#رواياتي #روايات_اجتماعية #روايات_رومانسية #لا_تتركني #شاهندا_صلاح ...البارت السابع✌🏼
في اليوم التالي (لانا)ها يا ماما هتودينا فين (سماح)هنروح سكن هنا معروف جدا وسكن حلو كمان وهترتاحي فيه...... وبعد ما يقارب ساعتين وصلوا الي السكن(سماح) محدثه المشرفه:السلام عليكم (المشرفه)وعليكم السلام ورحمه الله وبركاته (سماح) لو سمحتي كنت عايزة استفسر لو في هنا مكان لسكن طالبه (المشرفه)اه يا فندم في اكتر من مكان فيه في الدور العاشر والخامس والسابع (سماح)كويس...عايزه اي دور يا لانا( لانا) العاشر يا ماما انا بحب الاماكن العاليه *المشرفه:تماام حضرتك تقدري تيجي معايا تشوفي الشقه والاوضه *ذهبت لانا مع والدتها والمشرفه لمشاهده المكان الذي ستقيم فيه ....كان السكن عباره عن 12 دور وفي كل دور عدد 3 شقق بالاضافه الي الاسانسير وكان الدور ال 12 عباره عن الرووف(السطح) وكان به شاشه عرض كبيره وعدد كبير من الكراسي والترابيزات ومظله للحمايه من اشعه الشمس الحارقه اثناء النهار واضواء ملونه اثناء اليل وكانت كل شقه مكونه من اربع غرف وبكل غرفه عدد 3 طالبات شامله الاسره(جميع سرير لاني صراحه مش عارفه الجمع ايه😂..نكمل)ودولاب الملابس الذي كان صغير بالكاد يكفي كميه صغيره من الملابس والاغراض التي نستخدمها بشكل يومي وكان يوجد في كل شقه شاشه عرض صغيره ومطبخ وحمام مشتركين وثلاجه واحده وكانت غرفه لانا بها 3 (اسره) و3 دواليب وبلكونه صغيره تطل ع الشارع (سماح)ها يا حبيبتي عجبك المكان؟ (لانا) آه يا ماما عجبني اوي المكان حلو اوي بجد واحلي حاجه اوضتي فيها بلكونه (سماح)تماام يا حبيبتي الحمد لله انو عجبك وان شاء الله ترتاحي هنا مع البنات اللي موجودين معاكي ....سماح موجهه حديثها الي المشرفه صحيح هو ايه نظام البنات اللي هنا في الشقه دي خصوصا اللي في الاوضه مع لانا *المشرفه:متقلقيش حضرتك كلهم محترمين ومعانا هنا من السنه اللي فاتت والبنتين اللي مع لانا واحده في رابعه طب والتانيه في تانيه تربيه (سماح)تماام.. وبعد ذلك ذهبت لانا مع والدتها والمشرفة لاكمال اجراءات السكن (سماح)اه صحيح نسيت اسألك هو انتي بس اللي مشرفه هنا اقصد يعني العدد كبير وصعب انتي وحدك مشرفه(المشرفه) لاء يا فندم مش انا وحدي احنا 5 مشرفات 3 بالنهار واتنين بالليل وبيباتوا كمان علشان لو حد من البنات تعبت او حاجه تنزل معاه المستشفي وعلشان مشاكل البنات وكدا يعني(سماح)اها تماام *وبعد ما يقارب 3 شهور( لانا) ياااه يا ماما متحمسه جداا للسنه الجديده والجامعه مش مصدقه ان حلمي اتحقق وبكرا هسافر للجامعه (سماح)مبروك يا حبيبتي انا فخوره بيكي جدا انك قدرتي توصلي لهدفك(لانا)ربنا يخليكي ليا يا ماما (سماح)ويخليكي ليا يا احلي لانا..ها قوليلي جهزتي شنطتك؟( لانا) اه من زمان من الحماس جهزتها من اسبوع بس خايفه اكون ناسيه حاجه مهمه (سماح)طيب يلا قومي اتأكدي لتكوني ناسيه حاجه وانا هروح اشوف الغدا جهز ولا لسا *في اليوم التالي*
(لانا)سلام يا ماما،سلاام يا بابا هتوحشوني (سماح) بحزن:سلاام يا حبيبتي ربنا يحميكي يااارب وخلي بالك من نفسك (لانا)متزعليش يا ماما ان شاء الله هزوركم كل فترة (سماح)اول مره تبعدي عني يا حبيبتي هتوحشيني *اغرورقت عيني لانا بالدموع واحتضنت والديها (سعيد) سلاام يا حبيبتي تروحي وترجعي بالسلامه (سماح)طمنيني عليكي لما توصلي يا لانا (لانا)حاضر يا ماما متقلقيش وبعد ما يقارب ساعتين وصلت لانا الي السكن وكانت سعيده جدا بهذه المرحله في حياتها وبدأت تتعرف ع الفتيات في غرفتها (لانا)السلام عليكمالجميع)وعليكم السلام ورحمه الله وبركاته (المشرفه)دي الساكنه الجديده هنا معاكوا (لانا) بخجل:ازيكوا (البنات)الحمد لله (المشرفه)تماام يا لانا هنا مكانك (لانا)ماشي تماام (المشرفه)يلا سلاام انا عندي شغل (البنات)سلاام (لانا) انا اسمي لانا اولي طب وانتوا (دانيه)انا دانيه رابعه طب (اسراء)وانا اسراء تانيه تربيه (لانا) بخجل:اهلا بيكوا (دانيه) ايه يا لانا مالك مكسوفه كدا ليه (لانا)لاء ابدا بس لسا مش متعوده (اسراء) متقلقيش كلنا كنا كدا انتي بس علشان سنه اولي لسا وبعدين يا ستي هتتعودي علينا بسرعه (لانا)ان شاء الله (دانيه)يلا بقا علشان ننضف الاوضه دي من التراب وبعدين نقعد نرغي شويه (لانا)تماام بس هرن ع ماما الاول اطمنها اني وصلت (دانيه)تماام مفيش مشكله (لانا)ايوا يا ماما انا وصلت (سماح)حمد لله ع سلامتك يا حبيبتي (لانا)الله يسلمك ياماما (سماح)مرتاحه عندك يا لانا (لانا)لسا يا ماما مش عارفه بس البنات اللي معايا شكلهم كويسين (سماح)ان شاء الله يكونوا كويسين فعلا ...طيب يا لانا اسيبك ترتاحي زمانك تعبتي من الطريق (لانا)ماشي يا ماما (سماح)سلام
ثم قامت لانا بتنظيف الغرفه مع دانيه واسراء وقضوا قرابه الساعه في التنظيف وترتيب نظام الغرفه وبعد ذلك جلسن يتحدثن لفتره طويله ويتعرفن اكثر ع بعضهن وظللن هكذا حتي الساعه 12 صباحا (لانا)هو مفيش غيرنا هنا ولا ايه (اسراء)اه معظم البنات اللي هنا مش بيبدأوا اول اسبوع (دانيه)ما انتي كمان مش بتبدأي اول اسبوع (اسراء)ايوا بس انا بحب اروح اول اسبوع واقعد مع اصحابي قبل ما نبدأ محاضرات وبعدين انا جيت علشانك علشان متقعديش وحدك *
(دانيه)حبيبتي انتي اللي حاسه بيا (اسراء)شوفتي عدي الجمايل (دانيه)ههههههه ربنا يخليكي ليا يا اسراء (اسراء)ويخليكي ليا *توجهن الفتيات للنوم ولكن لانا لم تستطع النوم في هذه الليله فهي لم تعتد ان يشاركها احد غرفتها واحست مشاعر مختلفه وظلت تفكر كيف سيكون يومها الاول في الجامعه وهي لا تعرف شئ عنها ولا تعرف احد فيها ثم انهكها التفكير فذهبت الي الشرفه فكم احبت النظر من الشرفات في اماكن مرتفعه خاصه اثناء الليل والهواء الذي يداعب خصلات شعرها برفق فكل هذا كان يشعرها بالراحه والاسترخاء وظلت هكذا قرايه النصف ساعه فقط تنظر الي النجوم المضيئه الي السماء يتوسطها القمر وكأنها لوحه فنيه من ابداع الخالق فسبحان الله الذي ابدع في خلقه.....ثم ذهبت لانا لتنام متفائله بصباح يوم جديد *في صباح اليوم التالي استيقظت لانا مبكرا لانها لم تستطع النوم جيدا فقامت وتوضأت وأدت صلاتها ثم ارتدت ملابسها الكلاسيكيه التي تحبها وكعادتها جمعت شعرها ع هيئه كعكه وبعد عدة دقائق استيقظت دانيه وكانت الساعه السابعه فقامت وتوضأت وادت الصلاه وجلست تقرأ وردها ثم انتهت فارتدت ملابسها وكانت ملابسها محتشمه فضفاضه ووضعت حجابها الطويل الذي زادها جمالا (لانا) لبسك حلو اوي يا دانيه (دانيه)حبيبتي تسلمي يلا بقا علشان منتأخرش(لانا)تماام انا جاهزه.. ونزلت الفتاتان الي الشارع(لانا)اوقف تاكسي؟ (دانيه) لاء تاكسي ايه الجامعه مش بعيده من هنا بس تلت ساعه ونوصل وبعدين لو خدت كل يوم تاكسي كدا هفلس التاكسي هنا غالي اوي علشان بيستغلوا الطلبه وكدا * وبعد ما يقارب ثلث ساعه وصلن الي الحرم الجامعي وكان هناك رجلين امن عند بوابه الجامعه واوقفهم احد هؤلاء الرجال (رجل الامن) الكارنيه لو سمحتي واخرجت دانيه الكارنيه الخاص به(رجل الامن) تماام وانتي يا آنسه موجها حديثه الي( لانا) انا لسا سنه اولي واول يوم ليا مأخدتش الكارنيهرجل الامن) طيب فين بطاقه الترشيح بتاعتك(لانا؟بطاقة الترشيح!!؟ (رجل الامن) ايوا الورق اللي قدمتي بيه يعني (لانا)اااه اهو اتفضل (رجل الامن)تماام اتفضلوا (لانا) هو انا كل يوم قبل ما ادخل لازم اطلع الكارنيه؟(دانيه؟ اه لازم واوعي تنسيه(لانا)ولو نسيته غصب عني (دانيه) حاولي متنسهوش علشان وقتها صعب تدخلي لانو الامن مش هيوافق بسهوله يدخلك(لانا) كويس انك قوليلي مكنتش اعرف ..
رايكوا يهمني🥰💙
