شعبية ولكن استقراطية. بقلم ( سارة مجاهد )

الحلقة التاسعة

(9)
لايك قبل القراءة ☺ و كومنت بعدها ❤
- - - - - - - - - - - - - - - - - - - - - -

وف اليوم التالي ذهب للكافيه كان ذاهبا لها بالاخص ودخل وجلس علي الطاوله وبعد دقائق جاءت اليه وعلي وجهها ابتسامتها الصافيه: اوامرك يا فندم

ادهم: ايه دا هو مافيش حد بيشتغل غيرك هنا ولا ايه

روقه: لا يافندم معايا زمايلي موجودين بس بيكون معاهم اوردرات ولو حضرتك مدايق منى ممكن امشي وابعت لحضرتك ابتهال

ادهم: لا خالص مش مدايق انتى بس بتصعبي عليا بحس ان الضغط عليكى اكتر

روقه: كلنا هنا بنشتغل زى بعض يافندم..وبعدين كل حاجه وليها ضريبه عشان اجيب فلوس لازم اشتغل واتعب..ها يافندم ماقولتليش حضرتك تؤمر بايه

ادهم: انا عاوز اتكلم معاكى كلمتين مش اكتر

روقه: افندم!!!!!

ادهم: لو سمحتى ماتفهمنيش غلط انا عاوز اتكلم معاكى كلمتين مش اكتر وبعدها ليكى حريه الاختيار يا اه يا لا بس لو سمحتى لازم تسمعينى لان الموضوع دا لو تم هيفرق معاكى كتيير اووى

وبدأ القلق يتسرب بداخلها: بس..

ادهم: مش هاخد من وقتك غير خمس دقايق بس

روقه: ماشي...فجلست...اتفضل
اتكلم

ادهم: انا عاوز اعمل معاكى deal

فنظرت امامها بعدم فهم: deal يعنى ايه مش فاهمه ممكن حضرتك توضح

ادهم بعزم: تتجوزينى؟

روقه بصدمه واندهاش: نعم!

ادهم: بقولك تتجوزينى ياروقه....اما هى فظلت تنظر امامها بصدمه وهى غير مصدقه وبعد ان فاقت من صدمتها: احم..اتجوزك..اتجوزك ازاى يعنى مش فاهمه

ادهم: مش فاهمه هتتجوزينى ازاى

روقه: تؤ لا مااقصدش يعنى هتتجوزنى ازاى وانت متجوز

ادهم باستغراب: متجوز!

روقه: ايوه

ادهم: مين قالك كدا؟

روقه: محدش قالي انا عرفت انك متجوز من يوم ماجيت مع المدام وعملت معايا المشكله

ادهم متذكر دارين: اه..بس..بس دى مش مراتى

روقه باندهاش: مش مراتك!..مش مراتك ازاى دا..

ادهم: فاهم تقصدى ايه وعارف الوضع اللي كنا فيه وانها كانت ماسكه ايدى والكلام دا يدل علي انها مراتى لكن هى مش مراتى دى دارين بنت خالتى بتحبنى وعاوزه تتجوزنى بس انا لا بحبها ولا هتجوزها ويوم ماشوفتينا كانت بتطلب ايدى للجواز

روقه بنظره استغراب: لكن عاوز تتجوزنى انا!!

ادهم: ماتنسيش ان انا قولتلك ف اول الكلام انى عاوز اعمل معاكى deal