#روايات_اجتماعية #روايات_رومانسية #لا_تتركني #شاهندا_صلاح ...البارت ال 11✌🏼...
في اليوم التالي *دانيه: لانا مين اللي كنتي معاه انهاردا في الجامعه *لانا: ايه دا بقا هو انتي بتراقبيني *دانيه: براقبك ايه بس!! انتي فاهمه غلط *لانا: اومال دا اسمو ايه *دانيه: لانا يا حبيبتي انا بس خايفه عليكي *لانا: شكرا بس انا كويسه ومفيش حاجه تخافي عليا منها وبعدما قالت لانا هذا الكلام انصرفت ولم تدع اي فرصه لدانيه للنقاش *في اليوم التالي في الجامعه* لانا: ازيكو يا بنات *هايدي ودينا: تماام *لانا: ايه بقا فين حازم هو مجاش انهاردا ولا ايه *دينا: لاء كان هنا من شويه *في هذه اللحظه اتي حازم *حازم: ازيكو يا بنات *الجميع:تماام *حازم: لانا عايزك في حاجه تعالي نتكلم *هايدي:عايزها في ايه يعني متقول هنا *حازم: لاء مش هينفع هنا لازم وحدنا *دينا: ايه انتوا بتخبوا علينا ولا ايه احنا اصحاب في بعض *حازم: مش بخبي ولا حاجه بس لما اتأكد هقولكم ...يلا يا لانا *جلس حازم مع لانا في مكان بعيد قليلا عن هايدي ودينا ولكن ما زال يمكنهم رؤيتهم ولكن لا يستطيعوا سماع حديثهم *حازم: ها فكرتي في اللي قولتهولك امبارح *لانا: اه فكرت *حازم: طيب وردك ع كلامي ايه *لانا: بص يا حازم هو انا في البدايه كنت معجبه بيك والاعجاب دا شويه شويه بدأ يتحول لحب بس في اليوم اللي حصل فيه كدا حسيت اني غلطانه لغايه ما انت جيت ووضحتلي عملت كدا ليه وبالعكس انا فرحت جدا لما فهمت انك بتحاول تعرف ردة فعلي ع موقف زي دا *حازم: افهم من كلامك انك موافقه نرتبط؟ *لانا مبتسمه: ايوا موافقه *حازم: بحبك يا لانا *لانا: وانا كمان *حازم: يلا بقا نروح نقول لهايدي ودينا اننا مرتبطين زمان الفضول هيقتلهم *لانا:هههههه يلا بينا *حازم: يا جماعه انا ولانا ارتبطنا *هايدي: الكلام دا بجد يا لانا؟ *لانا:اه بجد انا بحب حازم *حازم ممسكا بيد لانا وقال : وانا كمان بحبك يا حبيبتي *دينا: بس دا حصل امتي وازاي مش انتو كنتوا متخانقين *حازم:كنا بقا *هايدي: طب ايه يا جدعان حد يفهمنا حاجه من اللي بيحصل *حازم: بصي يا ستي الموضوع..... *في اليوم التالي في السكن* دانيه: لانا عايزه اتكلم معاكي شويه *لانا: اذا كان نفس الموضوع فانا مش عايزه اتكلم فيه *اسراء: ازاي يعني مش عايزه تتكلمي فيه لانا يا حبيبتي دي مش انتي دي لانا تانيه خالص غيرك ليه مش مقتنعه انك اتغيرتي مش بس معانا حتي مع اهلك *دانيه: ايوا فعلا حتي بطلتي تكلميهم زي الاول ولما بتنزلي البيت بترجعي لنفس شخصيتك الاولي وبتلبسي لبسك الاول ومن غير ميكاب عارفه دا ايه ؟ دا نفاق يا لانا وانتي اكيد عارفه انك بتعملي حاجه غلط علشان كدا بترجعي لنفس شخصيتك القديمه ومش عايزه اهلك يعرفوا لانو اكيد ردة فعلهم هتكون عنيفه ولا انتي شايفه ايه؟ *لانا: ها خلصتي يا شيخه منك ليها...خلصتوا محاضره الدين بتاعتكوا ولا لسا *دانيه: انتي ليه مش عايزه تفهمي *لانا: انتوا اللي مش عايزين تفهموا وتسييوني في حالي انا حره اعمل اللي عايزاه سواء كان عاجبكم او لاء دا ميهمنيش...وفجأه رن هاتف لانا وكان المتصل حازم *لانا: عن اذنكم عندي تليفون مهم وغادرت لانا الغرفه *اسراء: قلتلك هتكلمنا باسلوب مش كويس انا توقعت كدا منها وعملت اللي عليا وحاولت معاها بس هي مش راضيه تسمعنا *دانيه: انا كمان توقعت كدا منها بس مش للدرجه دي انا هفضل وراها لغايه ما اغيرها انا عارفه انها من جواها كويسه هم سيطروا علي دماغها بشكل مش طبيعي *ع الجانب الآخر*
حازم: ازيك يا حبيبتي عامله ايه *لانا: الحمد لله يا حبيبي وانت *حازم: تماام كويس *لانا: هشوفك انهاردا في الجامعه؟ *حازم: لاء انا مش هنزل الجامعه انهاردا *لانا: ليه خير في ايه *حازم: عاوز اخرج معاكي *لانا: تماام نتفق انا وهايدي ودينا ع ميعاد وهقولك *حازم: لاء انا قصدي نخرج انا وانتي بس *لانا: اممممم معرفش هقدر اخرج وحدنا ولا لاء *حازم:يا بنتي في ايه انا بحبك وانتي بتحبيني وانا مستحيل أأذيكي في حد برضو يأذي مراتو المستقبليه *ابتسمت لانا وقالت :ان شاء الله يا حبيبي ...ها قولي هنخرج فين *حازم: هنروح كافيه اسمو....*لانا: تماام ساعه وهكون هناك *وبعد ما يقارب ساعه او اكثر خرجت لانا مع حازم وقضوا وقتا ممتعا معا وفي اثناء المقابله لاحظ حازم الحزن يبدو ع وجه لانا *حازم: مالك يا حبيبتي مضايقه ليه *لانا:،مفيش بس البنات اللي معايا في السكن كل يوم يكلموني ع شكلي ولبسي وبيزنوا عليا ارجع زي زمان *حازم: دول اكيد غيرانيين منك يا حبيبتي لانك زي القمر متسمعيش كلامهم *لانا: فكرك كدا *حازم: ايوا طبعا يا حبيبتي *بدا ع لانا انها غير مقتنعه بكلام حازم (حازم): في ايه بس يا حبيبتي الموضوع مضايقك للدرجه دي (لانا) معرفش بس حاسه اني بعمل حاجه غلط (حازم) لاء طبعا ايه الغلط في لبسك يعني دول متخلفين ولسا عايشين في العصر الحجري وميعرفوش حاجه عن الموضه خلاص بقا فكك مش حاجه زي دي تضايقك تحبي اعملك ايه علشان متضايقيش (لانا) بابتسامه هاتلي آيس كريم...
في اليوم التالي ذهبت لانا الي الجامعه وقضت يومها كالعادة مع حازم وهايدي ودينا وظلت ع حالها لمدة طوييييله ولا تهتم لنصائح دانيه واسراء وكانت يوميا تقضي ساعات تتحدث فيها ع الهاتف مع حازم وظلت ع هذا الحال حتي قرابه موعد امتحانات الفصل الدراسي الاول (دانيه) لانا فاضل شهر ع الامتحانات مش بتذاكري ليه (لانا) انا مش عايزه اذاكر وقلتلك سيبيني في حالي يا ستي بقا...انا زهقت وغادرت لانا فورا دون اي فرصه للنقاش (اسراء) يا بنتي قلتلك سيبيها في حالها خلاص هي مش راضيه تسمعنا هنعملها ايه يعني (دانيه) مش عارفه هي ليه مش راضيه تسمعنا انا حاسه البنت دي هتضيع ياارب احفظها يااارب *ع الجانب الآخر كانت لانا تتحدث مع حازم ع الهاتف (لانا) ازيك يا حبيبي (حازم) بضعف مش كويس (لانا) ليه يا حبيبي متقلقنيش عليك في ايه مال صوتك متغير (حازم) تعبان شويه ومش قادر اتنفس وحاسس جسمي سخن اوي (لانا) الف سلامه عليك طيب روح للدكتور (حازم) اروح لدكتور! انا مش قادر اتحرك من مكاني (لانا) اي حد عندك في البيت يكلم الدكتور يجيلك (حازم) مفيش غير ماما معايا بس هي عند خالتي هتقعد اسبوع مش عايز اقلقها (لانا) يا ربي طيب وايه الحل ....طيب ما تطلب انت الدكتور (حازم) حاضر يا حبيبتي متقلقيش انتي ....وبعد مرور ساعه رجع حازم يهاتف لانا (حازم) لانا ممكن اطلب منك طلب (لانا) اكيد طبعا يا حبيبي اطلب من غير ما تستأذن (حازم) انا بجد تعبان اوي ومش قادر اتحرك من مكاني وعايزك جنبي...لانا تعالي اقعدي معايا شويه (لانا) ايوا بس انت قولت انك لوحدك في البيت مينفعش اجيلك البيت وانت لوحدك (حازم) يا لانا بقا مش كل شويه هقولك متخافيش مني انا بحبك ومستحيل اعمل حاجه تضرك انتي كدا مش بتثقي فيا وبتثبتيلي انك مش بتحبيني (لانا) لاء والله بثق فيك وبحبك وعلشان تطمن كمان ساعه وهكون عندك بس اديلي العنوان (حازم) العنوام شارع.... *ذهبت لانا الي بيت حازم وكانت متردده جدا وتخشي ان يحدث شئ سئ لها فهذه اول مره في حياتها تخرج لمقابله شاب في بيته ولكن ما دفعها لفعل هذا هو حبها لحازم وشعروها بحقيقه مرضه من خلال صوته وكانت تخشي ان يحدث اي مكروه له خاصه ان حازم وحده في المنزل ...لكن حمدا لله لم يحدث اي مكروه ل لانا فكان حازم حقا مريض ولم يكذب عليها كما كانت تخشي وعندما وصلت الي المنزل ظلت تدق جرس الباب لمدة دقيقتين دون اي اجابه مما زاد قلقها ع حازم وبعد مرور الدقيقتين فتح حازم الباب (لانا) ايه يا حازم كل دا علشان تفتح الباب (حازم) معلش يا حبيبتي مش قادر اتحرك واللهي
