#رواياتي #روايات_اجتماعية #روايات_رومانسية #شاهندا_صلاح #لا_تتركني ...البارت العاشر✌🏼
وجلسوا يتحدثون ويضحكون مع بعضهم البعض وتناولوا مشروبا ثم طلب حازم الرقص مع لانا *حازم: لانا ما تيجي ترقصي معايا *لانا باستغراب: ايه هنا لاء *حازم: ايه في ايه يا بنتي متخافيش *لانا: اوك يلا ..ورقص حازم مع لانا واثناء رقصه حاول التحرش بها *لانا: ايه اللي انت بتعملوا دا انت فاكرني ايه؟ انت متخلف* حازم: ايه يا بت انتي هو انتي مش شايفه نفسك ولا ايه مش شايفه لبسك يعني ولا انتي مش عارفه انتي جايه فين ولا تكوني فاكره نفسك داخله مسجد مثلا *لانا والدموع تتساقط من عينيها انت بتقول ايه...انت عارف اني مليش في الكلام دا ودي اول مره ادخل مكان زي دا *هايدي: اهدي بس يا لانا محصلش حاجه *لانا: هو انا لسا هستني لما يحصل انا ماشيه *حازم: لانا...يا لانا... قالت لانا هذا وخرجت مسرعه من هذا المكان الذي شعرت فيه بالخطر منذ ان ولجت قدميها ارض هذا المكان الغريب وذهبت الي السكن وكانت الساعه تماام العاشره مساءا وبعدما وصلت الي شقتها *دانيه: كل دا برا اتأخرتي ليه *لانا: انتي مين اصلا علشان تسأليني انا حره...بقولك ايه فكك مني انا مخنوقه وعايزه انام *دانيه: انتي بتتكلمي كدا ليه....لاء انتي اتغيرتي بجد *لانا: برضو هتقولي اتغيرت يا ستي انا حره وفكك مني بقا *اسراء: خلااص يا دانيه سيبيها ملناش دعوه تعالي نذاكر برا في الصاله......*اسراء: يا بنتي انا مش فاهمه انتي مهتمه بيها كدا ليه واحنا مالنا تعمل اللي تعملو دي حتي طريقه كلامها معانا بقت وحشه خلااص نبعد عنها *دانيه: البنت دي غلبانه واللهي ومن اول يوم شفتها فيه حسيت كدا حتي اول فتره لينا مع بعض كانت كويسه جدا وبتحبنا بس مش عارفه اتحولت كدا ليه *اسراء: عندك حق والله كانت كويسه جدا دي اتغيرت 180 درجه *دانيه: اكيد اتلمت علي شله مش كويسه وهما اللي عملوا كدا فيها وحتي لو في اشخاص مش محترمين عملوا فيها كدا ليه هي تبقي زيهم ويأثروا عليها *اسراء: اكيد علشان شخصيتها ضعيفه وقدروا يأثروا عليها بسرعه بس حرام بجد يحصل فيها كدا *دانيه: انا مش هسكت وبكرا لما انزل الجامعه هحاول اروح عند المدرج بتاعها واشوف هي مصاحبه مين اللي خلوها كدا *لم تستطع لانا النوم وظلت تبكي طوال الليل حتي تعبت وراحت في سبات عميق وفي صباح اليوم التالي في الجامعه *دينا: ايه يا بنتي مشيتي ليه امبارح *لانا: هو انتي يعني مشوفتيش حصل ايه *هايدي: يا بنتي عادي يعني اكيد ميقصدش *لانا: انتوا ليه محسسيني انو الموضوع عادي انا ماشيه...وبينما شرعت لانا اخلاء مكانها سمعت صوت يناديها وكان صوت حازم* حازم: لانا يا لانا....ولكن لم تجب عليه لانا *حازم: لانا يا لانا....لم تجب عليه واستمرت في طريقها ولكن اسرع حازم خطوته حتي كان امامها مباشره *حازم: مش بنادي عليكي مش بتقفي ليه *لانا بعصبيه: ابعد عني مش عايزه اشوفك قدامي *حازم: انا آسف مكنتش اقصد اللي حصل *لانا: لا يا شيخ! اومال لو قاصد كنت عملت ايه....بقولك امشي من وشي مش طايقه اشوفك وهمت لانا بالانصراف ولكن اوقفها حازم بكلماته الصادمه بالنسبه ل لانا *حازم: لانا استني...لانا انا بحبك *وقفت لانا مصدومه من كلامه *لانا: ايه؟! *حازم: ايوا يا لانا انا بحبك *لانا بسخريه: بتحبني ازاي يعني وهو في واحد بيحب واحده يعمل فيها كدا؟ *حازم: تعالي بس نقعد وانا هشرحلك مش هينفع كدا الناس بتتفرج علينا *لانا: لاء قولتلك مش عايزه اشوفك انت مبتفهمش *حازم: اسمعيني هقول ايه ولو كلامي معجبكيش امشي *لانا: طيب بس بسرعه *ذهبت لانا معه بدون ان تفكر..بمجرد انه قال لها انه يحبها احست بمشاعر تجاهه خاصه انه اول شاب في حياتها ولم تستطع ان تقاوم هذا الشعور *حازم: لانا انا بحبك بجد والله وانتي شريكه حياتي اللي كنت بدور عليها *لانا متسائله: بتحبني ازاي وعملت كدا معايا *حازم:انا كنت قاصد اعمل الحركه دي *لانا: نعم! دا اللي هو ازاي يعني *حازم: انا قولت اعمل كدا علشان اشوف ردة فعلك هتكون ايه ولما شوفت اللي عملتيه عرفت انك محترمه ومسمحتليش بحاجه زي دي وكبرتي في نظري وهو دا اللي كنت بدور عليه في شريكة حياتي ...انا كنت فاكرك من البنات اللي عادي بابنسبه ليهم بس طلعت غلطان انتي غير كل البنات اللي عرفتها *لانا: امممم مش عارفه اقولك ايه *حازم: متقوليش حاجه فكري وخدي وقتك الاول ونتقابل بكرا سلام *ذهبت لانا الي السكن وكانت تفكر فيما حدث معها وكانت تشعر بالحيره ولا تعرف ماذا تفعل وكانت تحكم قلبها وعقلها معا في هذه المسأله *العقل: انه لا يحبك كيف احبك في هذه الفتره القصيره*القلب: ما هذا الذي تقوله انت لا تفهم شئ الحب لا يحتاج الي وقت كي تحب شخص فمن الممكن ان تحب في يوم واحد *العقل:من الممكن ان يحدث هذا ولكن قل لي كيف لشخص ان يحب فتاه ويحاول ايذائها بهذه الطريقه*القلب: انت مخطئ ايها العقل هو لم يؤذيني هو فقط اراد التأكد من اخلاقي ويكفيني انه اعترف لي بهذا وزاد في نظري بهذا الاعتراف وهو ما يؤكد انه يحبني *العقل: لا اصدقك انت تخدع نفسك ولكن قل لي هل الحب مرتبط بالشكل والمظهر الخارجي؟ (القلب) لا ابدا هذا ليس له علاقة،ولكن قد يجذب المظهر الخارجي في البداية وتبقي الروح هي من تحكم اذا كان سيكتمل هذا الحب ام لا *العقل: وكلن احبك عندما غيرتي شكلك ومظهرك الخارجي، هو لم يحبك انت ايها القلب المسكين هوا فقط احب مظهرك الخارجي، فقد كنت امامه سابقا ولم يهتم بك ولكن عندما تغير شكلك فجأة احبك! هذا غير منطقي!! *القلب: انت لا تفهم شئ عن الحب والمشاعر ريما هو احبني اولا وانجذب إلي شكلي فأحبني اكثر... ايها العقل حقا حقا لا تعرف معني الحب انت فقط تعطي الاوامر وانا لم يعجبني حديثك ولم اقتنع به *العقل: بل انت من لا يعجبني حديثه ورأيي هو الرأي الصائب وستعرف هذا لاحقا ايها القلب المسكين، فأنا حاولت توعيتك ولكنك لا تستجيب لندائي وغدا ستعرف من ينتصر في النهاية....
