#رواياتي #روايات_اجتماعية #روايات_رومانسية #لا_تتركني #شاهندا_صلاح
البارت الثامن✌🏼
وصلت الفتيات الي الحرم الجامعي وكانت لانا لا تعرف اي شئ ولا تعرف اين توجد مدرجات المحاضرات وكانت تشعر بالحيره *لانا: دانيه معلش هتعبك معايا ممكن توريني مكان المدرجات بتاعت المحاضرات انا مش عارفه حاجه و....*دانيه:من غير ما تقولي انا فاهماكي كويس تعالي معايا اوريكي محاضراتك فين *كانت لانا سعيدة جدا لان دانيه تشعر بتوترها وبما هي فيه وذهبت معها حيث مقر المحاضرات *دانيه:المدرجات دي لسنه اولي دايما بياخدوا فيها محاضرات خليكي هنا بعد ما تخلصي وانا عندي محاضره في الكليه في الدور الرابع هخلص واجيلك *لانا: شكرا جدا بجد مش عارفه اقولك ايه *دانيه:متقوليش حاجه يا لانا انتي زي اختي الصغيره *دخلت لانا المدرج واحست بالفرحه يشوبها التوتر من هذا الكم من الطلاب فكان عدد الطلاب في المدرج يزيد عن 300 طالب وطالبه وظلت توجه نظرها يمينا ويسارا بحثا عن مكان للجلوس فيه وبعد دقيقتين استطاعت ايجاد مكان للجلوس فيه ومر عليها الوقت وكأنه يومين وليس دقيقتين وشعرت بالتوتر وظنت ان الجميع ينظر لها ولكن زال توترها عندما وجدت مكان للجلوس فيه وكان هذا المكان بجانب فتاه تبدو غريبه الشكل حيث كانت تضع الكثير من مساحيق التجميل وشعرها ملون بالوان غريبه وكانت تضع سماعات الاذن وتحرك رأسها وجسدها بحركات غريبه تنم عن موسيقي غريبه وعندما جلست لانا بجانبها لم تنتبه هذه الفتاه لوجودها الا عندما عم الهدوء فجأه وسمعت صوت الدكتور معلنا عن بدأ المحاضره الاولي من هذا العام وبدأ بالقاء تحيه الاسلام "السلام عليكم ورحمه الله وبركاته" ثم بدأ في شرح شروطه وواجبات كل طالب نحو هذه المحاضره وبعد ذلك بدأ شرح المنهج الدراسي وكانت لانا منتبهه معه وتستمع له باهتمام وتدون في دفترها النقاط المهمه وكانت بين الحين والآخر تستمع الي ضحكات الفتاه التي بجانبها هي وصديقتها فكن ينظرن اليها بطريقه عجيبه ويضحكن...او الي الحديث الجانبي للفتيات من خلفها ولكنها لم تهتم لاي منهن وظلت منتبهه لما تكتبه*بعد مرور ساعتين انتهت المحاضره وحاولت لانا تكوين صداقات جديده علها تجد هذه الصديقه التي تتمناها ولكن خاب املها *لانا محدثه الفتاه بجانبها انا لانا وانتي؟ ضحكت الفتاه ضحكه مكتومه وكأنها تقول انا لا اصادق الفتيات اللواتي يشبهنك!! الفتاه: انا "هايدي" *لانا :اهلا بيكي يا هايدي *هايدي:اهلا بيكي يا طنط قصدي يا لانا *وبعدما قالت هذه العباره قطبت لانا ما بين حاجبيها وشعرت بالضيق وضحكت هايدي هي وصديقتها اما لانا خرجت من المدرج وهي تشعر بالضيق من كلامهن وضحاكاتهن وظلت تحدث نفسها *لانا:ايه طنط دي هو انا باين عليا كبيره للدرجه دي انا كدا مرتاحه مش احسن ما ادهن وشي مكياج زيهم او البس لبس غريب لاء انا كدا كويسه وهبعد عنهم هما مش شبهي *تذكرت لانا للتو انها متفقه مع دانيه ان يتقابلا بعد المحاضره فرجعت ووقفت امام المرج حتي تجدها دانيه بسهوله *دانيه: طمنيني ايه اخبار اول يوم دراسه *لانا:الحمد لله كويس *دانيه: انا معنديش محاضرات تاني انهاردا وانتي عندك ولا نمشي مع بعض؟ *لانا: لاء معنديش انا كمان *دانيه: تماام يلا بينا بقا وفي الطريق الي السكن لاحظت دانيه هدوء لانا ولم تتحدث بشئ طوال الطريق *دانيه: مالك يا لانا في ايه من اول الطريق وانتي مبتتكلميش *لانا:لاء ابدا مفيش بس مرهقه شويه علشان منمتش كويس امبارح *دانيه: اه هو كدا دايما اول يوم بس لما نرجع متناميش علشان هتسهري باليل والمشكله مش هتتخل وكدا نومك مش هيتظبط *لانا: ايوا فعلا...وعادت لانا الي السكن حيث تقيم هذه الفتره وادت الصلاه وتناولت وجبه الغداء ثم بدأت تدرس ما كتبته في يومها الدراسي الاول واجتمعت هي ودانيه واسراء في المساء يتسامرون ويتعرفون اكثر ع بعضهم البعض *في اليوم التالي وبينما لانا تصلي لاحظت ان دانيه نظرها موجه عليها وبعدما انتهت من الصلاة* دانيه: لانا هو انتي بتصلي كدا ع طول *لانا: اه ليه؟ *دانيه: علشان انتي كدا بتصلي غلط *لانا باستغراب: غلط!؟ *دانيه: ايوا اولا انتي بتصلي بسرعه والمفروض تاخدي وقت كفايه وانتي بتصلي وبين كل ركعه والتانيه يعني وقت الصلاة دا وقت مميز في يومك زي ما يكون كدا رايحه تقابلي اكتر شخص بتحبيه وتتكلمي معاه في كل حاجه سواء كانت حاجه مضايقاكي او مفرحاكي حتي في السجود خدي وقتك واحكي لربك عن كل حاجه محدش هيحس بيكي غيره اطلبي منو كل اللي بتتمنيه واشكريه ع النعم اللي ادهالك ،السجود دا اكتر وقت بتكوني فيه قريبه من ربنا "اقرب ما يكون العبد من ربه وهو ساجد" ثانيا لما بتيجي تسجدي ركبك الاول اللي بتلمس الارض قبل ايدك ودا غلط المفروض اول حاجه تلمس الارض هي ايدك مش ركبك *لانا: اول مره اعرف الكلام دا كنت دايما بصلي كدا *دانيه : واهو يا ستي عرفتي *لانا: شكرا ع النصيحه وانا هعيد الصلاه تاني واصلي زي ما قولتيلي *دانيه: تقبل الله*....مر اسبوع ع لانا في السكن وكان كل شئ يعجبها حيث كانت تحب دانيه واسراء ولكن تحب دانيه اكثر بقليل فدائما ما احست انها تريد تغيرها للافضل احست انها هي هذه الصديقه التي كانت تبحث عنها اما في الجامعه كانت هايدي ودينا دائما ما يضايقونها وحاولت الابتعاد عنهم ولكن لم تنجح وما زاد ضيقها الفتيات بالغرفه المجاوره في السكن *لانا: الصراحه كدا كتير يعني صوتهم عالي اوي وكل يوم كدا ومش عارفين نذاكر *دانيه: فعلا وكذا مره نقولهم ع الصوت وهم ولا هنا كدا مينفعش اذا الزوق مش نافع معاهم خلاص هم اللي جابوه لنفسهم *اسراء: ياريت ع الصوت وبس لاء كمان الزباله بتاعتهم في المطبخ ليها اكتر من 3 ايام منزلتش ولا بيغسلوا المواعين بتاعتهم *دانيه: لاء بجد كدا كتير يا اما يلتزموا بالقوانيين اللي هنا يا اما يمشوا احنا هنا في سكن مش في بيتنا يعني كلو يلتزم بالقوانيين *اسراء:ايوا صح يلا نروح نقولهم الكلام دا ودا آخر انذار ليهم *دانيه:السلام عليكم *البنات: وعليكم السلام *دانيه: بنات لو سمحتوا وطوا صوتكم شويه مش عارفين نذاكر *واحده من الفتيات: احنا في اوضتنا واحنا حرين *لانا: يعني ايه انتوا حرين احنا مش عارفين نذاكر محدش يعني قال متتكلموش بس في حدود اتكلموا براحتكم بدون ما تأثروا علينا "انت حر ما لم تضر" وبصوتكم العالي دا انتوا بتضرونا ومش عارفين نركز *الفتاه الاخري باستفزاز: اه ماشي ان شاء الله هنوطي صوتنا *اسراء: مش بس الصوت الزباله اللي في المطبخ دي تنزل والمواعين تتغسل *الفتاه الثالثه: وانتوا بقا ان شاء الله هتعلمونا نعمل ايه ومنعملش ايه؟ *دانيه: اه بالظبط كدا طول ما انتوا مش ملتزمين بقوانيين السكن احنا هنعلمكم تلتزموا ازاي وحاولنا معاكوا باكتر من طريقه بس شكلو الزوق مبينفعش *الفتاة الاولي باستفزاز: ولو م التزمناش *اسراء باستفزاز مماثل: بسيطه هنكلم صاحب السكن ويطردكم *الفتاه الاخري: يا سلاام بالسهوله دي *دانيه: ايوا ودا آخر كلام وآخر تنبيه *بعدما قالت دانية هذا الكلام خرجت هي ولانا واسراء متوجهين نحو غرفتهم *لانا: مش شايفين انو احنا زودناها شويه *دانيه: لاء مزودنهاش ولا حاجه النوع دا انا عارفاه كويس اوي ودي الطريقه اللي لازم نعاملهم بيها طالما الزوق مجبش نتيجه *اسراء: انتي لسا سنه اولي ومتعرفيش حاجه ومتعاملتيش مع ناس زيهم ولسا ياما هتشوفي *دانيه: طيب يلا بقا نذاكر..... في اليوم التالي في الجامعه دخلت لانا المحاضره وبدأت هايدي ودينا يضايقونها كما اعتادوا *هايدي:ايه دا طنط جات اهي*دينا: هههه طنط مين دي ستي العجوزه*حازم: هههه اه فعلا
