شعبية ولكن استقراطية. بقلم ( سارة مجاهد )

الحلقة الثانية

(2)
لايك قبل القراءة ☺ و كومنت بعدها ❤
- - - - - - - - - - - - - - - - - - - - - -

فذهبت لميسره مره اخرى حيث قالت لها : فقر..وهتفضلي طول عمرك وش فقر 

روقه :انا كدا وهفضل كدا..انتى شكلك كدا اسمه ايه ده عجبك اووى ياميسره 

ميسره :اسمه ايه !!تصدقي فكرتينى اما اشوف اسمه من الكارت اللي ادهولي..يااه دا شكله حاجه كبيره اووى..واسمه حلو اووى..حسام..حسام الجمال 

روقه :هتفضلي طول عمرك هبله 

ميسره :وانتى هتفضلي طول عمرك فقريه 

روقه :فقريه ليه عشان ما بقبلش بالحاجه الغلط 

ميسره :اغلطى..اغلطى يافقريه ماهو الغلط ده اللي هيطلعك لفوق فوق فووق مش احسن من الفقر اللي احنا فيه ده 

روقه :وﷲ ياميسره انا خايفه عليكى بعد ماتطلعى لفوق فوق فوق زى مابتقولي تقعى ف اﻻخر علي جدور رقبتك 

ميسره :بقولك ايه ياروقه مالكيش دعوه بيا خليكى انتى ف فقرك ودماغك الناشفه وسبينى انا بقي ف احﻼمى..احﻼمى اللي ملهاش اخر 

روقه :ماشي يا ميسره هسيبك بس ماترجعيش تانى تندمى.........هسيبك انا بقي دلوقت واطير علي البيت علشان الحق الشغل التانى 

ميسره :ماتسيبك من الشغل التانى ده وتخليكى طول اليوم هنا بدل نص يوم دا انتى بتتمرمطى جامد اووى 

روقه وهى تلملم حاجاتها :ماانتى عارفه نص اليوميه اللي باخدها هنا 40 جنيه وف الكافيه 30 جنيه يعنى انا كدا كسبانه 10 جنيه عن اما اشتغل اليوم كله هنا 

ميسره :طب ماتشتغلي ف الكافيه اليوم كامل وبكدا تكونى كسبانه 20 جنيه بدل 10

روقه :وفكرك دى كانت هتفوت عليا مانا طلبت اشتغل اليوم كامل بس مدير الكافيه مارداش وقال انه عنده عماله كفايه وانى بس صعبت عليه وهيشغلنى نص يوميه وخﻼها الفتره المسائيه ﻻن بيبقي عليها الضغط اكتر 

ميسره :ماشي ربنا معاكى يا حبيبتى..وتنظر للكارت بشراسه وهى تضحك بخبث :ومعايا انا كمان  ،،،،،،،،،،،،،،،،،،،،  ويذهب للمزرعه التى يوجد فيها ابن عمه ليجده ف اسطبل الخيل ليقول :فااارس...فاارس من يومك يابنى وﷲ 

لينظر له ويبتسم :ايه ياحس...كل ده تأخير 

حسام :اعمل ايه يابنى..حته مزه...ويضغط علي شفتيه السفلي..انما ايييه عنب 

فيضربه ادهم علي خده بمرح :قولتلك بﻼش الفاظك وحركاتك دى يا حس بكرهها 

حسام :انت ياعم بتكره كل حاجه كدا بتيجى من صنف الحريم 

ادهم :عشان بكره الحريم ياظريف 

حسام :نفسي افهم ليه بس..هما عملولك ايه يا وحش 

ادهم :سيبك انت..انما قولي كنت رايح تجيب ايه للسنيوره اللي معاك المره دى..اﻻ قولي ياحس هى رقم كام صحيح 

حسام ويعدل لياقه قميصه وبغرور :احم احم ال 35 يابوص 

ادهم :نهارك اسود يا حسام 35

حسام :ﻻ و ال36 جايه ف الطريق بس ادعيلي..اصلها معسلجه اووى 

ادهم :يااه ف واحده تعصي علي حسام الجمال 

حسام :شوفت..بنت اﻻيه فيها جمال يهوس ولسه بكلمها بكابورت واتفتح ف وشي يا اخويا 

ادهم :هههههههه احسن عشان تتلم 

حسام :بس برضو هفضل وراها وهروحلها المحل اللي بتشتغل فيه 

ادهم :هى كمان شغاله ف محل...ﻻ انت كدا بترمرم ياحس 

حسام :برمرم اييه يابنى دا انت لو شوفتها هتتهوس يا ادهم..عنيين اييه زورق يا ادهم..عنيها زرقا وبيضه اووى ورموشها طويله وﻻ شفايفها يالهوووى روووز يابنى وﷲ روز..اما بقي جسمهاا.. 

ادهم :بااس بس بس احنا كدا بقي جينا لحته مش تمام وبعدين حد قالك انى عاوزك توصفهالي..وكفايه بقي كﻼم انت لكاك اووى ومش مﻼحظ انك من ساعه ماجيت وانت بتتكلم عنها وماشاء ﷲ هى بتحلقلك كمان 

حسام :ﻻاااا ﻻ والف ﻻ مانا اديت الكارت بتاعى للبت صاحبتها اللي واقفه معاها ف المحل وهى اكيد هتكلمنى وهعرف عنها كل حاجه 

ادهم :يييييه حتى ماعتقتش صاحبتها..كدا بقو 37 ياحس..يﻼ امشي قدامى..قدامى يا دنجوان عصرك 

حسام :ههههههه ماشي يا ادهم  ،،،،،،،،،،،،،،،،،،  فتعود الي منزلها مسرعه وتصعد ادراجها لتشتم رائحه البصاره من علي بعد فتغمض عينيها وتقول : ﷲ عليكى يا ام روقه..فتدخل المنزل لتجد والدها يمسك بالمصحف الشريف ويقرأ فيه فتقبل عليه وتقبل رأسه فيصدق هو وينظر لها بابتسامه :اهو كدا بقي اللقمه تتبلع 

روقه :وانا بصراجه ضعيفه قدام البصاره وما اقدرش مااجيش 

فتخرج والدتها علي صوتها :اهو انا كدا ارتحت انك جيتى وهتتغدى معانا يا حبيبتى 

روقه :وانا ما اقدرش مااجيش ياست الحبايب..بس بسرعه بقي يا ام روقه ﻻنى يادوب قدامى ربع ساعه واطيير علي الكافيه 

زبيده :حااضر ياحبيبتى.....فتدخل المطبخ وتخرج بالبصاره ومعها العيش المفقع ويجلسون علي الحصيره ووالدها كما هو علي اﻻريكه ويبدأو بتناول البصاره وهم يشكرون ﷲ علي هذه النعمه وان يحفظها لهم من الزوال..وبعدها يأتى عليهم عاطف :ﷲ بصااره..تسلم ايدك ياماما 

زبيده :كنت فين يا عاطف 

عاطف :كنت ف مشوار ياماما..هاتى رغيف عيش 

فتناوله له روقه :اتفضل يا اخويا 

عاطف :هاتى يا روقه..بقولك ايه ماتزعليش منى بقي من اللي حصل الصبح كان غصب عنى وﷲ 

روقه :عاوزنى اسامحك....تمشي صح يا عاطف تمشي علي الصراط المستقيم وربنا هينجيك من كل شر ويخلي ماما وبابا يبقو راضيين عليك 

عاطف بتأثر :حااضر يا حبيبتى 

فتربط روقه علي كتفيه وبابتسامه :ربنا يهديك للصواب 

فتقوم من مكانها 

عاطف :ايه راحه فين 

روقه :راحه الشغل 

عاطف :بس انتى لسه ماكملتيش اكلك 

روقه بابتسامه :ماهو دا برضو اكل عيش يا عاطف 

عبدالمنعم :ربنا معاكى يابنتى ويفديكى ف طريقك ويوقفلك وﻻد الحﻼل ياارب 

روقه بابتسامه :تسلم يا حبيبي..يﻼ بقي انا ماشيه
  سﻼام.. 
وتذهب الي عملها الثاااااانى 
،،،،،،،،،،،،،،،،،،،،،،  كانت تجلس تقلم ف اظافرها وواضعه بجانبها سيجاره مشتعله علي المنضده وكانت تزفر وتقول : اووف بقي يا مامى انا زهقت منه مش عارفه اعمل ايه معاه 

شيريهان )والدتها وشقيقه كاريمان :(دارين..انتى ﻻزم تفضلي وراه وماتسيبهوش ﻻزم تخليه يحبك غصب عنه 

دارين :ازاى بس يا مامى دا مش شايفنى خالص 

شيريهان :دارين انتى ﻻزم تفهمى وتعرفي ان بعد ابوكى ما مات احنا صرفنا كل اللي حيلتنا ومعادتش معانا غير الفيﻼ اللي عايشين فيها دى والعربيه اللي انتى راحه وجايه بيها وشويه رصيد ف البنك  عايشين علي الفايده اللي بتطلعلنا منه يعنى ماعندناش دخل تانى غيره واحنا مصاريفنا كتيير وجوازك من ادهم ابن خالتك دا هينقلنا نقله تانيه خالص 

دارين :يعنى انا هتجوزه غصب عنه يا مامى .. يامامى ادهم تقييل اوووى وانتى عارفه انه من صغره ما بيحبش البنات ورافض يتجوز اصﻼ 

شيريهان :انتى بقي خليه يفكر ف الجواز ويغير الفكره اللي ف دماغه دى خالص 

دارين :طيب انا معاكى قوليلي اعمل ايه 

شيريهان :مش انتى بتحبييه؟ 

دارين :انا...انا عادى يعنى ..هو طبعا ادهم وسييم جداااا ويتحب بس تقييل اوووى بس انا..انا من نحيته عاادى 

شيريهان :وحتى لو مابتحبهوش..برضو خليكى وراه لحد ماتهبليه..ادلعى عليه..البسي احلي حاجه عندك قدامه..خليه كدا طول ماهو ماشي مايقولش غير دارين دارين دارين 

دارين بسخريه :يبقي بتحلمى يا مامى..دا ادهم الجمال اللي مجنن بنات مصر كلها وﻻ حتى بيبص علي واحده مجرد بصه 

شيريهان :وانتى غير اى بنت انتى بنت خالته وبنت مافيش ف جمالك حد وانتى اولي بيه من الغريبه..وبعدين هو هيﻼقي زيك فين بس 

دارين :مامى ادهم مابيبصش من النحيه دى خاالص ياما ف احلي منى واترمو تحت رجليه وهو وﻻ عبرهم 

شيريهان :طب بقولك ايه ماتتصلي بيه دلوقتى 

دارين :واقوله اييه 

شيريهان :اطلبي منه انه ينزل يقابلك ف اى مكان ﻻنك عاوزاه ف موضوع ضرورى اووى وماينفعش يستنى 

دارين :وايه هو الموضوع المهم بقي اللي هكلمه فيه 

شيريهان بنفاذ صبر:يووه يا دارين ماتفتحى مخك معايا..مش ﻻزم كل حاجه انا اللي اقولهالك..انتى المفروض اول ماتشوفيه تخترعى اى موضوع عشان تكلميه فيه 

دارين بتفكير :اوك يا مامى انا هتصل بيه واقابله واسأله عن....عن اونكل وانطى..ايه رأيك 

شيريهان :هتفصلي طوول عمرك هبله هتقابليه عشان تسأليه عن ابوه وامه 

دارين بحيره :اومال اعمل ايه بس 

شيريهان :قابليه وعرفيه انك بتحبيه وماتقدريش تستغنى عنه وﻻ تعيشي من غيره..انا اللي هقولك يعنى يا دارين..وتغمز لها 

دارين بابتسامه :اوك يا مامى..انا هتصل بيه دلوقتى...وتمسك بهاتفها وتتصل بادهم فيرد عليها بمضض بعد ثﻼث مرات 

ادهم :الوو...ايوه يادارين 

دارين بدلع :ايوه يادومى اذيك 

ادهم بنفاذ صبر :قولتلك 100 مره انا اسمى ادهم..دومى ده تقوليه لصاحبك االلي ف النادى اللي بيقول بابي ومامى 

دارين :ماشي يا ادهم سورى.. 

ادهم :اوك يا دارين...خير ف حاجه 

دارين :كنت عاوزاك ف موضوع مهم اوووى يا ادهم 

ادهم :طب ماتقولي 

دارين :ﻻاا ماينفعش ف الفون خاالص الموضوع ضرورى وﻻزم اقولهولك face to face  

ادهم :امممممم والمطلوب يعنى؟ 

دارين :اقابلك..ودلوقتى 

ادهم: بس انا مش فاضي ورايا شغل 

دارين :هستناك بس ﻻزم تقابلنى 

ادهم بنفاذ صبر :اوك يا دارين..ساعتين بالظبط وهكون عندكو 

دارين: ﻻ ماتجيش البيت تعالي نتقابل ف اى كافيه بره 

ادهم :ماشي يا دارين 

دارين :هستناك ف كافيه(.......)الساعه ٧..اوعى تتأخر 

ادهم بدون نفس :اوك يادارين...انا مضطر اقفل دلوقت ﻻنى ورايا شغل...سﻼام 

دارين بسعاده :سﻼاام.....وتغلق الخط...خﻼص يا مامى هيقابلنى الساعه ٧ ف الكافيه 

شيريهان بسعاده :ايوه كدا عشان تسمعى كﻼم
  ...امك 
اما عنده بعد ان اغلق :عاوزه منى ايه دى وموضوع ايه اللي ضرورى وعاوزه تكلمنى فيه 

فيأتى عليه حسام :مالك يا ادهم بتكلم نفسك كدا ليه 

ادهم بسخريه :دارين ياسيدى قال ايه عاوزه تقابلنى عشان ف موضوع ضرورى عاوزه تكلمنى فيه 

حسام وهو يضغط علي شفتيه السفلي : دارين...دارين دى كمان فرس..فرس يابنى..مش عارف انت جايب الجبروت ده منين...مزز بتترمى تحت رجليك وانت بترفص النعمه وﻻ هنااا ايييه قلبك حجر 

ادهم بجديه :حسااام...ما احبش انك تتكلم علي دارين بالشكل ده مهما ان كان دى بنت خالتى وزى اختى بالظبط 

حسام :خﻼص ياعم مالك انت قفشت كدا ليه 

ادهم :وﻻ قفشت وﻻ حاجه..وبعدين مش هنقعد نحكى ف المحكى كتير واقولك كل شويه انى ماليش ف الستات وصنف الستات 

حسام :وﷲ يا ادهم لوﻻ انى عارفك وعارف انك اسد كنت قولت عليك انك ملكش ف الستات اصﻼ..ويغمز له 

ادهم :ﻻ ياراااجل...ﻻ اطمن يا اخويا مش ادهم الجمال 

حسام وهو يهلل :ايوه بقي هو ده 

ادهم :طيب نشوف شغلنا بقي 

حسام :يﻼ يابرنس  ،،،،،،،،،،،،،،،،،،،  دلفت الي الكافيه مسرعه واخذت تبدل مﻼبسها علي عجاله وترتدى الزى الرسمى للكافيه وهو عباره عن قميص ابيض وبنطلون اسود ووضعت القميص داخل البنطال وتحاوط خصرها قماشه لونها احمر...حتى اتت عليها زميلتها وصديقتها)ابتهال :( ايه ياروقه ايه التأخير ده كله 

روقه :ايه يا ابتهال دا يدوب 10 دقايق بس..فسألتها بخوف...اييه هو استاذ عبدﷲ سأل عليا)مدير الكافيه( 

ابتهال :ﻻ ياستى ما سألش عليكى 

فتضع يدها علي صدرها وتقول بارتياح :الحمد 

ابتهال :طب يﻼ بقي نشوف شغلنا بدل مايجى ويﻼقينا واقفين كدا يقوم يخصم لنا من المرتب وهو وﷲ مش مستحمل دا يدوب بيكفي بالعافيه 

روقه بحزن :وﷲ عندك حق يا ابتهال العيشه بقت غاليه اووى والمرتب اللي باخده من هنا ومن المحل معادتش بيقضي...وتنهدت بحزن...وﷲ لوﻻ المﻼمه يا ابتهال كنت اشتغلت شغﻼنه تالته ف الوقت اللي بنام فيه 

ابتهال :ربنا معانا ياروقه ويعينا 

روقه :يارب ياحبيبتى...وبعدها يذهبو لعملهم 

وبعد وقت قليل تصف سيارتها وتدخل الكافيه لتنتظره ..وبعد مرور الوقت تمل من اﻻنتظار وتتصل به :الوو...ايوه يا ادهم..ايه ماجتش لييه....نسييت..اخص عليك يا ادهم...بقولك عاوزاك
ف موضوع مهم..طيب يا ادهم انا مستنياك وياريت ما تتأخرش..يﻼ بااى 

فيغلق الخط وهو يزفر :اووف علي زنك يا دارين 

حسام :اييه ياعم مالها 

ادهم :نسيت المعاد اللي بينى وبينها...قالبه دماغى بقي 

حسام :طب روح شوفها عاوزه ايه واخلص 

ادهم :اوك انا مش هتأخر...سﻼم 

حسام :سﻼام........فيستقل سيارته ويذهب للكافيه  ويدخل ليجدها جالسه وقد اشعلت عدد كبير من السجائر ف هذا الوقت القصير وكانت بيدها واحده اخرى مشتعله..فيذهب لها ويجلس :اذيك يا دارين 

دارين بابتسامه :ادهم...اذيك انت....اخص عليك كل ده تأخير 

ادهم بجديه :كنت ف شغل يادارين..كنت ف شغل...ولو سمحتى تطفي السيجاره دى وماتولعيش اى سجاير تانى طول ماانا قاعد معاكى 

دارين :برضو لسه ما بطيقش ريحتها..وعلي العموم ياسيدى اهى...طفيناها 

ادهم :تمام.....ها ايه بقي الموضوع المهم اللي جبتينى علي مﻼ وشي كدا عشانه 

لتنظر له وتبتسم وتضع يدها علي يده وتقول :انا بحبك يا ادهم 

لتأتى لهم النادله لتأخذ اﻻوردر..فيسحب ادهم يده من يدها مسرعا وينظر لها بجمود 

النادله :مساء الخير يافندم...حضرتكو تحبو تشربو ايه 

لينظر لها ادهم ويقول :انا قهوه مظبوط لو سمحتى 

فتنظر لدارين :وحضرتك يا فندم 

دارين :هاتيلي نسكافيه بﻼك 

النادله :حاضر..دقايق والطلب يكون موجود...بعد اذنكو...وتذهب من امامهم 

دارين :ها يا ادهم قولت ايه 

ادهم بجديه :قولتى ايه ف ايييه يا دارين..هو ده الموضوع المهم اللي كنتى عاوزانى فيه 

دارين :ادهم انا فعﻼ بحبك ومش قادره استغنى عنك ابدا وﻻ قادره اعيش من غيرك..ومش هقدر اشوفك مع واحده تانيه غييري...فتبتسم له..اتجوزنى يا ادهم...اتجوزنى وانا هخليك تشوف اللي عمرك ماشوفته.. 

ادهم :اظن انتى عارفه رأيي ف الموضوع ده يا دارين وبعدين ريحى نفسك ﻻ هتشوفينى معاكى وﻻ حتى مع غييرك 

دارين :ﻻ يا ادهم ما انت مش هتفضل طول عمرك كدا من غير جواز..وقالت بغضب...لو ف حد ف حياتك قولي بس ماتسبنيش كدا 

ادهم :انا ﻻ فيه حد ف حياتى وﻻ حتى هيكون فيه...وياريت يا دارين تشيلي الموضوع ده من دمااغك خاالص..وقولي كمان لخالتى هى كمان تشيله من دماغها ﻻنى عمرى ماهتغير 

دارين بارتباك :طب ومامى مالها يعنى 

ادهم :ﻻ انتى عارفه كويس مالها..وياريت ماتفتحيش معايا الموضوع ده تاانى 

دارين باندفاع :بس انا بحبك وعاوزه اتجوزك يا ادهم 

ادهم بنرفزه :يووووه يا دارين احنا مش هنخلص بقي 

دارين بغضب :مااشي يا ادهم هنخلص ماااشي....لتأتى لهم النادله بالمشروبات وتضع القهوه امام ادهم وتضع النسكافيه امام دارين 

دارين بغض تملك منها فتخرجه علي هذه المسكينه : اييه ده انا ماطلبتش نسكافييه 

النادله بابتسامه :ﻻ حضرتك طلبتى نسكافيه واﻻستاذ طلب قهوه 

دارين بغضب هادر :قولتلك انا ماطلتبش نسكافييه وطلبت هوت شوكليت انتى اييه مابتسمعييش مابتفهمييش 

ادهم :دارين اهدى ماينفعش كدا...وبعدين انتى طلبتى نسكافيه ما طلبتيش هوت شوكليت 

النادله :حضرتك لو عاوزه ابدل النسكافيه بالهوت شوكليت مافيش اى مشكله...لكن فعﻼ حضرتك طلبتى نسكافيه 

فتقف دارين :يعنى انتى بتكدبينى...انتى بنت قليله اﻻدب انا ﻻزم اشتكى لمديرك هنا...انا عاوزه المدير هاتوولي المدير 

ادهم :اسكتى بقي وكفايه فضاايح 

فهى لم تكن تسمع له شئ....فيأتى لها المدير :خير ياهانم حصل ايه 

دارين :حصل ان اللي انت مشغلها عندك طلبت منها هوت شوكليت جابتلي نسكافيه وبكلمها وبعرفها غلطها بتقاوح معايا وبتكدبنى انا 

عبدﷲ :احنا اسفين يامدام اكيد غلطه ومش هتتكرر تانى وعشان خاطرك مخصوم منها ٥ ايام 

النادله بدمووع :يا استاذ عبداﷲ وﷲ انا ..... فيقاطعها :خﻼااص الموضوع منتهى 

فتنظر لها دارين بانتصار :كدا تماام...ميرسي ليك...فينظر لها ادهم بغضب...فتنظر له نظره بﻼ معنى وتتركه وتغادر....فينظر هو لها ليجدها تبكى بمراره بعد ان ذهب المدير ذهب لها وقال : ماتخافيش انا هروحله دلوقت وهحكيله علي اللي حصل واخليه يلغي الخصم 

فنظرت له غير مصدقه :بجد 

ادهم :طبعاا دى شهاده حق وانا عمرى ما هسكت عليها ابدا  

فتنظر له بامتنان :ﷲ يسترك تروحله ﻻن انت الوحيد اللي شاهد علي اللي حصل والخصم ده هيضرنى كتيير اووى 

ادهم :طيب بعد اذنك انا هدخله..وبعد ان خطى خطوه بقدميه حتى رجع لها مره اخرى ليقول لها : صحيح انتى اسمك اييه 

فقالت له وهى تبتسم من رجولته وشهامته معها : روقه...اسمى روقه  ،،،،،،،،،،،،،

هااااااااااي أين الكومنت ؟؟
رأيكم ؟