كرونيك : 💕بنت الحي💕

1⃣8⃣

لحلقة 18
يمشي و ايجي في البيرو ..صوت عياطو واصل لطرف الشركة..منرفز و العصب راكبو من ساسو لراسو ..واقفين قدامو الزوز ساكتين و مهبطين راسهم...
-وينهي السكريتارة المحنونة ...كيفاش ادخلوها تخدم من غير ما تشاوروني..
لا واحد فيهم حل فمو و نطق ..باش اموتو من الرعب منو ..خايفين لا يقولو كلمة و ماتعجبوش ..و عادي جدا كيف يجبد سلاحو و يقتلهم في وسط بيروه...دق الباب و قص على صياحو ..دخل بخطوات مربوثة ..
-مسيو ساجد..بعثتلي خبر باش نجيك.؟؟!
-ايجا هنا ...انت الي دخلت السكريتارة الجديدة...شكون شاورت و وينها بلقيس..شبيها بطلت ؟؟
-سي ساجد ..بلقيس مريضة برشا و قالت باش تغيب مدة طويلة ..فتلزيت نقبل الطفلة الجديدة...البيرو ما يجمش يبقى من غير سيكريتار..و صدقني كان تراها ما تندمش عليها...
-اي لا واضح اني موش باش نندم ..اهي اللّلة من اول نهار روتار و مفماش ريحتها ...
-بربي سامحها يا سي ساجد اكيد تعطلت في الثنية...
-عمر تعرفني نحب الانضباط..و تعرفني ما نسامحش الاغلاط بالساهل..
-باهي سي ساجد هاني خارج نكلمها نشوفها وين و انت بربي ريض روحك...
دار و خرج يزرب في خطواتو و خرجو معاه الرجال لخرين ..كان خايف للخطة ماتعهم تفسد من اول نهار..و هو مصدق لربي نجم ادخلها للشركة ...جبد تلفونو باش يطلبها ..لكن صوت طالونها الي عمال ما يقرب قص عليه..هز راسو يغزرلها..مصدقش عينيه مختلفة برشا على تصويرتها الي بعثوهالو باش يعرفها بيها..تمشي و راسها الفوق لابسة سروال بوزي في النوار محزوق عليها و مظهرلها فورمة بدنها...فوقو فاست بلون و معاها خلعة دوناي في النوار و صدرها ظاهر منها..طالون في البلون على لون الفاست تمشي و تبختر بيه..الضحكة مالية وجهها و عينيها تلمع من بعيد...واثقة من روحها و من الي قادمة عليه...نصاءح هزار عاونوها برشا ونسوها في خوفها...لازمها تكون قوية على خاطر عايلتها و على خاطر روحها قبل كل شي..بالنسبة ليها رسمت طريقها..صقر غلط في حقها و في حق بلادها و لازمو يتعاقب على غلطتو ..
وققت قدامو تتبسم ..غزرلها من فوق لوطة و تكلم..
-ممم هزار عرفت تبدلك..
ضحكت على جنب و قاتلو ..
-القالب غالب سي ..عمر موش هكا ؟؟..
-وي عمر...ايا رسيل ادخلو قاعد هابل عليك..حاول تكون قوية و صعيبة..متخافش منو ..اتفداه و خليه اقول و يعمل الي حب...بطبيعتك موش مطولة عندو..(تبسم و غزرلها و وطى في صوتو )..بالمظهر الجديد نتصورش صقر احطك تخدم عندو نهار واحد ...
ضحكت بتبهليل..قدمت لشيرة البيرو..عدلت شعرها و دقت الباب ....واقف قدام الشباك يتكرم و حدو فادد...سمع حس الباب ادق ....
-ادخل..
حلت الباب و دخلت..
-مسيو ..
طفاها و متلفتش حتى باش يراها...هزت حاجبها فادة منو ...واقف ايديه في جيابو ولا علبالو..لابس سروال في الكاكي و فاست كوير في المارون..حمحمت و عودت تكلمت ..
-مسيو ساجد ..dsl تعطلت في الثنية ..
صوتها الواطي و الحنين خلاه ادور و اثبت فيها ...تبسم بخبث ...كلاها بعينيه ماكلة .. دورت عينيها بعيد عليه... غزرتو ليها دخلتها بعضها...مكذبتش هزار. كيف قالتلها عينو زايغة...
-انت السكريتارة الجديدة ؟؟(سألها بصوت راكز و صعيب)
رجعت عينيها تغزرلو..عينيه زرق ... شعرو ارطب و لحيتو خفيفة اسمر شوية و حرجو في الاكحل.....بلعت ريقها..كبست روحها ..تبسمتلو شطر تبسيمة ذوبتو بيها..
-oui انا هي
.قدمتلو خطوتين ..هزت ايدها باش تسلم عليه...
_رسيل..اسمي رسيل
يغزرلها داهش فيها..هزوايدو بالشوية و سلم عليها..ما غير ما ينطق حتى حرف..
-نمشيو ؟؟
-اه (قالها و هو ضايع في عينيها )
-حسب ما فمهت من رجالك انك ماشي تشوف شريكك..
-اه ..اي اي ...نمشيو dja بطيت عليه....
قدم خطوة و تعدى من قدامها...شدتو من ايدو و رجعتو ليها...قربتلو و هزت ايديها .. حلتلو زوز المقافل الاولين متاع الشوميز الي لابسها تحت الجاكت...واقف مصدوم اتبع فيها شتعمل و موش فاهم شي..هزت راسها تغزرلو ..تبسمت و قاتلو...
-هكا خير..
رجعلها التبسيمة..حك خشمو بصبعو و دار خارج ...هو دار و هي سبتو بينها و بين روحها..كان لازم تعمل هكا باش تخليه يمشي معاها في الخط قدام صقر ...و هكا تكون قدمت اول خطوة في اتجاه الغيرة...عدلت الفاست متاعها و خرجت لاحقة عليه..