(30)والاخييييير
لايك قبل القراءة ☺ و كومنت بعدها ❤
- - - - - - - - - - - - - - - - - - - - -
كانوا ف القصر يسلمون عليها
كاريمان :وهتسيبو البلد وتروحو فين ياشيري
شيريهان :اى حته يا كاريمان بلاد ﷲ واسعه
دارين :هو ادهم راحلها
كاريمان :ايوه يا دارين...انا خلاص بطلت اللعب اللي كنت بلعبه ..انا اكتشفت ان سعاده ابنى بالدنيا كلها ومدام سعادته معاها يبقي ربنا يسعده وانا هعاملها زى بنتى من النهارده
دارين وتلوى شفتيها :ربنا يهنيهم
محمود :ادهم شكله وصل يا كاريمان
اكرام بفرحه :انا هفتحلهم
فذهبت اكرام وفتحت لهم الباب لتجدهم جميعا..وادهم يمسك يد روقه ويدخل بها
ادهم :السلام عليكم
الجميع: وعليكم السلام
اكرام: البيت نور من تانى يامريم
روقه: منور بيكى يا داده
كاريمان وهى تسلم عليها: حمدالله علي سلامتك يا مريم يابنتى
روقه: الله يسلمك يا طنط
فدخل عليهم فجأه حسام وحلا وامجد
ادهم: حساام
حسام: انا بس جاى اطمن مش اكتر وفرحت جدا لما لقيت مريم رجعت...انا بس عاوزك بس تسامحينى مش اكتر..انا بقيت حسام تانى والله غير اللي تعرفوه خالص حسام جديد نضيف ومش عاصي
فابتسمت: وانا مسمحاك يا حسام..حلا..ليه خرجتى وانتى تعبانه كنت هاجيلك..حمدالله علي سلامتك يا حبيبتى
حلا: الله يسلمك يا قلبي ..احنا بس حبينا نيجى نفرحكو معانا..انا وامجد كتبنا الكتاب ف المستشفي ..وانا بصراحه من الفرحه ماقدرتش اقعد اكتر من كدا وخرجت وانا تعبانه عشان اجى وافرحكو
ادهم: مبروك يا امجد..مبروك يا حلا..وبمناسبه الخبر الحلو دا ..احب اعرفكو علي عيلتى التانيه يا جماعه..بابا ماما ...دا عاطف اخو مريم...وطنط زبيده والدتها...وعمى عبدالمنعم.....والدها
فوقف محمود وعقد حاجبيه بصدمه :انت!!
عبدالمنعم باستغراب: انت تعرفنى يامحمود بيه
محمود بصدمه وهو يتجه ناحيته : انت الراجل اللي كان شغال ف المصنع زماان
ادهم: هو حضرتك تعرفه يا بابا
محمود: استنى ياادهم...رد عليا يا حاج...انت كنت زمان شغال ف مصنع غزل ونسيج..علي الطريق الصحراوى مش كدا
عبدالمنعم باستغراب: ايوه يابيه هو حضرتك تعرفنى
محمود باندهاش وهو يقول: مش ممكن مش معقول
أنت تقرأ
شعبية ولكن استقراطية. بقلم ( سارة مجاهد )
Short Storyبنت زى اى بنت ليها امال واحلام نفسها تعيش زى باقى البنات لكن للقدر راى اخر هل هيتغير ولا هيفضل زى ما هو تعالوا نعرف ونتعرف على بطلت روايتنا روقة عايشة فى حى شعبى وبيت اقل مايكون عنه بسيط
