الحلقة 30
شباش تفهني هزار ...اه شتعمل اك الطفلة في دارنا؟؟...لواه بعثتها لفم ؟؟؟ و شكونهي ؟؟ فهمني شيحبو من دارنا ؟؟؟
-رسيل تعرف الي انا معندي حتى دخل انا مجرد واسطة بيناتكم و مجرد اسم يستخدموه كيف احبو يوصلو حاجة ...هاكي بعثها منذز (وكيل الجمهورية) باش تبقى عندهم على اساس صاحبتك حتى انت تعرفلهم معلومات على العمليات الي يعمل فيها صقر...و اذا انت ما مجبت حتى معلمومة.....
سكتت و مكملتش كلامها..شهقت و صاحت..
-تقتلهم الطفلة !!!!
هزلتلها براسها بمعنى ايه...و تكلمت بصوت هادي...
-و انت و انا معاهم خاطر عرفنا معلومات عالمهمة السرية متاعهم...رسيل انا زادا مهددة و احبابي في الواجهة كيما احبابك...الحاكم مع خدمتهم ما يعرفوش رحمة..لا يهمهم لا كبير و لا صغير ....و هذاوما ناس دامدم ...و كلهم des marionets في ايد الرءيس...معناتها كيف احبو يوصلو لحاجة عادي جدا يعفصو علينا و يتعداو ...
هبطت راسها مصدومة موش مصدقة الي تسمع فيه...في جرت صقر ترمات هي و دارهم في وضع خطير ...و بالنسبة ليها تبيع الدنيا و مافيها و متشوفش والديها متضررين...تنهدت و هزت راسها ...تكلمت بصوت مخنوق شادة بكيتها...
-هزار انا عندي معلومات...
حس الفران متاع الكرهبة رجعها للواقع...دورت عينيها للبلاصة الي هي فيها...بلاصة خالية و مافيها حد...رجعت راسها تغزر لوسيم...
-احنا وين ؟؟ اجابنا هوني ؟؟؟ صقر وين؟؟ ..
تحكي و تخبي في الخوف متاعها...هز صبعو للقدام من غير ما يتلفتلها ...تلفتت تبع في صبعو لوين اشاور...شافتو هابط من كرهبتو...ايدو في جيبو و في ايدو لخرى هازز حبل...يمشي و عينيه عليها قد ما يقرب قد ما تترعب من غزرت عينيه...تبعتو بعينيها لين وصل و دار من شيرتها ..حل الباب ...شدلها ايديها جبدها...تضربت في صدرو ..هز ايديه و دورلها ايديها وراها و دور الحبل عليها كبس عليها و ربطها بيه...
-صقر..(تكلمت مربوثة)
طبس يحكي في وذنها..نازل على سنيه اغزل عليها...
-صوتك منحبش نسمعو..
(غطالها فمها باش ما تتكلمش ..دزها من كتفها) تحرك قدامي ...
قدمت خطوات ...ترعش و مفجوعة ..معاملتو معاها متبشرش بالخير...تلفت خوه
-مريڨل خويا ..امانتي وصلت..
-صقر...خمم مليح في الي باش تعملو...
-رد بالك على روحك وسيم...
دار و عطاه بظهرو ....امشي فيها قدامو ...وصلو للكرهبة ..ركبها و دار ركب هو ...
_________
ثنية كاملة متحركتش مسلمة امرها ليه....عندها احساس الي هو عرف الحقيقة...اسوق طاير من غير ما يتلفتلها يرحي في الدخان على بعضو ..لازز على سنيه يفرك دخلاني... دورت عينيها تكتشف في الطريق ...بلاصة اول مرى تراها ....الدنيا سايبة و خالية لكن منظهرها يسحر و ياخذ العقل...حاولت تهدي روحها ...تحب تقتنع انو مستحيل اضرها ...حتى لو كان يكتشف الي هي خبّرت عليه....راكا الكرهبة و هبط...دار من شيرتها ...جبدها بالقوي ..اكركر فيها وراه...دخل بيها لفيلا صغيرة موجودة في وسط الغابة ...قعد امشي فيها داخل الفيلا...دورت عينيها على كل تركينة فيها...ظاهرة ليها برشا مدخللها حد ...الغبرة في كل بلاصة و العنكبوت مالي الدنيا .... وصلو لااخر الفيلا....وقف قدام publioteque موجدة بحذا الحيط ...مليانة بالكتب من الطرف للطرف ...هز ايدو و جبد كتاب غلافو اكحل من وسط الكتب لخرى ....تقسمت الpublio في ثنين و تحلت عالشيرتين ...و ظهر وراها باب كبير ...قدم و جبد المفتاح حلو ...و تحلت معاها عينين رسيل...قبو واسع برشا ...بارد و اخوف ...مليان بكل ادوات التعذيب الي يمكن يشوفها الانسان في حياتو... هز ايدو و دزها لقدام ...دخل و لطخ الباب وراه...
غزرلها بنظرة قتلتلها في بقعتها...تربثت و وخرت خطوة لتالي خايفة منو..بدنها لكلو يرعش..قلبها دقاتو عمال و ما تعالى لدرجة انو راسها زنزن من قوة صوت دقاتو...العرق بدى يصب عليها ... مخها تحرق و هي تتخيل في الي باش يعملو فيها...في لحظة خطرت على بالها الف حكاية و اختها...قدملها بخطوات سريعة ..خطفها من شعرها و جبدها ليه...
-تصب بيا رسيل...هاذي اخرتها...تخون ثيقتي اه ...
حركت عينيها مفجوعة...دزها بالقوي ...طاحت في القاعة...دار يمشي و ايجي اسب فيها و في النهار الي عرفها فيه...طبس عليها عود خطفها من شعرها...وقفها و غرس ايدو في وجهها ...كبس عليها و طبس قابل وجهها ...عينيه في عينيها ...نفسو في نفسها...يغلي و كشاكشو طالعة كالثور الهايج...
-غدرتني رسيل..غدرتني و انت تعرف اني نكره الغدرة...و انت تعرف زادا اني ما نعديش حاجة كيف هكا بالساهل...
أنت تقرأ
كرونيك : 💕بنت الحي💕
Bí ẩn / Giật gân#منقولة كرونيك سهرة اليوم💋💋❤❤❤💋 الكروو بعنوان ❤بنت الحي❤ ************ الحلقة 1: "ستعلم يا ظلوم اذا التقينا ..عند الاله من الظلوم..اما و الله إن الظلم شؤم..و مزال المسيء هو الظلوم..الى ديان يوم الدين نمضي..و عند الله تجتمع الخصوم ..ستعلم يوم الحسا...
