هي مشات و هو نڨز ديراكت خطف طفل منهم..بركو في القاعة و طلع فوق افشخ فيه..
-ط...موكش راجل......(انقطع البث 😂😂)
كمل لحق معاه وليد ..زوز حصلو و الثالث هرب بجلدو..كلاوهم بطريحة مسيبوهم كان دمدموهم...تهد من كثر ما ضرب..حسو مبقاش يتحرك تحتو ..قام من فوقو انفض في دبشو..تلفت لوليد الي مزال غاطس يضرب في الطفل لاخر..زفرلو و اعملو براسو باش اسيبو...بعد وليد عالطفل..غزر لصقر و اطرشق بالضحك...
- و الله عشت و شفت عشيري اعارك على املاكو الخاصة ..
-ولييييد ..
-ههه باهي باهي ..هاني سكت ..
-برا ادخل وليد..
ضحك و قدملو ..حملو و طبطبلو على ظهرو..
- و الله صاحبي للعنكوش راك..
دزو بالقوي و ضحك على جنب ..دار و تكلم و هو ماشي..
-سلم على وردة عشيري
-على خير صاحبي..
تمشي و تجي في بيتها..حكمت على صاحبتها تستنى في الصالة حتى تناديلها..قلبها ادق في الميّة..موش عارفة علاه..اما عارفتها ليلة على راسها..سمعت حس تخربيش..هزت راسها تلوج بعينيها...شهقت كيف شافتو قدامها..عينيه باش تڨدح النار..حواجبو معقودين و نازل على سنانو ..تكلمت مفجوعة منو..
- و الله خاطيني هوما تعرضولنا..
- وانت وين كنت لتوا؟؟!
-اه ..كنت..كنت..
-انطق ..حل فمك ..
-تعديت لصاحبتي جبتها باش تبات عندي..
- و باش تتعدى لصاحبتك تبقى الوقت هذا الكل ..اه ..تزكم فيا رسيل؟؟..بهلول عندك.؟؟ جيب الصحيح وين كنت..
قدملها ..وخرت فيسع هاربة..الحالة الي هو فيها تخليها تتوقع منو كل شي ..
- و الله ما عندي وين مشيت..بعد ما تعديتلها..مشينا شرينا طرف دبش لرجوع القراية .. و سرقنا الوقت واحنا ندورو..(هزت صبعها لشيرة الفرش)..هوكم السياشت كان موش مصدق..
تلفت غزرلهم..مشى طول فرتهم فوق الفرش ..و الي كان متوقعو لقاه..شارية كان الخلاعي و التركوات العريانين ..عض شفتو بغزول تلفت ڨحرلها..هبطت راسها تهرب في عينيها منو..دور راسو ايمين و ايسار ..الوج على البيرو متاعها..شافو ..مشالو يجري ..فركس القجورة لكل لين لقى مقص..هزو في ايدو و تبسم على جنب ..رجع للفرش ..قعد عليه ..و بدم بارد شد كل قطعة قصها في ثنين..حلت عينها على وسعهم ..موش مصدقة الي ترى فيه..كمل قطعلها الي معجبوش الكل..وقف مشالها..وخرت فيسع و لصقت في الحيط..
-ياخي متحبش شكون ..يحكي معاك بالسياسة انت ..(يحكي بصوت واطي و هادي عكس الي في داخلو )
-صقر ..علاه قصيتهم ..حرام عليك عجبوني (بدات باش تبكي)
-و الله يا رسيل تبكي تشوف شنعملك..
ضمت شيافها ترجع في بكيتها مرعوبة...
-و الحوايج انا معجبونيش(بعد عليها و دار ماشي للشباك ) ..غدوة نهزك تشري دبش جديد ..(تلفتلها) و على كيفي انا موش كيفك ..
-صقر..
وقف يغزرلها..
-علاه قلتلهم تابعتني ..
قلبو ضرب ..حاجة في داخلو تزعزت ..موش عارف شنو اقول ..ميعرفش اعبر ..لكنو موش من النوع الي اخبي مشاعرو ..و هو متأكد من حاجة برك ...انو رسيل متاعو وحدو..من اول نهار شافها فيه..
- خاطرني عشقتك..
قالها و دار نڨز من الشباك ..
أنت تقرأ
كرونيك : 💕بنت الحي💕
Mystery / Thriller#منقولة كرونيك سهرة اليوم💋💋❤❤❤💋 الكروو بعنوان ❤بنت الحي❤ ************ الحلقة 1: "ستعلم يا ظلوم اذا التقينا ..عند الاله من الظلوم..اما و الله إن الظلم شؤم..و مزال المسيء هو الظلوم..الى ديان يوم الدين نمضي..و عند الله تجتمع الخصوم ..ستعلم يوم الحسا...
