Mga Tulang Nilikha

May hinihintay ka lang pala

By: Alyn Fate Villa

Sana sinabi mo
Sinabi mo na hinihintay mo lang pala siya
Na pampalipas oras lang pala ako
Na siya naman talaga ang mahal mo

Hinihintay mo lang pala siya
Sana man lang nagsabi ka
Para hindi na ako nagmukhang tanga na umaasa
umaasa na para sakin talaga ang matatamis mong salita

Parang sinabi mo narin na wala akong kwenta
Na laruan mo lang ako pag nababagot ka
Sabi mo, mahal mo ako
Sabi mo lang pala, naniwala naman ako

Sana bumalik siya 'no?
Yan naman ang gusto mo
Para hindi ka na nagtitiis sa tulad ko
Sa tulad kong laruan lang para sayo

Ang galing 'no?
Ang dali lang sayong durugin ako
Ang dali lang sayong sirain ako
Dinudurog mo ako habang nagpapakahirap ako upang ika'y mabuo.