#روايات_رومانسية #روايات_اجتماعية #لاتتركني #شاهندا_صلاح ....البارت 18✌🏼
استدارت لانا لتري من المتحدث ولكنها تفاجئت..
(لانا) ايه دا هو انت😳 (علي) اه انا..انا مش مصدق اني شوفتك تاني☺ (لانا)..... (علي) بصي من غير لف ولا دوران انا معجب بيكي (لانا)... لم ترد عليه وظلت صامته للحظات (علي) ايه مالك مش بتتكلمي ليه (لانا) معنديش كلام اقوله عن اذنك🚶♀️(علي) لاء استني طيب قوليلي اسمك وايه اللي جابك هنا اي حاجه عنك😲 *في هذه الاثناء جاء والد لانا (سعيد) ايه يا لانا اتأخرتي كل دا ليه (لانا) مفيش يا بابا اصل... (سعيد) ايه دا سيادة الرائد علي واحشني يا راجل ايه فينك من بدري بدور عليك (علي) سعيد باشا اهلا بحضرتك😊 (سعيد) في حد برضو في فرح اختو يختفي كدا سألت عليك باباك قالي انك واقف مع اصحابك (علي) اه فعلا كنت مع اصحابي (لانا) حد يفهمني ايه اللي بيحصل ، بابا انت تعرفه (سعيد) اه طبعا دا علي ابن رياض صاحبي واخو العروسه (علي) باستغراب بابا! هي تبقي بنت حضرتك (سعيد) بفخر اه بنتي الدكتورة لانا، انتو تعرفوا بعض ولا ايه؟ اجابت لانا مسرعه لاء يا بابا دا كان موقف بالصدفه كدا مش اكتر😬 (سعيد) ااه (لانا) بخجل عن اذنكم انا هروح اقعد مع ماما
ذهبت لانا وجلست مع والدتها وكانت تشعر بالتوتر لما حدث ولكنها لم ترد اظهار ذلك لوالدتها حيث كانت منشغله مع صديقاتها بالضحك والتسليه (سماح) الف مبروك يا فريال هانم العروسه ما شاء الله عليها بنتك زي القمر (فريال) الله يبارك فيكي يا حبيبتي عقبال لانا ما شاء الله كبرت وبقت عروسه زي القمر جمال واخلاق..(لانا ) بخجل ربنا يخليكي يا طنط☺ (فريال) وانتي يا لانا خلصتي دراسه ولا لسا؟ (لانا) لسا يا طنط اهو آخر سنه (فريال) ع خير ان شاء الله يا حبيبتي (فريال) كليه ايه؟ (لانا) طب جامعه عين شمس (فريال) ما شاء الله ربنا معاكي *ظلت والدة لانا وفريال يتحدثون سويا وبين حين وآخر تشاركهم لانا الحديث وفهمت من خلال محاداثاتهم انا فريال والدة الرائد علي وايضا والدة العروسه التي تقام من اجلها كل هذه الاحتفالات فهي ابنتهم الوحيدة *وبعد ما يقارب ساعتين انتهي حفل الزفاف وذهب الجميع الي منازلهم، وبعد انا وصل سعيد واسرته المنزل (سماح) يااه الواحد غير جو والفرح ما شاء الله كان حلو اوي ولا ايه يا لانا؟ (لانا) ايوا فعلا يا ماما عن اذنكم هروح انام انا فصلت خلاص وعندي سفر الصبح، همت لانا بالذهاب ولكن ناداها والدها (سعيد) لانا (لانا) بتوتر نعم يا بابا (سعيد) تعالي احكيلي ايه موقف الصدفه اللي شوفتي فيه علي (لانا) ابدا يا بابا من فتره كدا وانا جايه من السكن لهنا حرامي في الشارع سرق شنطتي و (علي) هوا اللي رجعهالي (سعيد)امم (سماح) يالهوي طيب وحصلك حاجة؟ الحرامي دا اذاكي!؟ (لانا) لاء يا ماما الحمد لله هوا خدها وجري ع طول (سعيد) وليه محكتيش الموقف دا قبل كدا (لانا) عادي يا بابا محصلش حاجه مهمة اشغل بيها وقتكوا (سعيد) تشغلي وقتنا ايه بس يا لانا!! دانتي بنتنا الوحيدة (لانا) ربنا يخليكم ليا (سماح) خلاص يا حبيبتي روحي نامي اكيد تعبتي انهاردا (لانا) ايوا..يلا تثبحوا ع خير..
*شعرت لانا بعطف وحنان والديها عليها فمنذ دخولها الجامعة تغير كل شئ وبدأت تشعر بحنان والديها عليها وفخرهم بها وبأخلاقها التي يتحدث عنها الجميع منذ الوهلة الاولي التي يراها فيها... في صباح اليوم التالي استيقظت لانا مبكرا لتذهب الي السكن حيث موقع دراستها ولكنها اولا ذهبت لزيارة صديقتها دانيه في عيادتها الخاصة (لانا) الدكتورة دانيه موجودة؟ (السكرتيره) اه موجودة يا دكتوره (لانا) تماام انا هدخلها (السكرتيره) اكيد اتفضلي☺ دخلت لانا الي الغرفه التي تتواجد بها دانيه (لانا) حبيبي اللي واحشني🤗 (دانيه) لانا حبيبتي ازيك وحشتيني اوي😘 (لانا) وانتي كمان طمنيني عليكي عامله ايه (دانيه) اهو والله الحمد لله طول اليوم في العيادة (لانا) ربنا معاكي بس مفيش ناس برا انهاردا؟ (دانيه) اه مانا انهاردا المفروض اجازة بس انا جيت اخلص كام حاجه هنا (لانا) ربنا معاكي (دانيه) ياارب..ايه بقا وانتي اخبارك ايه واخبار الكلية معاكي (لانا) الحمد لله كلو تمام بس😬 (دانيه) بس ايه (لانا) في مواقف حصلت معايا وعاوزة آخد رأيك فيها (دانيه) حصل ايه احكيلي * قصت لانا كل ما حدث من صدف بينها وبين علي (لانا) انا معرفش هو ازاي معجب بيا كدا بسرعه (دانيه) وانتي؟ (لانا) معرفش علشان كدا جيتلك آخد رأيك بما انك اتجوزتي فهتعرفي اكتر مني (دانيه) هممم طيب انتي حاسه بحاجه ناحيته (لانا) مش عارفه ..انا مبقتش اثق في اي راجل من بعد اللي حصلي عايزة اقوله يبعد عني😣 (دانيه) بصي يا لانا يا حبيبتي مش معني انك جربتي مرة وكان الحظ مش معاكي يبقي تبطلي تثقي في الرجاله او يمكن هو مش حظ دا كان سوء اختيار وبعدين انتي كنتي لسا صغيره ومتعرفيش (لانا) فعلا بس حتي لو حصل نصيب انا لازم احكيله ع اللي حصل.. واكيد لما يعرف هيسيبني😞 (دانيه) يسيبك او لاء دا بيعتمد ع شخصيته وتفكيره والحمد لله يعني محصلش حاجه كبيره وانتي تبتي واتغيري من زمان ...متخليش موضوع زي دا يأثر عليكي انت طيبه وتستاهلي كل خير *وبعد قليل انتهت زياره لانا لدانيه وذهبت للجامعه وبعد ان انهت محاضرتها كانت تنتظر في مكان الاستراحه المفضل لديها للمحاضرة التاليه حيث المكان هادئ ولا يوجد الكثير من الطلاب وهناك العديد من الاشجار والورود جميله الالوان والهواء المنعش النقي واشعه الشمس التي تزيد المكان دفأ وروعه وكانت لانا تجلس سارحه بأفكارها واذا بها تسمع ضوضاء من حولها فنظرت خلفها وكان هناك العديد من رجال الشرطة يمسكون ببعض الطلاب وياخذونهم بالاجبار نحو عربة الشرطة... ولكن ما جذب انتباها (علي) من بين هؤلاء الضباط. (علي) بعصبيه يلا يله منك له خدهم ع البوكس يا عسكري (احد المجرمين) انت هتعمل عليا باشا ولا ايه متبوظليش الدماغ اللي عاملها ..علي الفور ضربه (علي) ع وجهه ضربه علي اثرها كأنه استيقظ للتو من غفلته (علي) بعصبيه😡 وبنظرة تهديد😒 لما تتكلم معايا تتكلم بأدب بدل ما يكون ليا تصرف تاني معاك (الطالب) بخوف من نظرات(علي) ححاضر..ححاضر يا باشا😨 حدث كل هذا وسط ذهول لانا فلم تتخيل ابدا ان علي الشخص الذي كان دائما ما يحادثها بلطافه لديه كل هذا الغضب بداخله وطريقته الجافه في التعامل مع المجرمين ...ووسط ذهولها نظر لها وابتسم ابتسامة خفيفه وبعدها فورا تحول الي نفس الشخص العصبي وصعد إلي عربة الشرطه مسرعا وكأنه بابتسامته هذه يقول لها لا تخافي انا لست ذلك الوحش الذي تظنيه فأنا اتعامل هكذا مع من يستحق هذه المعامله فقط.. وبينما (لانا) تفكر فيما حدث سمعت احدي الطالبات تقول: واااااو شوفتي الظابط امور ازاي🤭 (الطالبة الاخري) امور اوي😍 ولا عصبيته شوفتيه وهو بيضرب الولد تحسي انه قوي (الطالبة الاولي) انتي هبله😒اكيد قوي بكل عضلاته دي وبعدين دا ظابط، ابتسمت لانا من حوار الفتاتين الذي لا يبدو فيه شئ مهم بالنسبه لها ثم ذهبت الي محاضراتها وبعد اسبوع لم يعد سوي ايام قليله ع الاختبارات النهائيه وطوال هذا الاسبوع لم تلتقي لانا بعلي ابدا ولم تشغل تفكيرها كثيرا به ودرست جيدا حتي انهت اختباراتها ونجحت بتقدير امتياز واصبح كل شئ معد لتصبح دكتوره متخصصه في الباطنه لتعالج المرضي بكفاءة عاليه في عيادتها الخاصه بها.....
اكتبولي تتوقعوا ايه اللي هيحصل بعدين🤔؟
