شعبية ولكن استقراطية. بقلم ( سارة مجاهد )

الحلقة الثالثة والعشرون

(23)
لايك قبل القراءة ☺ و كومنت بعدها ❤
- - - - - - - - - - - - - - - - - - - - -

كانو مازالو يتحدثون ف ذلك الامر

روقه: ارجوكى ياداده قوليلي مين اللي قتلوها

اكرام لتتهرب: شوفتى بقي نستينى اشربك اللبن ازاى

روقه: داده انا مش هسيبك تهربي منى زى كل مره..ارجوكى ردى عليا وريحينى..مين؟

اكرام:..........

روقه: طنط مش كدا...هى اللي قتلتها!..طب قتلتها ليه...ردى عليا انتى ساكته ليه

اكرام: ماتظليمهاش يابنتى هى ملهاش ذنب ف حاجه...ست كاريمان مافيش اطيب ولا احن منها..بس حته انها عاوزه ادهم لدارين دى هى اللي قالبه الدنيا لكن والله هى مافي اطيب منها

روقه بتمعن ف عينيها: طب ميييين؟

اكرام بتنهيده طويله ودموع حاره تنزل من عينيها: محمود بيه

روقه وهى تنظر امامها بصدمه: اييييييه؟
******************

بعد انتهاء ايام العزاء كانو جميعهم يرتدون الثياب السوداء..ووجوههم باهته..كانو يجلسون جميعا وحازم يحمل ابنته الصغيره

ايمى بحزن: حازم هات كنزى اما ارضعها انا حضرتلها البيبرونه

حازم بحزن: اتفضلي يا ايمى..معلش تاعبينك معانا

ايمى بدموع: ولا تعب ولا حاجه..دى بنت كنزى يعنى زى بنتى بالظبط

صافي بدموع: حاازم..احنا مارضناش نسألك عن اى حاجه غير لما العزا يخلص لان حالتك كانت صعبه زينا ويمكن اكتر..قولي ياحازم كنزى ماتت ازاى..وازاى البنت اتولدت دلوقت..ارجوك ياحازم رد عليا

حازم بحزن دفين: يوم ماكلمتكو تعبت..قولنا عادى تعب حمل لكن تانى يوم تعبت اكتر وروحنا المستشفي الدكتور قالنا دى ولاده مبكره

صافي: ازاى ودى كانت ف السادس

حازم: اللي حصل..ودخلت اوضه العمليات وولدت..وخرجت منها صاحيه وبعدها طلبت منى انها تحضن كنزى وبعدها مشيت..ونزلت دموعه..مشيت وسابتنى لوحدى

مدحت بحزن: لا حول ولا قوه الا بالله..لله الامر من قبل ومن بعد

صافي ببكاء: ياحبيبتى يابنتى..مالحقتيش تتهنى ببنتك يا حبيبتى..فصمتت وانتبهت...حاازم بس البنت كويسه ومش تعبانه وكامله كمان..هى مش المفروض تنزل ناقصه او تدخل الحضانه وتفضل فيها ال 3 شهور دول..مش المفروض ان هى اللي تموت وبنتى اللي تعيش..رد ياحازم

فارتبك حازم كيف يتوه عن باله امر مثل كذلك

حازم: ااه اه ماهى اتولدت ف اخر السادس ودخلت الحضانه عما وصلت للسابع يعنى الموضوع مااخدش يومين تلاته