joe habang nakatingin sa cellphone niya. Pang ilang buntong-hininga na ba niya iyon? Nakatingin kasi siya sa numero ni Drake sa cellphone niya at minsan ay hinahawakan niya upang subukan na tawagan ito.

Hindi pa kasi ito umuwi ngayon mula ng mag-komprontahan sila at syempre nag-aalala rin siya para rito.

"Hay! Bahala ka nga!" inis niyang sabi sa cellphone at inis na kinuha na lang ang remote. Hindi man lang kasi ito nag-text o tumawag kung nasaan ito. Bakit nung two days itong wala ay nag-text ito sa kanya? Bakit ngayon ay hindi?

Isang cartoons ang palabas kaya nilipat niya sa iba. At isang showbiz report ang lumabas. Tungkol sa isang babae na tila sikat sa bansa na hindi naman niya kilala. Pinagkakaguluhan kasi ito ng mga reporters.

"Hi, Miss Shanelle! Totoo ba na kaya kayo umuwi ng bansa dahil bibisitahin niyo ang long time crush at kababata niyo na isa na ngayong businessman at attorney?" tanong ng paparazzi.

Ngumiti 'yung Shanelle na napakaganda at tila isang anghel.

"Yes and he's here now." sabi nito at nakatingin sa likod ng mga paparazzi. Biglang naglingunan ang mga paparazzi at cameraman kaya napatapat ang camera sa lalakeng malamig at seryoso ang reaksyon habang palapit kay Shanelle. Parang nahirapan siyang huminga ng makita lang naman niya ang asawa niya na lalakeng tinutukoy ni Shanelle. Suot nito ang long sleeve na itim habang nakatupi hanggang siko. Habang naka-tuck in sa maong pants na may brown na belt ang dulo ng long sleeve nito. Napakagwapo nito sa suot nito at nang tumabi ito sa babae ay bagay ang mga ito na kinaiyak niya sa selos. Inaamin niya na nagseselos siya. Mas bagay kasi ang mga ito at tila sila ni Drake ang hindi. Anong laban niya sa babaeng mukhang anghel at halata mo na mayaman din ito. Ang kinis ng kutis habang suot ang white floral dress habang may sumbrero sa ulo. At ang bag ay LV pa ang tatak.

Para itong leading lady habang leading man nito ay si Drake.

"Miss Shanelle, ano ba ang tunay na namamagitan sa inyong dalawa? Kayo na ba?" tanong ng lalakeng reporter na kinahagikhik nung Shanelle na kinainis niya.. Lalo pa ng bulungan nito si Drake sa tenga na kinatango naman ni Drake rito. Humarap muli 'yung Shanelle sa camera.

"Ayokong sagutin 'yan. Masyado din kasing pribado ang namamagitan sa amin, kaya ayaw kong sagutin kayo. Pasensya na." nakangiti nitong paumanhin at tumingin kay Drake na wala man lang reaksyon.

"Kung gano'n ay isang kiss naman d'yan!" kantyaw ng isang reporter na kinangiti ni Shanelle. Nakita ni Joe na ilalapit na Shanelle ang labi nito kay Drake kaya agad niyang pinatay ang t.v at natulala siya habang bumubuhos ang luha niya.

Napailing siya dahil ang taong hinihintay niya na umuwi o tumawag ay may iba palang pinagkakaabalahan. Habang siya ay nag-aalala kung napano na ito, pero ito ay tila sabik na masundo ang kababata daw nito kaya hindi man lang siya maisipan na tawagan o i-text para magpaalam.

Nagtungo siya sa kwarto at naisipan na matulog na lang. Sayang lang kung magpupuyat siya dahil sa kakahintay sa taong tila hindi man lang siya naalala na nag-aalala para rito.

-

NAALIMPUNGATAN SI JOE ng may mainit at basang bagay na humahalik sa kanyang leeg. Gumalaw siya pero dahil may mabigat na nakadagan sa katawan niya ay hindi siya masyadong makagalaw, kaya naman ay dahan-dahan siyang dumilat. At nakita niya na nasa tabi niya pala si Drake na hinahalikan siya habang nakadagan ang binti nito sa mga binti niya habang ang braso nito ay nakapulupot sa baywang niya. Dahil naalala niya ang ginawa nito ay tinulak niya ito na kinatigil at layo nito. Kinuha niya ang kumot at tinalikuran ito. Pumikit siya at hindi na pinansin ito.