ظل (علي) يحاول ان تجيب عليه (لانا) ولكن بلا جدوي ...اما (لانا) فلم تعلم ماذا تفعل فوجدت ان افضل شئ تفعله هو ان تصلي صلاة استخاره وتدعو الله عز وجل ان يرشدها ماذا تفعل...(لانا)بعدما انهت الصلاة.. ياارب خليك معايا انا مش عارفه اعمل ايه يارب انت عارف اني بحب (علي) ومش هقدر انساه وانت يارب اكتر حد عارف كدا وعارف اني كنت بحاول ابعد عنه وانساه بس معرفتش ولما دايما بدعيك تخليني اقدر انساه خليته يجي يطلب ايدي انا يارب كنت فرحانه اوي بس خايفه اوي ليسيبني لو عرف بموضوع حازم ...حازم دا اكبر ذنب عملته فحياتي بس يارب انا مقتنعه ان كل حاجه بتعملهالي فيها خير وفعلا انا عرفت غلطي كويس مش بس كدا من بعد المشكله دي وانا قربت منك اكتر واكتر انا عمري ما كنت اتخيل انو انا اتحجب والتزم بالدين زي دلوقتي... يااارب والنبي (علي) ميسبنيش ابدااا زي كل الناس اللي فحياتي سابوني ...ياارب وفقني ياارب انا مش عارفه اعمل ايه بكرا ..انا خايفه ارفضه لاني بحبه وفنفس الوقت خايفه اوافق وبعد ما يعرف موضوع حازم يسيبني انا مش مستعده اخسره دلوقتي...ياارب خليك معايا وانا واثقة انك مش هتسيبني زي ما عدت مواقف كتير ومسبتنيش... *في اليوم التالي* استعد الجميع ليوم حافل وكانت سعاده (علي) في هذا اليوم لا تقدر بثمن (فريال) ودموع الفرحه في عينيها: الف مبروك يا حبيبي الف مبروك يا (علي) انا مش متخيله انك كبرت وبقيت عريس قمر ما شاء الله (علي) الله يبارك فيكي يا أمي ..الله بتعيطي ليه؟ (فريال) دموع الفرحه يا علي انا فرحانه اوي بيك وفرحانه اوي باختيارك، مش هتلاقي واحده احسن من لانا، انا حبيتها اوي البنت دي (فريال) وهيا كمان يا ماما بتحبك اوي..بس اوعي تكوني مضايقه مني علشان يعني مخدتش رأيك الاول وطلبت ايدها قدام الكل وكنتي لسا اللي خارجه من المستشفي..(فريال) لاء يا علي مش زعلانه بالعكس انا اللي كنت هكلمك فالموضوع دا اصل حسيتك بتحبها اوي ومش قادر تبعد عنها..اوعي تكون فاكر اني فالمستشفي علشان تعبانه مش واخده بالي من اللي بيحصل، عيب عليك دا انا امك يعني اكتر حد بيحس بيك من غير ما تتكلم (علي) ربنا يخليكي ليا يا أمي وميحرمنيش من حبك ليا💙 *في هذه اللحظه دخل رياض وهبه* (رياض) اش اش ايه الحلاوه دي ياض يا علي😍 (علي)😂مش احلي منك يا بابا يا جميل انت (هبه) يلا بقا يا جماعه هنتأخر عالناس مش كدا.....
*ع الجانب الآخر* (سماح)ودموع الفرحه في عينيها.. ما شاء الله عليكي يا لانا كبرتي وبقيتي عروسه زي القمر😍 من زمان وانا بحلم باللحظه دي مع الانسان اللي يستاهلك ويقدر يصونك..(لانا) الله بقا يا ماما بتعيطي ليه دلوقتي! (سماح) علشان فرحانه بيك وبصراحة انتي هتوحشيني اوي يا لانا انا متعودتش ع بعدك عني كدا (لانا) متعيطيش يا ماما انا مقدرش ابعد عنك(سماح) بس يا بكاشه بكرا تتجوزي وتنشغلي عني..(لانا) لا ابدا والله يا ماما حياتي من غيرك ملهاش معني اصلا هتلاقيني كل شويه عندك لغايه ما تزهقي مني😅(سماح) طيب يلا بقا اجهزي بسرعه الناس ع وصول...
*بعد عدة دقائق* اجتمع الجميع للاتفاف ع موعد الزفاف، وبعد ترحيب كبير من الطرفين
(رياض) مش محتاجين تعرفوا جايين ليه😅 ها قررتوا ايه؟ (سعيد) احنا كلنا عيلة واحده مش بس علشان علي ولانا هيتجوزوا لاء احنا عيلة واحده من زمان وطبعا يعني يشرفنا نبقي عيلة واحده فعليا (علي) طيب ايه بقا مش نسمع موافقه العروسة ولا ايه؟ (لانا) باندفاع وفرحة موافقة😀 (الجميع) ههههههههه، * خجلت لانا من موقفها هي لا تدري ماذا فعلت وكأن شخص آخر تحدث ع لسانها..
