(16)
لايك قبل القراءة ☺ و كومنت بعدها ❤
- - - - - - - - - - - - - - - - - - - - - -
وظلت تضحك للجميع وهى تتألم من داخلها...حتى اتت لها رساله علي هاتفها المحمول ففتحتها حتى اتصدمت من محتواها....(اخبار العروسه ايه ياترى العريس عارف ان العروسه ليها سابقه قبل كدا ولا ايه)
فتضع يدها علي فمها بخوف فتأخذ هاتفها وتدخل غرفتها دون ان يلاحظها احد فتأتى عاليه من بعيد وتنظرحولها وبعدها تدلف ورائها لتجدها تبكى: مالك ياميسره ف ايه..ايه اللي حصل
ميسره: حسام..حسام ياعاليه باعتلي رساله بيهددنى فيها
عاليه باستنكار: بيهددك!!..بيهددك بايه؟
ميسره: باعتلي رساله دلوقتى من رقم غريب..شوفي..فقرأتها عاليه: طب هو عاوز منك ايه تانى مايسيبك تشوفى حالك بقي
ميسره: انا مش عارفه اعمل ايه انا عارفه انى كنت حمل انا واللي ف بطنى عليه ودلوقتى هو ارتاح مننا فقال يهدد فيا براحته بقي
عاليه: طب والعمل
ميسره ببكاء: العمل عمل ربنا بقي
عاليه: طب امسحى دموعك دى ويالا نخرج لهم احسن حد يلاحظ حاجه
فتمسح دموعها: يلا ياعاليه..يلا
*************
تانى يوم ف الصباح تستيقظ روقه من نومها لتجد والدها يقرأ ف المصحف الشريف ووالدتها مازالت نائمه واخاها ف غرفته
روقه: صباح الخير يابابا
عبدالمنعم: صباح النور يابنتى..من زمان مااصتبحتش علي الوش اللي زى القمر دا
فتبتسم له روقه: هى ماما ماصحتش ولا ايه
عبدالمنعم: لا ماصحتش وقلقان عليها اووى شكلها تعبانه
روقه بخضه: تعبانه...مالها يابابا
عبدالمنعم: بعد مادخلتى نمتى امبارح لقتها بتكح جامد وبتقولي ان اظاهر داخل عليها دور برد
روقه: ياحبيبتى ياماما...انا هدخل اطمن عليها...فتدخل لها وتويقظها: ماما..ماما
زبيده وهى تسعل: ايوه ياحبيبتى
روقه: مالك يا حبيبتى فيكى ايه
زبيده: مافيش ياحبيبتى تعبانه شويه بس
روقه: انتى لازم ترتاحى وتاخدى علاج
زبيده: ياحبيبتى دول شويه برد وهيروحو لحالهم..انا هقوم عشان افرش
روقه: تفرشي ايه بس ياماما وانتى تعبانه كدا
زبيده: ماينفعشى يابنتى لازم اقوم وافرش اومال هناكل منين
روقه: انتى مش هتقومى يا ماما..وان كان ع الفرش انا اللي هنزل افرش
زبيده: لا يابنتى وانا ماارضاش
أنت تقرأ
شعبية ولكن استقراطية. بقلم ( سارة مجاهد )
Short Storyبنت زى اى بنت ليها امال واحلام نفسها تعيش زى باقى البنات لكن للقدر راى اخر هل هيتغير ولا هيفضل زى ما هو تعالوا نعرف ونتعرف على بطلت روايتنا روقة عايشة فى حى شعبى وبيت اقل مايكون عنه بسيط
