#شاهندا_صلاح #لا_تتركني
رفض والدي لانا الذهاب للمنزل الا معها والبقاء فتره اطول مع فريال وزوجها فهم كالاسرة الواحدة دائما ما يقفوا بجانب بعضهم البعض وقت الشدة والفرح، وبعد انتهاء فترة العمل ذهبت لانا مع والديها المنزل ونامت ع الفور فكانت في امس الحاجه الي الراحة هي ووالديها ايضا فقد كان يوما متعبا، اما رياض فظل بجانب زوجته فلا يستطيع ان يتركها ويذهب الي المنزل وهي ليست به...وذهب(علي) الي عمله ،...وفي اليوم التالي عصرا ذهب (علي) الي والدته في المشفي فلم يجد والده معها يبدو انه خرج لعمله فنظر من نافذة الغرفة ع والدته فوجدها تصلي فدخل بهدوء تام ولم تشعر به لخشوعها في الصلاة فسمع (علي) والدته وهي تبكي وتقول في سجودها * ياارب انا راضيه بكل اللي كاتبه ومش معترضه ع قضائك لانك حكم عدل بس ياارب اشفيني وهون عليا الالم اللي محدش عالم بيه غيرك يارب مموتش غير لما اشبع من عيالي وجوزي انا بحبهم لدرجه اني معملتش حسابي ممكن يجي يوم واسيبهم عاوزه اقعد معاهم اكتر واعيش حزنهم وفرحتهم يارب اشفيني ومتاخدنيش غير وانت راضي عني وصبرني ع مرضي يااارب... انهت (فريال) صلاتها وسمعت صوت شهقات بكاء خلفها فمسحت دموعها ع الفور حتي لا يراها احد ..فنظرت خلفها فوجدت (علي) واقفا يبكي بحرقه (فريال) علي! مالك يابني في ايه لم يتكلم علي فقط نظر الي والدته واحتضنها بقوة واشتياق في نفس الوقت كأنها شخص مر علي غيابه عشرات السنين (فريال) ايه يا علي بتعيط ليه متقلقش انا كويسه اهو زي ما انت شايف (علي) ببكاء يا ماما هتفضلي لامتي وانتي بتخبي علينا تعبك وبتعملي كل حاجه علشان تريحينا وتسعدينا بس في الحقيقه انتي اللي محتاجة للراحه والسعادة ( فريال) ببكاء علشان انت واختك وابوك اهم الناس في حياتي ولازم اهتم بيكم وبراحتكم واسعدكوا علشان شعادتكوا دي بتسعدني ( علي) من انهاردا كل اللي عدي دا مش هيرجع تاني وترتاحي خالص ومتشيليش هم اي حد فينا(فريال) مبتسمة مش هتفهم احساسي بيكوا غير اما تتجوز وتخلف بس ...دا لو عشت ليوم زي دا (علي) مقاطعا ان شاء الله هتعيشي لليوم دا وأكتر بكتير (فريال) ربنا يسعدك يارب ...علي عاوزة اطلب منك طلب (علي) اكيد يا أمي من غير ما تستأذني (فريال) كلم "هبه" اختك تزورني اصلها وحشتني بس متقولهاش عندي ايه علشان متتخضش (علي) حاضر يا أمي *وبعد دقائق قليلة دخلت اللمرضه كعادتها لتقدم العلاج لفريال فذهب علي خارج الغرفة وهاتف اخته واخبرها ان والدته مريضه ولكن لم يخبرها بأي مرض كما اوصته، وبعد ان انهي المكالمة عاد مرة اخري لغرفة والدته وجلسا سويا يتحدثون قرابة الساعة وبعدها.... (فريال) كفاية كدا يا علي روح شغلك مش عاوزه اعطلك او أخليك تقصر في شغلك (علي) مقبلا يد والدته: ماشي يا ماما ، هخلص شغل وأجيلك (فريال) ربنا معاك يابني...
جاءت (هبه) وزوجها لرؤية والدتها وصدمت كثيرا بعدما عرفت اي مرض اصاب والدتها وحزنت عليها هي وزوجها وظلت بجانبها طوال اليوم وسمح لها زوجها بالبقاء معها كيفما تشاء فهو يحب حماته كحبه لامه
(علي) مساء الورد ع الجميل (فريال) مساء الخير يا حبيبي (هبه) ايه اللي مخبيه وراك دا يا علي🤔 (علي) امممم تفتكروا ايه؟ (فريال) بسعاده ورد صح؟😃 (علي) صح يا ماما😄 احلي ورد لاحلي ماما في الدنيا😘🌹🌷 اتفضلي يا ست الكل (فريال) الله ريحته جميييييلة اوي😍 اصلا عرفته من ريحته وكمان الورد اللي بحبه (علي) يعني عجبك؟ (فريال) اوي ربنا يسعدك يا علي (هبه) الله ايه الدلع دا كلو وانا مفيش حاجه ليا☹ (علي) لاء دا لماما بس😌 (هبه) متصنعة الحزن مااشي شكرا يا خويا😪 (علي)😄😄 خلاص خلاص متزعليش خدي دي وانا برضو اقدر انساكي يا هبه (هبه) بفرحه الله شوكولاتي اللي بحبها😍 (علي)😂يا بت اكبري شويه ...
خرج علي من غرفة والدته بحثا عن (لانا) وذهب ألي مكتبها ولكنه لم يجدها فسأل عنها وعرف انها تعالج احدهم فانتظرها حتي عادت بعد ما يقارب نصف ساعه ووجدت (علي) بانتظارها (لانا) بدهشه علي؟ ايه طنط تعبانه؟ (علي) لاء هي كويسه (لانا) امال في ايه؟ (علي) مفيش جيت اطمن عليكي عامله ايه😀(لانا) الحمد لله بخير (علي) ممكن تقبلي دي مني😍 (لانا) بفرحه ورد😍 (علي) انتي بتحبي الورد؟ (لانا) اوووي احم احم😬 قصدي يعني ايه المناسبه علشان تجيبلي ورد🙄 (علي) اممم من غير مناسبه او اعتبريها علشان اهتمامك بأمي (لانا) بعصبيه متصنعه دا شغلي ومش معني كدا حد من اهل المريض يجيبلي هدايا🤨 رشوه يعني مثلا علشان اهتم بالمريض..لاء انا بعامل كل المرضي بضمير ومبفرقش بينهم سواء قرايبي او لاء (علي) هدي هدي ايه كل دا دانتي كبرتي الموضوع اوي🤦♂️ (لانا) لاء مكبرتش الموضوع ولا حاجه بس...(علي) بنظرة رومانسيه بس ايه.. خديه دا ورد عادي يعني هو انا قولتلك دي دبلة خطوبه😉 (لانا) نعم؟!! (علي) ايه اتخضيتي كدا ليه😄 يا ستي بهزر انتي كل حاجه تاخديها جد كدا🤦♂️ * اخذت (لانا) الورد من (علي) ولم تجد مجالا للرفض خاصة انها تعشق الورد وتحب ان يهاديها احدهم وردا و بداخلها كادت تطير من السعادة، وفي اليوم التالي جاء (علي) المشفي كعادته لزيارة والدته ولرؤية (لانا) ايضا فكل يوم يزداد حبه لها اكثر واكثر ويود التقرب منها ولكنه في المقابل يجد بعد (لانا) عنه احيانا واحيانا اخري يشعر انها تحبه ولا تريد اظهار هذا الحب لسبب ما لا يعلمه ولكنه مصر علي ان يكسب قلبها ، وبعدما قضي فتره طويله مع والدته ذهب كعادته الي مكتب لانا ولكنه لم يجدها هذه المره ولما سأل عنها احدي الممرضات
(علي) لو سمحتي الدكتوره لانا فين؟ (الممرضه) الدكتوره انهاردا اجازة (علي) اجازه؟! ليه؟ (الممرضه) علشان انهاردا الاربع والدكتورة الاربع والخميس والجمعه موجوده في عيادتها وباقي الاسبوع بتكون هنا في المستشفي (علي) بتنهيده ماشي شكرا ...
ظل (علي) طوال اليوم يفكر في (لانا) يبدو انه اشتاق لها في اول غياب عنه فكيف سيقضي ثلاثة ايام بدونها فهو اعتاد ع لقائها يوميا...فلم يجد فائده من انتظاره فذهب الي عمله ،...وع الجانب الآخر كانت لانا ايضا تفكر في (علي) فمضي يوم كاملا منذ عدم لقائهم وهي ايضا اعتادت رؤيته يوميا وظلت شارده في الورد الذي اعطاه لها وتبتسم حينما تتذكر المواقف المضحكه بينهم وقطع حبل افكارها صوت السكرتيره معلنا عن دخول مريض آخر يرجو الشفاء مما يعاني من آلام ...
