#رواياتي #روايات_اجتماعية #روايات_رومانسية #لا_تتركني #شاهندا_صلاح البارت السادس✌🏼
لانا:لاء يا ماما متعبتش لما اتعب هرتاح شويه..هو صحيح بابا لسا مرجعش؟ *سماح: لاء لسا كلمني وقال هيرجع ع السحور *لانا باستغراب السحور!! *سماح:اه صح نسيت اقولك بكرا اول يوم رمضان كل سنه وانتي طيبه يا حبيبتي *لانا:وانتي طيبه يا ماما *سماح:يلا يا حبيبتي اسيبك تذاكري *ظلت لانا تدرس حتي موعد السحور وكانت بين الحين والآخر تنظر من نافذتها معجبه بالاطفال الذين يمرحون ويغنون فرحين بقدوم الشهر الكريم وكانت تنظر الي اضواء الزينه في كل مكان ع شرفات المنازل وعلي واجهات المحلات وصوت الاغاني الذي يميز هذا الشهر المبارك *وبعد ما يقارب نصف ساعه* سماح:يلا يا لانا علشان تتسحري معانا *لانا:حاضر يا ماما اديني جايه
جلست لانا مع والديها يتناولون وجبه السحور وكانت لانا سعيده جدا باول سحور مع والديها واحست ان لها اسره تهتم بها ع العكس من الايام السابقه وكانوا يتبادلون اطراف الحديث مع بعضهم البعض *سعيد: عملتي ايه يا لانا انهاردا في الامتحان اجابت لانا بحماس الحمد لله يا بابا الامتحان كان سهل اوي *سعيد: ما شاء الله عليكي يا بنتي ربنا يوفقك *لانا:ان شاء الله *وبعد الانتهاء من وجبه السحور*
سعيد: انا هروح اصلي الفجر في المسجد *سماح:تقبل الله *سعيد: منا ومنكم يلا سلاام *سماح: يلا يا لانا قومي صلي الفجر ونامي ع طول انتي تعبتي اوي انهاردا من بدري وانتي بتذاكري *لانا: حاضر يا ماما فعلا محتاجه اريح شويه *بعدما انتهت لانا من تأديه الصلاه ذهبت للنوم ولكن شاهدت نفس الفيديو الذي شاهدته قبل قليل فقد احبت هذا الفيديو كثيرا فكان يعطيها طاقه ايجابيه لا توصف...
استيقظت لانا في تمام الساعه الحاديه عشر صباحا ثم بعدما انهت روتينها اليومي عند الاستيقاظ بدأت الدراسه بكل طاقتها وظلت تدرس حتي الساعه الثالثه عصرا *لانا:ماما انا نازله عندي حصه فيزيا *سماح: ماشي يا حبيبتي ربنا معاكي *ذهبت لانا الي حصه الفيزياء وكالعاده كانت هي الاكثر تفوقا ع الجميع واخدث تعليمات مدرسها حول الماده وعن ماهيه الامتحان وكيف يجيبوا ع الاسئله وكانت لانا تشعر بالفرحه لمعرفتها كل شئ حول المنهج الدراسي ثم انتهت الحصه وذهبت لانا الي البيت وكانت تشعر بالحر الشديد وبالتالي العطش ففي هذا اليوم كانت درجه الحراره تقارب 45° ففضلت لانا الصلاة ثم النوم حتي آذان المغرب *وبعد مرور ساعه ونصف* سماح:لانا اصحي يا حبيبتي المغرب أذن *لانا حاضر يا ماما صحيت *والتف الجميع حول مائده الافطار وبدأوا بالدعاء قبل تناول اي شئ وكانوا بين الحين والآخر يتحدثون لبعضهم ...سعيد: عامله ايه يا لانا في الماده اللي عندك بكرا *لانا: الحمد لله يا بابا كله تمام ادعيلي *سعيد: ربنا معاكي يا حبيبتي وتوصلي للي عايزاه *بعد الانتهاء من الافطار وصلاه المغرب ثم العشاء والتراويح ذهبت لانا لتدرس للامتحان وظلت تدرس حتي الواحده صباحا ثم توجهت للفراش واستيقظت ع آذان الفجر وصلت الفجر واكملت دراستها حتي موعد الامتحان *سماح:حبيبتي انتي لسا صاحيه *لانا:ايوا يا ماما صاحيه من الفجر *سماح: ليه كدا صاحيه كل الوقت دا كنتي نمتي شويه علشان تقدري تركزي في الامتحان *لانا: متقلقيش يا ماما انا تمام وهنام لما ارجع من الامتحان *وبعد عدة دقائق قامت لانا وارتدت ملابسها للذهاب الي الامتحان وكانت متفائله جدا ع العكس من المره السابقه وحدث ما حدث في اليوم الاول من تفتيش الطلاب قبل دخول لجنه الامتحان ومن روتين المراقبين قبل توزيع ورق الاسئله وكان الطلاب كالآتي بعضهم متفائل بالامتحان مثل لانا والبعض الآخر خائف جدا من هذه الماده فهي ثمثل عقبه لكثير من الطلاب في المرحله الثانويه وبدأت لجنه الامتحان وكانت لانا سعيده لانها كانت تعرف كل اجابات الاسئله وبدأت تجيب عليها بهدوء تجنبا الوقوع في الخطأ ولكن حدث شئ في اللجنه اثار توتر الجميع ومن بينهم لانا ولكنها لم تتأثر لفتره طويله...كان هناك عدد خمسه طلاب قاموا بتأجيل الماده للعام المقبل لان الامتحان كان يوجد به بعض الاسئله الصعبه ويجب ان تكون تعرف كل ذره في المنهج الدراسي ووجدوا انهم لم يجيبوا جيدا ع الاسئله ففضلوا تأجيل الماده للعام المقبل وهذا جعل الطلاب يتوترون قليلا ولكن زال هذا التوتر بعد فتره قصيره ..وبعد مرور ساعتين انتهي الامتحان وذهبت لانا الي البيت وبالطبع اول من وجدته هي والدتها وطمئنتها لانا ع الامتحان وذهبت لانا لتصلي ثم نامت حتي موعد الافطار *بعد مرور 15 يوما*
هدي: يااااه واخيرا خلصنا امتحانات *ساره: ايوا اخيرا دا كان كابوس *مني:ربنا يستر بقا في النتيجه *لانا: الحمد لله اننا خلصنا وكل سنه وانتوا طيبين يا بنات الله اعلم ممكن دي آخر مره نتجمع فيها مع بعض كلنا *الجميع: وانتي طيبه يا لانا *اسماء: عارفين احلي حاجه اننا مش هنذاكر في الكليه زي الثانوي *لانا:بالعكس دا الكليه اصعب من الثانوي ومذاكره اكتر كمان *هدي: لاء دا بالنسبه ليكي انتي لو هتدخلي طب زي ما بتتمني *لانا: ان شاء الله هدخلها *مني:اهم حاجه النتيجه هتطلع بعد العيد خلينا نفرح بقا بالعيد *ساره:ايوا صحيح كل سنه وانتوا طيبين بكرا ليله العيد....في اليوم التالي *سماح:كل سنه وانتوا طيبين وعيد سعيد علينا *لانا:وانتي طيبه يا ماما*سعيد: وانتي طيبه ...ها تحبوا تخرجوا فين في العيد *لانا:ايه دا بجد !!يعني احنا هنخرج في العيد ونتفسح وكدا*سعيد:ايوا يا حبيبتي هنخرج وهوديكي المكان اللي تقولي عليه *سماح بحزن مصطنع: ايه دا يعني وانا ان شاء الله انتوا بتتفقوا ولا كأني هنا *سعيد:هههههههه لاء ازاي انتي تؤمري يا حبيبتي واللي عايزينه انفذه انا مليش غيركم *سماح: ربنا يخليك لينا يا حبيبي *لانا:احم احم اسيبكم انا في الجو الرومانسي دا *سعيد:استني يا لانا *لانا: نعم يا بابا *سعيد: خدي دول
لانا:ايه كل الفلوس دي يا بابا هعمل بيها ايه *سعيد: دول الف جنيه العيديه بتاعتك *لانا:ايوا يا بابا بس دول كتييير *سعيد:مش كتير عليكي يا حبيبه بابا دا انتي بنتي الوحيده
لانا:ربنا يخليك ليا يا احلي اب في الدنيا
*بعد مرور 15 يوم* لانا: يااارب اكرمني باللي بتمناه طول حياتي وتعبت علشانه رغم كل حاجه صعبه حوليا يارب متسبنيش انهاردا اللي هيحدد مصيري *سماح: متقلقيش يا حبيبتي ان شاء الله خير *سعيد:ان شاء الله يا لانا هتدخلي طب اللي نفسك فيها متقلقيش رينا مش هيضيع تعبك كلها كام دقيقه والنتيجه تظهر *بعد مرور ربع ساعه*
سعيد:اهي ظهرت قولي رقم جلوسك كام *لانا بتوتر: 346 *وبعد ما يقارب 4 دقائق* سماح:ايه يا سعيد كل دا ومظهرتش لسا *سعيد:ايوا اكيد الموقع عليه ضغط كبير .....استنوا اهي ظهرت ...مش معقووووول *لانا:ايه في ايه يا بابا طمني *سعيد:مبرووك يا قلب بابا انتي جبتي 98.9% سماح:الف مليون مبروووك يا حبيبتي *لانا بفرحه كبيره:الله يبارك فيكوا الحمد لله *سعيد:ان شاء الله يا حبيبتي هتدخلي طب لانو سمعت التنسيق السنه دي نازل عن اللي فاتت *لانا:يارب يا بابا *فرحت لانا كثييييرا بحصولها ع هذا المعدل فكم كانت تتمني وصولها لهذا المعدل احست بفرحه لم تشعر بها من قبل فرحه من نوع خاص (فرحة النجاح) وشكرت الله كثيييرا ع تخطيها هذه المرحله الصعبه في حياتها وشكرته ع الصدفه التي جعلتها تشاهد فيديوهات عبدالله الامير فكانت هذه اجمل صدفه في حياتها وبسببه تغيرت حياتها للافضل*
*في اليوم التالي* سعيد:الحمد لله كليه الطب السنه دي من 98% وانتي يا لانا جبتي اعلي منها *لانا بفرحه:الحمد لله يابابا الحمد لله انا فرحانه اوي*سماح:الف مبروك يا دكتور لانا*لانا:هههه الله يبارك فيكي يا ماما *سعيد:كدا بقا مش فاضل غير نعرف الجامعه هتجيلك في اي مكان*لانا:معرفش بس احنا هنكتب اول رغبه جامعه عين شمس لانها اقرب جامعه لينا....
رايكوا يهمني🥰💙🦋
