كرونيك : 💕بنت الحي💕

5⃣0⃣

االحلقة 50
-تهنى وسيم كيف ركبلك جهاز مراقبة في السلسلة متاعي...ركب زادا جهاز مراقبة لميرا في سلسلتو و عطاهالها ...هو يعرف معزتو عندها و كان متاكد انها موش باش تنحيها مهما اصير....
________________
حلت الدريسنغ...جبدت روب في النوار sexy ...قصيرة و مكبوسة على بدنها...عضت شفتها ...تنهدت بقهرة لبستها ....قدمت للمراية .... تغزر لروحها...تودع في نفسها..في طهارتها .نقاءها و عفتها..مستعدة تعطي روحها فداء لوسيم...مستعدة تخليه يملكها و يملك بدنها مقابل انو اسيب وسيم...وسيم الي يجري في عروقها..وسيم الي تعشقو و تتنفسو...و مخيبو العشق كيف يقتل مولاه ... هبطت الدموع تزغرط حرقتلها بشرة خدودها...هزت ايدها و مدت تمكيج ...تغطي في صفورية وجها و تحويقة عينيها ...لكن شي هي تمكيج..و الدموع تزيد ... حاسة و عارفة مصير مولاتها...ترمات و قعدت عالفرش تنهدت بغصة...مسحت دموعها ..خذات نفس تقوي في روحها ..حطت ايديها على سلسلتو الي في رقبتها...تبسمت على جنب ..نحاتها... باستها...
-سامحني وعدتك ما نحيهاش..اما ...(تنهدت) منجمش نعمل هكا و حاجة منك معايا...
لمتها بين كفوف ايديها....عودت باستها و رماتها عالتابل دوني ...و وقفت خارجة من شباك البالكون..
نحات طالونها سبقتو قبلها....هزت ساق لفوق و كلات روحها بساقها لخرى...و بحركة خفيفة عملت رولات في الهواء وهبطت عالارض...وقفت هزت طالونها و خرجت تجري قبل ما يشلقو بيها....قربلها بالكرهبة للدار...حللها الباب...ركبت من سكات من غير حتى ما تتلفت تشوفو...ديمرا و طار بيها مخلى وراه كان العجاج...ذيب و اصطاد فريستو...
_____________
-زعمة فاش تعمل..
تمشي و تجي في الصالة متحيرة عليها...
-الجهاز مزال في البيت..كان خرجت رانا شلقنا..و زيد الرجال معبية البلاصة....
-زعمة نطلعلها صقر...
تنهد و حك لحيتو بايديه الزوز...
-خليها ترتاح الي تعدا عليها موش شوية...(وقف ) ايجا نتعرفو على سيرين ...هي زادا حالتها موش باهية مصدومة من بوها ...و زيد باش نكمل نقلها راهو مات باش تزيد تدخل في حيط...
-بففف مسكينة و الله...اما بصراحة الطفلة بقلبها و متحبش الظلم..عمري متوقعت انو هي الي باش تكون الفرصة الي تستناو فيها...
-اي و الله الحمد الله جاء فيها عرق لامي ...
-هه ..ضحكتني و ما عيني في ضحك ...
__________________
احب احل عينيه و موش قادر....راسو باش يطرشق بالوجيعة ...ايديه مربوطة و بدنو مدڨدڨ....و حاحة تشرشر من راسو على وجهو...و الي الدم ..الضرب الي كلاه طول العشية هدو ...و العذاب الي تعدا بيه ...معاشو حتى مرة في حياتو...شحنات الكورون لتو افبريو في بدنو...سمع حس صباط يمشي و يقربلو...سطل ماء بارد ڨلاص تصب عليه...تلسع و حل عينيه على وسعهم...خرج الراجل و عود سكر الباب ...شعل ضو قدامو جهرو في عينو...غمضهم و عود حلهم...عين بالاسم على مكلى عليها الضرب و عين احل فيها بالقدرة..قلبو ضرب في طبلة وذنو...ساقيه تحشت و عروقو جمدت ...اتبع فيها بعيه في التلفزة الي قدامو...هابطة من كرهبة راسها في القاعة....تمشي بجنبو و هو شاددها من حزامها...خرح صيحة من القاع متاع جواجيه..
طالعة معاه في الدروج...قلبها موش مطاوعها ...وقفت في النص الدروج...حطت ايدها على قلبها...تحس في حاجة صايرة...حاجة موش عادية...تلفتلها مستغرب...رجع خطوات ليها...شدلها ايدها الزوز...
-رسيل لباس..شبيك عزيزتي..
-مانيش مرتاحة صقر...برا انت لسيرين...انا ماشية نطمن على ميرا...
-باهي اعمل الي ريحك...نشوف سيرين و نلحق عليك...
-باهي ...
قالتها و دارت راجعة تجري لبيت ميرا....
______________________
يحرق في الدخان و اعود اعصابو تحرقت ...من العشية على فرد نفس ...الاتصالات الكل عملها...استعان بكافة مسؤلين لبلاد...و لا واحد بلو ريقو...و لا واحد تجرأ ياقف في وجه الانتربول الامريكي...شبيك حتى هي امريكا...امريكا الي قادرة تمحي اي واحد اخمم ياقف و الا اعطل مهمة من مهماتها....تحل الباب عليه...
-سااي لقيناهم..سيدي
تنطر وقف...جبد فردو من القجر و خرج يجري و هو يتكلم....
-اتصل بصقر باش نحتاجلو ...الكبرات جبدو رواحهم من اللعبة...
______________
داخلة راسها من القاعة
مهزتوش...لحمها مكوش ...عايفة و متقززة لمسة ايدو الي على ظهرها ...يغزر للكاميرات الي عاملهم في كل تركينة...ناوي يقتلو بالعرق...ناوي يشويه كيما تشوى هو ..الهبو بنار الغيرة كيما لهب هو...نزل على ظهرها بايدو ...باغتها و دزها عالحيط ...لصقها ....هز ايدو اعدي فيها على خدها....
-واطي (تكلمت بحقد)
-علة قلبي كالعسل ...(تكلم ببرودية دم )
طبس عليها باش ابوسها....ضمت شفايفها لبعضهم...هز ايدو نزل على خدودها..جبدها من شعرها بغل و باسها بكل عنف...
-ميراااا ....ميييراااا...ااااعععععع
اصيح و يعيط...كلب و جهل ...يغزر بعينيه....و يبكي بقلبو....