#روايات_اجتماعية #روايات_رومانسية #لا_تتركني #شاهندا_صلاح .... البارت 16✌🏼
(لانا) يالهوي شهر بس دا انا كنت نسيت انا خايفه اوي من موضوع الامتحانات دا😭 (دانيه) وتخافي ليه ما انتي التيرم الاول ذاكرتي في كام يوم بس وما شاء الله جبتي تقدير (لانا) اصل...😬(دانيه)اصل ايه (لانا)اصل حازم منه لله هو واللي معاه اقنعوني اني مذاكرش واشترينا الامتحانات (دانيه) اه علشان كدا كنت حاسه والله وطبعا الماده اللي نزلتي فيها كان الامتحان اتغير (لانا) ايوه صح😔😩 (دانيه) اكيد عرفتي غلطك يا لانا انا مش هتكلم في الموضوع دا ومتقلقيش هتقدري ان شاء الله تخلصي مذاكره قبل الامتحانات وهتجيبي تقدير كمان انا واثقه فيكي😇 (لانا) ياارب🙏 (اسراء) لانا صحيح هو انتي هتسيبي حازم كدا من غير ما تواجهيه ع اللي عملوا او حتي تعاقبيه😡هو وهايدي ودينا (لانا) مش هسيبه طبعا بس هايدي ودينا ملهمش ذنب في اللي حصلي انا اللي سمعت كلامهم محدش ضربني ع ايدي منهم انا اللي مشيت وراهم😔 يلا بقا ربنا يهديهم (اسراء) ايوا صح🙄 بس حازم دا حيوان اصلا ويستاهل عقابه بس هتعملي فيه ايه🤔 (لانا) بصي يا ستي😉
في تمام الساعه الثانيه عشر مساءا (حازم) الحقني يا بابا😰 (والد حازم) ايه خير حصل ايه😯 (حازم) انا في القسم (والد حازم) قسم! ليه عملت ايه المره دي😡 (حازم) انا معملتش حاجه كنت قاعد انا وواحده صاحبتي في البيت والبوليس جه اخدنا (والد حازم) انت مش هتبطل الصياعه اللي انت فيها جاتك القرف😡😏 (حازم) يا بابا انت فهمت غلط (والد حازم) غلط😒! هو ايه اللي غلط قاعد مع واحده لوحدكوا في شقه والساعه 12 بالليل معلش يا سيدي انا آسف😏 (حازم) انا هعمل ايه دلوقتي😬 (والد حازم) خليك عندك لغايه ما ارجع من السفر واشوفلك حل (الظابط) كدا بقا حقك القانوني في مكالمه واخدته...اكتب عندك يابني قررنا نحن الاربعاء الموافق 15/11/18 حبس المتهم خمسة عشر يوما ع ذمة التحقيق (حازم) لاء مستحيل😯 (الظابط) خده يا عسكري من هنا...وبعد مرور خمسة عشرة يوما (حازم)كده يا بابا تسيبني اتسجن انا ابات في التخشيبه وسط المجرمين 😧)والد حازم)انا علشان انزل من الكويت و اخلص شغلي هناك اخذت وقت كبير وانت كمان القضيه كانت لابساك لولا بس الكفاله اللي انا دفعتها لك علشان تخرج وانت كمان مش هتتأدب غير ما يحصل معاك موقف زي ده يا ريت تكون اتعلمت من اللي حصل يلا اتفضل امشي من قدامي😤 * من داخل السكن* (اسراء)والله لسه مش مصدقه ان حازم اتسجن واخذ عقابه (دانيه) يستاهل والله يا ريت بقى يكون تاب من الخمستاشر يوم دول (اسراء) بس يا لانا انا مش فاهمه انتي ازاي بلغتي الشرطه في الوقت المناسب (لانا)مجرد صدفه والله مش اكتر بس انا لما كنت بروح لحازم في البيت كنت دايما بشوف واحده نازله من عنده و عرفت من البواب انها دائما بتجيله وكمان في وقت متاخر بالليل واتفقت مع البواب انه يساعدني واول ما البنت تيجي يرن عليا وانا اتصرف وبس (اسراء) الله عليكي فنانه والله (لانا) الحمد لله الموضوع حصل زي ما كنت عايزه وان شاء الله ربنا مش هيسيبه و متاكده هيسقط السنه دي هو اللي معاه لانهم مش ببذاكروا خالص ولا حتى بيحضروا محاضرات (اسراء) كل واحد بياخد على قد تعبه يلا بقى كفايه رغي كده خلينا نذاكر احنا كمان ...وفي المساء اجتمعت لانا واسراء يحتفلون بقدوم شهر رمضان الكريم وذهبن الي الشرفه ينظرن الي الالعاب الناريه التي تزين السماء✨ فرحه بشهر الكرم والي مصابيح الزينه💡 واحبال الزينه التي تزين شرفات المنازل🎉 والاطفال الذين يمسكون بايديهم فوانيس رمضان 🌃ويغنون اغاني رمضان المصريه الشهيرة ومنها (حالو يا حالو رمضان كريم يا حالو🌠 هاتو الفوانيس يا ولاد هاتو الفوانيس🎉
ففي هذا الوقت من بداية الشهر الكريم يفرح الجميع كبير وصغير..
(دانيه) كل سنه وانتوا طيبين يا بنات رمضان كريم (الجميع) الله اكرم (دانيه) يلا بقا استعدوا علشان شويه وهنصلي اول تراويح جماعه مع بعض (لانا) الله من زمان اوي نفسي في كدا (اسراء) الله دي حاجه حلوة اوي بس مين فينا هتكون الامام(دانيه) انا ان شاء الله (لانا) طيب نطلع نصلي فوق ع الروف علشان هنا حر (دانيه) تماام انا كنت هقول كدا برضو *وبعد ما يقارب ساعتين قامت دانيه بدور الامام وصلت التراويح مع لانا واسراء وكانت دانيه تحفظ الكثير من القرأن الكريم وكانت ترتل القرأن بصوت جميل وهادئ وبعد الانتهاء من تأديه الصلاة (لانا) ما شاء الله عليكي يا دانيه صوتك حلو اوي (دانيه) تسلميلي🤗 (لانا) كان نفسي اوي من زمان اتعلم اقرأ قرآن زيك كدا وبالاحكام (دانيه) اهو احنا فيها بعد التراويح كل يوم هعملك (لانا) بجد😀 (دانيه) اه بجد😄لاحظت دانية الشرود يبدو علي اسراء (دانية)ايه اسراء مالك سرحانه في ايه (اسراء) مفيش بس مضايقه شويه😑(دانيه) ليه حصل ايه (اسراء) بكره اول يوم امتحان وانا خايفه اوي و دكتور الماده مستحلفلنا وقال الامتحان هيجي صعب😭 (دانية)بصي يا حبيبتي انا مش عايزاكي تخافي ابدا لان الخوف هيطير كل المعلومات اللي في دماغك وهتتوتري وهتنسي الاجابات فعلشان كده اعتبري الامتحان ده زيه زي اي تدريبات انت بتحليها مع نفسك وخديه ببساطه متدهوش اكبر من حجمه وماتخافيش لان ده هيجيب نتيجه سلبيه و اعملي اللي عليكي و ذاكري كويس وركزي على كل الاسئله المهمه و فكك من كلام الدكتور لان تعبك مش هيضيع على الفاضي وماتنسيش (لكل مجتهد نصيب) و ان شاء الله هتنجحي وبتقدير كمان😀 و اهم حاجه انك تقنعي نفسك ان الامتحان سهل وانك مذاكرة كويس علشان ده بينعكس بطريقه ايجابيه على عقلك الباطن و بتشجعي اكثر بتثقي اكثر في نفسك😌 لكن لو خفتي وقلت لسا مخلصتش ومش هلحق و كل الكلام ده😣 فهينعكس بطريقه سلبيه على عقلك الباطن وهيقتنع بالفكره وحتى لو جاه سؤال سهل وانتي عارفه الاجابه كويس مش هتعرفي تحليه وهتنسى لانك اقتنعتي خلاص مش مذاكره ولو لا قدر الله نسيتي سؤال قولي (اللهم ذكرني منه مانسيت وعلمني منه ما جهلت )و هتفتكري باذن الله (اسراء) بجد يا دانية شكرا اوي على كلامك شجعني جدا و انا خلاص مبقتش خايفه من الامتحان وان شاء الله هيجي سهل اعرف احل🤗 (لانا) فكرتيني بماما كلامك شبها اوي و ساعات بحسك مامتي معرفش ليه بحس كده يمكن علشان انتي دايما بتهتمي بيا و بتخافي عليا من اي حد و دايما بتنصحيني حتى بعد كل اللي عملته فيكي مسبتنيش انتي ولا اسراء وقفتوا جنبي لغايه ما رجعت لربنا تاني و احسن من الاول بكتير كمان انا لسه حاسه بالذنب لغايه دلوقتي حاسه ربنا زعلان مني (دانيه) لا يا حبيبتي احساسك مش صح اطمني طول ما انت بتعملي ذنب وندمتي عليه اعرفي انك بتخافي من ربنا ومن غضبه عليكي اعرفي انك لسا بخير و لسا قلبك ابيض لكن لو عملتي ذنب و محستيش انه حرام او غلط كده بقى اللي لازم تخافي من ربنا ( وربنا غفور رحيم) وغفرلك ذنوبك والدليل انه قربك ليه اكثر من الاول وكل شويه بيزيدك تقوي وحب للقران يعني ربنا عايزك تقربي منه اكثر واكثر لان القرب من ربنا دا سعاده ملهاش وصفه حتى ساعات كده تحسي نفسك فرحانه من غير ما يكون في حاجه تفرحك او حد قالك حاجه تفرحك😃 بس الفرحه دي من ربنا بسبب انك بترضيه وهو كمان بيرضيكي على العكس لما يكون الانسان بعيد من ربنا لازم بيجي عليه وقت بكون مخنوق فيه وكمان من غير سبب ومهما فرح فرحته مش بتكمل، دايما بتبقي ناقصة بس مش عارف ليه😣، بس لو فكر شوسة وقرب من ربنا هيلاقي نفسه سعيد وربنا معاه فكل مشكلة بيقع فيها (لانا) عندك حق😔..انا لما كنت بعيدة من ربنا وكان في حاجات بتفرحني مكنتش بفرح اوي كنت دايما بحس في حاجة ناقصة وكان شعور الاحساس بالذنب مش سايبني😔 لكن دلوقتي العكس تماما الحمد لله🤲🏽 ، بس انا لسا مش مصدقة اللي حصل وازاي حازم اللي كنت بثق فيه كده يتحول فجأة (دانية) متستغربيش..في ناس كتير فالزمن دا زي حازم واوعي تثقي فحد زي كدا ابدااا وخليكي عارفة وفاهمة كويس مش اي ولد هيرضي يتجوز بنت مشي معاها بالشكل دا وشاف انها "سهلة" لا بالعكس كده هتنزل من نظره ومش هيتقبلها تبقي مراته مهما حصل هو بس زي ما بيقولوا بيتسلي مش أكتر...
