االحلقة 45
جبدها من ايديها...جات في حضنو طول...حاوط ايديه عليها...كبس و عصر عليها...احب ادخلها في وسط صدرو...راسها محشي فيه..دقات قلبو تضرب في طبلة وذنها....حست بروحها باش تضعف ...هزت ايديها مسحت دموعها ....دزتو من صدرو بكل قوتها....حل عينيه على وسعهم..هزت صبعها تنبه فيه...
-مبقاش عندك حق اتحط ايدك عليا....فاهم و لا..انساها رسيل...احسبني مت و تدفنت...
نبرت صوتها الواثقة...غزرة عينيها الشاعلة ...صبعها الي تهدد فيه بيه ..كل شي فيها فيها..استفزو لابعد الحدود...هبل و تجنن من كلامها...البركان الي فيه تفجر .. خرج منو صقر العنيف..المستبد و المسيطر...لا شعوريا دخل ايدو لجنبو ..خطفها من شعرها..و حط الفرد على راسها.....
________________
حست بحاجة تحطت على راسها...تعميرة الكرتوشة تعمرت...نظرت عينيهم المرعوبة ..اكدتلها الي حست بيه ...بلعت ريقها...غمضت عينيها تستجمع في قوتها...هزلها ايديها و دورهم وراها...قرب يتكلم وراها...
-مدموازل نتصور مسيو بدر معندوش علم بوجودك هوني...موش هكا...
دورت راسها بالشوية...ترعش بكلها...ملامحو خوفتها...و السلاح الي بين عينيها...رعبها...جبدها لبرا من البيت ..سكر البيت على الجماعة بالمفتاح ...دار و شدها من ايدها اكركر فيها ..خارج بيها من المزرعة...تمشي و تتخرطف ...ادز فيه و تضرب ..تصيح و تسب فيه... وقف على بقية الرجال...و تكلم..
-عينيكم وين كيف دخلت اه...فاش كنتو غاطسين..تكلمو...
-مالساعة و احنا هوني..مارينهاش كيف جات...
-هاني هاززها للمعلم و انتم عينيكم نحبها في كل بلاصة ...من احب حتى مشكلة تصير...ولا كونش مسيو بدر يقتلنا الكل على بعضنا...
مصدومة من الي تسمع ...موش مصدقة انو بوها خاطف ناس و زيد قتال اروحها...دزها قدامو امشي فيها للكرهبة...
الفرد على راسها...عينيها في عينو..النفس في للنفس..ايدو في حزامها ملصقها فيه...نازل عليها قريب يقسمها في ثنين...صدرها يتهز و يتقام..تبلع و تغص...كبس على سنيه و تكلم بصوت يغلي بالغش...
-رسيل انت ما تخرج من حياتي كان لقبرك..وااضح ولا
ضحكت على جنب ..ضيقت عينيها ..هزت حاجبها ..عوجت فمها و تكلمت بدم بارد...
-مستعدة نموت و لا اني نكمل حياتي معاك... صقر انا و انت حاجة وفات...
-انت اخترت ..شهد على روحك مالا ..
قالها و العصب اهز فيه و ينفض...هبطت ايدها من صدرو ..خطفت فردها من جنبها و خلاتو في جنبو...
-خلينا نشهدو مع بعضنا ...
قالتها بكل ثقة في النفس..و بكل دم بارد...حس الدم يغلي في داخلو ...افور..يذوب...هبل و تجنن..دور الفرد على راسها من تالي...و طبس خطفلها شفايفها و طبع بوسة كلها قوة و غل...بعد عليها ..عينيه من عينيها ما بعدوش...فمو على فمها...
-خليها تكون اخر حاجة نغمضو عليها عينيها...
قلبها تعصر و بدنها تلسع...ساقيها ضربت في بعضها...
-مع بعضنا ....(قالها بصوت حزين )
هزتلو براسها و تكلمت بصوت واطي و ضعيف...
-مع... بعضنا.....
واقفة قدامو ترعش بكلها...كل شي فيها اخض...خايفة و باش تموت من الخوف..راسها من القاعة متهزش...وقف من الكرسي...قدملها خطوات..هزت راسها بالشوية مفجوعة...غزرتو ذوبتها ..ساقيها طربقت على بعضهم...خرجت صوت ضعيف خافت ..
-بابا...
هز ايدو عطاها كف...طاحت في القاعة ...فمها اشرشر بالدم...دموعها فيسع ما هبطو..
-شهزك لغادي (صاح بالقوي...)
-انت خطفتهم .؟؟..باش تقتلهم؟؟
-سكر فمك..صوتك ما نسمعوش ..(تلفت للراجل الي جابهالو) محمود طلعلها للبيت و سكر عليها...راقبها و ما تخليهاش تخرج...مفهوم
-مفهوم معلّم..
خطفها من ايدها وقفها و طلع بيها للبيت متاعها..
_______________
غمضت عينيها خذات نفس طويل عبات بيه صدرها ...حلتهم و تكلمت...
-1..
تنهد ..عض شفتو و تكلم...
-2...
-ملات عينيها بيه...هزت ايدها ..دزتو بكل جهدها ..حطت الفرد على راسها...و قاتلو و الضحكة مالية وجهها...
-3...
نڨز ضربها على ايدها...طيحلها الفرد ...و من غير ما يشعر هز ايدو و ضربها بكف...وخرت خطوة من قوتو...ايدو ترعش بين فضى و هوى موش مصدق الي عملو...قدملها و رجع خطفها من شعرها....يرج فيها و ايصيح..
-تحب تموت..تحب تخليني..تحب تقتلني بالحيا..علاه ..اه..علاه؟؟؟
ترسمت ضحكة متاع قهرة على فمها...دموعها فيسع ماهبطو..قربها ليه و باسها بوسة معزة و حب...هزت ايديها و حطتهم على جانبو....رخف على شعرها و جاء يبعد عليها..هزت ايدها دورتهم على رقبتو قربتو ليها اكثر...قدمتلو شفيفها و غمضت عينيها..رجع ابوس فيها بحنية و سياسة ...تقطع عليهم النفس ..بعد عليها ..حط جبينو على جبينها...باقي مغمضمة عينيها...مستمتعة بقربو و ذايبة بحنيتو...هز ايديو يمسحلها في دموعها...
-سامحني ..ضربتك من خوفي عليكم...
حطت صبعها على فمو ..دزتو من صدرو بدلال..وخر لتالي..قدمتلو ...قربتلو و حطت ايدها على مقافل الشوميز ..حلت الاول ..و الثاني ...و الثالث...تحلت بكلها ..حشات ايديها تحت الشوميز و خلاتهم فوق كتافو ..طيحتلو الشمويز من فوق بدنو...و رجعت هبطت ايدها و هي تعدي فيهم فوق صدرو وصولا لاجنابو...شاخ و طار عقلو..جبدها ليه بقوة...دخل ايدو تحت لحمها و نترلها الخلعة قطعهالها...ضحكت على جنب ..زادت دزتو ..هو اوخر و هي اتقدم ...ضربتو درجة الدروج في ساقو ..وقف...قربتلو ...حطت ايدها على حزامو و جبدتلو السانتير متاع سروالو...زاد لهب و ذاب ..هزت راسها تغزرلو ..حطت ايدها الزوز على كتافو و طلعت حزامها ...خطفها منو جابها بين ايديه..دورت ساقيها على حزامو ...دار طالع بيها للبيت....
أنت تقرأ
كرونيك : 💕بنت الحي💕
Bí ẩn / Giật gân#منقولة كرونيك سهرة اليوم💋💋❤❤❤💋 الكروو بعنوان ❤بنت الحي❤ ************ الحلقة 1: "ستعلم يا ظلوم اذا التقينا ..عند الاله من الظلوم..اما و الله إن الظلم شؤم..و مزال المسيء هو الظلوم..الى ديان يوم الدين نمضي..و عند الله تجتمع الخصوم ..ستعلم يوم الحسا...
