شعبية ولكن استقراطية. بقلم ( سارة مجاهد )

الحلقة السادسة والعشرون

(26)
لايك قبل القراءة ☺ و كومنت بعدها ❤
- - - - - - - - - - - - - - - - - - - - - - -

فتفتح باب الغرف وتتفاجئ بما تراه

روقه باندهاش وصدمه: ادهم!!...ايه اللي حصل

كان جالسا علي الفراش وواضع رأسه بين يديه..فرفع لها وجهه..ونظر ف عينيها البريئه الجميله.. كيف لهذه العينين ان تغدر ان تخون

روقه وهى تقترب منه: حبيبي ف اييه واييه اللي عمل ف الاوضه كدا..فنظرت ووجدت هاتفه محطم...فاندهشت..ايه دا مش دا تليفونك..فنظرت له بحيره: يا ادهم رد عليا ف اييه ماالك

فقام ادهم من مكانه وبنظره برود يماثلها صوت بارد: ولا حاجه..كنت مدايق شويه..وكنت بفك عن نفسي

فعقدت حاجبيها: تفك عن نفسك!!..تفك عن نفسك تكسر الاوضه وتكسر كمان تليفونك!!

ادهم ببرود: اااه عندك ماانع

فتقوم روقه من مكانها وتذهب له وتضع يدها علي كتفيه بحنان: ادهم ياحبيبي قولي مالك..دا انا مراتك حبيبتك..هتخبي عليا

ادهم وهو يزيح يدها عنه بهدوء ويجلس علي الفراش ونظره بارده وابتسامه صفراء: لا طبعا ياحبيبتى..عمرى مااخبي عليكى حاجه ابدا..بس زى ماانا قولتلك اعصابي كانت تعبانه شويه ف حبيت افك عن نفسى

روقه بقلق: انت من امته لما تكون مدايق بتكسر ف اللي قدامك كدا ياادهم

ادهم: هو انا ماقولتلكيش..

روقه: لا ما قولتليش..بس علي اييه

فقام واتجه ناحيتها وامسكها من ذراعيها: اصل انا بتجيلي فتره كدا بكون تعبان فيها مدايق اعصابى بتفلت منى ومابشوفش قدامى وبفضل اكسر ف اى حاجه حواليا

روقه وهى تبتلع ريقها بخوف: والله...طيب الحاله دى..بتجيلك كتير يعنى

ادهم: يعنى..علي حسب

روقه بخوف: ااه..طيب انا..انا هدخل اغير هدومى

ادهم: اه صحيح..عملتى ايه

روقه باستغراب: عملت ايه ف اييه

فنظر لها نظره ذات معنى: عند اهلك

روقه : ااه اااه..هما كويسين الحمدلله...بيسلمو عليك

ادهم: الله يسلمهم...اخبار خطيبه عاطف ايه..الا اسمها ايه صحيح

روقه باندهاش: هااا..

ادهم: ايه مش عارفه اسم خطيبه اخوكى ايه!!

روقه وهى تبتلع ريقها: اه لا اصل ..يانهااري شوفت قعدت اتكلم معاها اد ايه ونسيت اسألها ع اسمها..يلا ملحوقه بقي..هدخل اغير هدومى ف الحمام..بعد اذنك ياحبيبي

ادهم بسخريه: اتفضلي..

فتدخل المرحاض وتغلقه عليها وقلبها يدق بشده: يانهاار اسود..ايه اللي بيحصل دا..ازاى ادهم طلع كدا..معقول اكون اتغشيت فيك..انا هبتدى اخاف منك يا ادهم...فانتبهت..بس نظراته ليا دلوقتى محيرانى..وانا غبيه..ازاى مااكنش عارفه اسم خطيبه اخويا..معقول يكون شاكك فيا..معقول يا ادهم