#لا_تتركني #روايات_رومانسية #روايات_اجتماعية #شاهندا_صلاح ...البارت 12✌🏼
(حازم) معلش يا حبيبتي مش قادر اتحرك حتي افتح الباب (لانا) الف سلامه عليك يا جبيبي طيب اقعد ارتاح *اسندت لانا حازم حتي جلسوا سويا في الصالون (لانا) الف سلامه عليك يا حازم طمني الدكتور قالك ايه (حازم) دور برد شديد ومش قادر اتحرك وجسمي كلو مكسر (لانا) الف سلامه عليك يا حبيبي تحب اعملك حاجه تشربها تخفف معاك البرد (حازم) لاء يا حبيبتي مش عايز اتعبك (لانا) تتعبني ايه بس اومال انا جايه هنا ليه ...ها فين المطبخ (حازم) ربنا يخليكي ليا يا حبيبتي المطبخ في الطرقه دي تاني مدخل ع طول (لانا) ماشي يا حبيبي مش هتأخر (حازم) طيب اجي اساعدك في اماكن الحاجات (لانا) لاء متتعبش نفسك انت انا هعرف اتصرف (حازم) ماشي ولو احتجتي حاجه ناديلي (لانا) تماام *ذهبت لانا الي المطبخ واعدت كوبا من الليمون الساخن مع مسحوق الزنجبيل لحازم وواجهت صعوبه في ايجاد المكونات في المطبخ فهذه اول مره لها في هذا البيت ولا تعرف فيه شئ ولكن في النهايه تمكنت من ايجاد المكونات (لانا) خد يا حبيبي اشرب دا (حازم) ايه دا (لانا) زنجبيل مع ليمون هيخفف معاك البرد خالص (حازم) تسلميلي يا حبيبتي ربنا يخليكي ليا *بعد ذلك جلسوا يتحدثوا طويلا وكانوا بين الفينه والاخري يشاهدون التلفاز سويا وبعد عدة ساعات قامت لانا بتجهيز وجبه غداء لحازم وجلست معه حتي انتهي منها واعطته الدواء واطمئنت عليه وانصرفت
*في اليوم التالي ذهبت لانا الي حازم بامر منه لانه كان ما يزال مريضا وبسبب حب لانا له لم ترفض ابدا دعواته لها بالذهاب الي منزله ووثقت فيه اكثر مما ينبغي واحبته اكثر لانه في نظرها افضل انسان تعرفت عليه وظلت ع هذا الحال لمدة طويله حتي قربت امتحانات الفصل الدراسي الاول (دانيه) لانا مش هقولك فاضل اسبوع ع الامتحانات ولسا مش بتذاكري بس خلي بالك الكليه صعبه والامتحانات اصعب ولو حاطه في بالك انك تغشي فدا صعب اوي (لانا) ياربي سيبيني في حالي الموضوع دا يخصني انا لوحدي براحتي بقا اذاكر ماذاكرش انا حره (دانيه) انتي لسا زي ما انتي وعلي فكرا دي آخر مره هكلمك فيها علشان انا بجد تعبت كل مره اقول هتسمعيلي بس ردك عليا بالطريقه دي هيخليني مكلمكيش تاني (لانا) كويس برضو (دانيه نظرت لها نظره عتاب وقامت دون ان تتفوه باي كلمه وادركت انها هي من خسرت هذه المره في النقاش وفضلت الانسحاب *في اليوم التالي في الجامعه* (لانا) ازيكو يا بنات *الجميع تماام (حازم) عامله ايه يا حبيبتي (لانا) كويسه وانت اخبارك ايه (حازم) كويس (لانا) ايه بقا امتي هنشتري الامتحانات مفيش غير اسبوع بس ع الامتحانات (هايدي) اه صحيح دا انا كنت نسيت خالص (دينا) يا لهوي ايه دا هو الترم خلص بسرعه كدا ليه (حازم) متقلقوش بعد يومين بالظبط والامتحان هيكون معانا (لانا) كويس انو قبل المادة بكام يوم ع الاقل علشان نذاكر شويه...بس هو المادة بكام (حازم) المادة الواحده ب 200 جنيه (دينا) 200!! دا احنا عندنا 6 مواد (حازم) مش مشكله الفلوس المهم ننجح (لانا) عندك حق احنا لازم ننجح *بعد مرور يومين* (حازم) جبتلكوا الامتحان (هايدي) ايوا بقا الحقنا بيه دا احنا هنضيييع (لانا) كويس علشان نلحق نذاكر اي حاجه (دينا) خد الفلوس وهات الامتحان (هايدي) يالهوي كل دا امتحان (دينا) طيب انا بقي همشي علشان اقدر احفظ كل الاجابات دي يلا سلاام (الجميع) سلاام (هايدي) وانا كمان همشي علشان الحق اذاكر اي حاجه علشان انا دماغي جزمه وبنسي بسرعه (لانا)ههههه متقلقيش يا بنتي هتلحقي تحفظيهم (هايدي) ياريت واللهي يلا بقا سلام (لانا) سلاام (حازم) ايه بقا يا حبيبتي ما تيجي نخرج انهاردا مع بعض (لانا) طيب هنروح فين (حازم) اي كافيه عادي يعني مش مكان محدد اي مكان تقولي عليه يا حبيبتي انا موافق (لانا)خلااص نروح كافيه **** بحبه اوي المكان هادي وجميل (حازم) تماام ع الساعه 8 كويس؟ (لانا) اتفقنا بس انا همشي دلوقتي علشان اذاكر شويه (حازم) ماشي يا حبيبتي اشوفك باليل (لانا) ان شاء الله *من داخل سكن الطالبات كانت لانا تدرس جيدا للامتحان او بمعني اصح كانت تدرس الامتحان نفسه وتحاول فهم ما تحتويه الاوراق من اجابات ع اسئله تراها لاول مره ولكن بما انها كانت مجتهدة للغايه في المرحله الثانويه فاستطاعت فهم الاسئله في وقت قصير ...بعد ما يقارب خمس ساعات* (حازم) ايه يا حبيبتي خلصتي؟ (لانا) اه يا حبيبي اديني نازله (حازم) طيب انا عند اول الشارع بتاع السكن بتاعك (لانا) اه اهو شوفتك خلااص *قضت لانا اكثر من ثلاث ساعات مع حازم ولم يتركها ترجع بمفردها الي سكنها (لانا) خلاص يا حازم امشي انت علشان لو المشرفه شافتك هتسأل مين دا وحوار طويل (حازم) ماشي يا حبيبتي سلاام (لانا) سلاام *وصلت لانا الي السكن وكان الباب مغلقا فنظرت الي ساعة يدها فوجدتها الحاديه عشر مساءا وظلت تدق جرس الباب ولا احد يجيب فرنت ع هاتف المشرفه لتفتح لها الباب (لانا) ايوا يا ميس انا تحت والباب مقفول (المشرفه) طيب ثواني هنزل افتحلك *وبعد ما يقارب دقيقتين * (المشرفه) كنتي فين كل دا انتي مش عارفه انو السكن آخرو الساعه 10 انتي عارفه الساعه كام دلوقتي؟ (لانا) معلش يا ميس واللهي بس غصب عني اتأخرت (المشرفه) غصب عنك ازاي يعني دي مش اول مره تتأخري فيها .... (لانا)انا كنت في كورس وعلشان الامتحانات خلااص مش فاضل عليها غير كام يوم بنطول شويه في الكورس (المشرفه) طيب ادخلي ومتتأخريش تاني (لانا) حاضر يا ميس *في اليوم التالي في الجامعه* (هايدي) هو ايه دا يا حازم انت مش شايف انو الموضوع زاد عن حده اوي (حازم) موضوع ايه دا (هايدي) متسائله: انت فعلا بتحب لانا؟ (حازم) هههههه اكيد لاء يعني😏 (هايدي) مبتحبهاش ازاي وانتوا بتخرجوا كل يوم ..ويا حبيبتي ومش عارفه ايه (حازم) لاء انا بتسلي مش اكتر😁 (هايدي) حازم اوعي تعمل فيها حاجه وحشه البنت شكلها كويسه (حازم) هههه كويسه قال😒وهي لما محترمه كدا بتوافق تخرج لوحدنا ليه وكمان بتجيلي البيت وعارفه اني بكون لوحدي في البيت (هايدي) بتجيلك البيت😳 (حازم) ايوا (هايدي) وامتي اول مره جاتلك فيها (حازم) لما كنت تعبان وكان عندي دور برد (هايدي) ع فكرا يا حازم لانا بتحبك بجد وعلشان كدا ضحت وجاتلك وانت تعبان ومخافتش تجيلك وانت وحدك لانو هي فاكره انك بتحبها زي ما بتحبك ...اوعي تأذيها حرام عليك وقولها انك بتتسلي ومش بتحبها (حازم) وانا هعمل ايه يعني المفروض تفهم وحدها مش شغلي بقا اروح اشرحلها وبعدين كل حاجه هي بتعملها برضاها ....بس علشان هي ودينا جايين علينا (دينا) هاااي عاملين ايه (الجميع) تماام (لانا) ازيك يا حازم ، ازيك يا هايدي (حازم) تماام (هايدي) كويسه يا حبيبتي وانتي (لانا) الحمد لله (دينا) ايه مالكو في ايه ساكتين يعني ومش بتتكلموا (هايدي) ابداا مفيش حاجه (لانا) مالك يا حازم شكلك مضايق (حازم) مفيش يا حبيبتي بس علشان الامتحانات خلاص ومش عارف اذاكر (لانا) بس كدا...متقلقش انا ذاكرت جزئيه كويسه امبارح وهحاول اشرحلك😇 (حازم) بس...(لانا) بس ايه مفيش بس يلا بقا علشان تذاكر🤨 *جلست لانا مع حازم وشرحت له كل ما درسته بالامس وكانت تخشي عليه دخول الامتحان بدون معرفه اي شئ حيال المادة ولكن لم ينتبه حازم لشرحها جيدا وكان يسهو بين الفينه والاخري وبعد ان انهت لانا شرحها لحازم ذهبت الي السكن وكانت تدرس للامتحان وهذه المره بجهد اكبر حتي تستطيع شرحها لحازم وبينما هي تدرس رن هاتفها وكان المتصل هذه المره (هايدي) (لانا) الو ازيك يا هايدي (هايدي) تماام كويسه ..انتي فين؟ (لانا)في السكن ليه؟ (هايدي) لاء مفيش بس عايزه اقولك ع حاجه بس متفهمنيش غلط (لانا) مفهمكيش غلط في ايه!؟
