كرونيك : 💕بنت الحي💕

2⃣8⃣

لحلقة 28
نحى ايدو من شعرها و قام من فوقها ...خلاها ترعش من كثر اللذة و جبد ليها في اللحظات الحاسمة ...خطف شوميزو مالقاعة لبسها ...حط الفاست متاعو حاطان على كتافو و خرج من غير ما يتلفتلها
مغمضة عينيها غارقة في بحر من المشاعر..فاشلة و عاكشة...بدنها برد اول ما بعد عليها ...لمللت روحها و غطست راسها في ظهر الفوتاي...هبطت دموعها سخونها تحرق.. مقهورة و متقززة ..اما المرة هاذي متقززة من روحها موش منو..كرهت ضعفها و استسلامها لمشاعرها الي طغات عليها ...بكات لين قالت يزي ...تنخقت و صدرها ضاق عليها..وذانها تسممت من الكلام الي قالهولها....هزت ايدها غطات وذانها تحب تنسى الي كلامو الي قعد ازنزن في وذنها....نوقز تالفونها...مرة و اثنين و ثلاثة...منجمتش تتحرك و تقوم تشوفو...الي يطلب زاد كبش اكثر فيها...سندت روحها و قامت ......
خارج من الوتيل مرهوج..الدنيا تجيب فيه ايمين و ايسار...مزال دايخ من الاحساس الي عاشو معاها ... سنين و هو يتخيل في اللحظات هاذي معاها...تمنى لو كان الامور مكانتش عاكستو ...تمنى لو يرجع 8 سنين لتالي و اكمل معاها وين خلاها....اركب في كرهبتو ...حط راسو عالدمان غمض عينيه يستجمع في افكارو..خذا نفس طويل عبى بيه صدرو...حل عينيه و خدم كرهبتو ..ديمارا و طار عجاجة للشركة.....
عدا باقي نهارو بين الدوسيات ..غاطس احضر في اوراق الموافقة على بيع الكراهب للشاري الروسي...كمل صحح عليهم الكل و هبط للمعرض ...اعطى امر لرجالو باش اقومو بتحويل الكراهب لمعمل التصنيع.. ركب في كرهبتو ...جبد الفاليز من الكوفر....حلها يتفقد في الdiamon ...سكرها و حطها في الكرسي الي بجنبو...خدم كرهبتو و شد جرت رجالو باش يشرف على عملية تدسيس الdiamon في الكراهب.....
_________________
نهار جديد ...ضو الشمس تسلل من شبابك المعمل...حس بايد تحطت عليه ...حل شطر عينو..شاف واحد من رجالو مطبس عليه...
-صباح الخير مسيو... كملنا حظرنا الكرهاب..ساعة اخرى و نخرجو بيهم...
هزلو براسو بمعنى باهي ...وخر بعد عليه و هو مهبط راسو...عدّل في قعدتو ..حل ايديه يتكسل ..حس كتافو مهدودة و رقبتو عاكشة...رقد على بيروه ما نغير ما يشلق....وقف هز مفتاح كرهبتو و تالفونو...خرج مروح للدارو باش يعمل دوش و اصحصح...وقف على رجالو وصاهم باش ينتبهو في الدوانية...و خرج قاصد ربي لدارو......
قاعد في بيروه يحسب في الدقيقة و الدرج ..يستنى في نتيجة العملية خايف لا تصير حاجة و الشرطة تشلق بالdiamon...خايف لا يخسر الفلوس الي قبضهم من الشاري الروسي...نوقز تلفونو ..شاف النيمرو تفجع..خطفو و هز عليه طول..
-oui
-..........
-شنووو(وقف اصيح)
-..........
-باهي.. باهي ...تبعلي الاخبار و متخلي شي افوتك..
علق عليه ..قدم يمشي و ايجي في البيرو...اسب و يلعن في رسيل...مالي شافها مع صقر عرف وراها مصيبة هز التلفون و طلب بدر...
-......
-بدر ..كلمني واحد من رجالي في الحاكم قالي الي رسيل السيكريتار متاع صقر. ..صبت بينا للحاكم...
-.....
-تي اي ماهي حضرت عالاجتماع ...
-.....
-هاني باش نكلم الرجال اوقفو العملية قبل ما يوصلو للدوانة و يتشدو... و انت تصرف مع صقر....
خارج من الدوش ...لافف منشفة على نصو...انشف في شعرو بالبشكير..سمع حس appel vedio وصلو...دور البشكير على رقبتو..قدم للتابل دو نوي هز سيڨار من فوقها شعلو...جبد الps حطها فوق الفرش ..اتكي على جنب و قبل الappel الي جاه...عينيه تحلت على وسعها...قلبو تخطف..نڨز عدل في قعدتو..يرعش بكلو و هو يرى في امو مربوطة على كرسي...و خالو رامي الفرد على راسها....
-قتلك خلي رسيل بعيدة و انت كسحت راسك معايا...اهي طلعت قوّادة للحاكم و باعتنا من اول عملية...
ضحك ضحكة شريرة عمر فردو و ضربلو امو بكرتوشة في ساقها...تهز و تنفض عينيه غرغرت بالدموع و قلبو عصر عليه ...صااح بالقوي..
-امممي
قرب وجهو من الكاميرة ...نفخ عالفرد ..ضحك على جنب و تكلم...
-اوووبس ...ستار موش بالعاني...(ڨرن حواجبو و رجعت ملامحو جدية) ...عندك حلين الاول: تقتلها انت ... و الثاني و المفضل عندي.. تعلمها و دخلها معانا...اكيد باش نستفادو منها...(غمزو و بعد من قدام الكاميرا)..نخليك تعيش اللحظة مع ميمتك .....
تنطر وقف مفجوع ...يبكي و اصيح...يهدي في امو الي طايحة في القاعة تتلوى من الوجيعة...
-امييي..متخافش و الله تو نلقاكم...امي عيشك استحمل نعرفك قوية ..اميي سامحني عيشك...امي ..امي
احس في روحو يغلي ...كان يلقي يدخل في وصت للps مشهد امو و هي تتوجع قطعلو قلبو طروف طروف...عودت رجعت بيه ذاكرتو لنهارت الي قتلو فيها امو الحقانية...صوت صياحها باقي يتكرر في وذنو و مع المشهد الي شافو تو زاد هبل و شعل..جات على بالو رسيل الي خانتو و خانت الثقة متاعو..رسيل الي كانت سبب باش امو تتضر و تتصاوب برصاصة...تنطر من فوق الفرش يلبس في دبشو...نوقز تالفونو ...رجع فيسع هزو..
-وسيم..رسيل ..رسيل صبت بيا للحاكم...
-....
-شنو ..وقتاش و شكون خطفها..(صاح مفجوع)
-.....
-وسيم لازم ترجعها...متخليهش اضرها ....نحب نلقاها حية عيش خويا....
-.....