(11)
لايك قبل القراءة ☺ و كومنت بعدها ❤
-------------------------------------------
اما ف الاسفل
كاريمان بزهق: اووف ايه قله الذوق دى كل دا تأخير ابنك ماكانش بيتأخر علينا كدا هى البرنسيسه دى هتيجى تقلبنا حاله ولا ايه
محمود: ف اييه يا كاريمان بالراحه شويه ع البنت..هما ما اتأخروش ولا حاجه مش بيغيرو هدومهم وبعدين دول عرايس لازم يكون عندك نظر
كاريمان بتهكم: ماهو ماحبكتش دلوقتى يعنى عندهم الليل بطوله يعمله فيه اللي هما عاوزينه..لكن دلوقت اسمها قله زوق وقله حيا اييه مش صابرين
محمود: يعنى لو كانت دارين اللي مكان روقه دلوقت دا هيكون ردك برضو
كاريمان: ايه ايه ايه دارين مين اللي هتساويها ببنت الشوارع اللي ابنك جايبهالنا دى لا دارين بنت اختى بنت ذوات ماتتقارنش بدى ابدا
محمود: طب خلاص اسكتى يا كاريمان الولاد نازلين مش عاوزين مشاكل من اول يوم
كاريمان بتمعض: اتخرسنا
ادهم: اسفين يا جماعه ع التأخير
محمود: ولا يهمك يا حبيبي..اتفضلو يلا ع السفره الاكل جاهز
وذهبو واجتمعو علي السفره
اكرام: ثوانى بس هجيب العصير
كاريمان: لا يا اكرام تعالي اقعدى انتى وانا هجيبه
اكرام: لا ياست كاريمان مايصحش
كاريمان: يلا اقعدى يا اكرام احنا مافيش بينا الكلام دا
فذهبت للداخل واحضرت خمس اكواب من العصير وبعدها اخرجت زجاجه من جيبها ونظرت حولها وبعدها...
محمود: الاكل ماله عادب كدا ليه يا اكرام
اكرام: ثوانى واجيب الملاحه يا محمود بيه
فذهبت لتحضرها ووجدت ما لم تتوقعه...
اكرام: بتعملي ايه يا ست كاريمان
فتلتفت لها بارتباك وهى تضع شريط الحبوب ف جيبها بعد ان وضعت واحده ف كوب العصير: هاا اكرام...وتتذكر حينما خرجت من منزل دارين وشيريهان وتوجهت الي اقرب صيدليه ودلفت لها وطلبت من الصيدلي..لو سمحت
الطبيب: اؤمرى يا فندم
كاريمان: عاوزه حبوب منع الحمل
الطبيب: حاضر يا فندم..فذهب واحضره لها
كاريمان: متشكره جدا ..وخرجت منها وهى تتوعد لروقه: مااشي يا بيئه مش انتى اللي بت زيك تخلف من ادهم الجمال ويبقالي حفيد منها
وبعدها استقلت سيارتها وعادت لمنزلها
كاريمان: ااه ااه يا اكرام اصل وانا جايه عديت ع الصيدليه وجبت الحبوب المهدئه دى عشان استحمل اللي هشوفه ف البيت دا من هنا ورايح..لان شكلي كدا هيجيلي الصغط علي ايد ادهم ابنى
أنت تقرأ
شعبية ولكن استقراطية. بقلم ( سارة مجاهد )
Contoبنت زى اى بنت ليها امال واحلام نفسها تعيش زى باقى البنات لكن للقدر راى اخر هل هيتغير ولا هيفضل زى ما هو تعالوا نعرف ونتعرف على بطلت روايتنا روقة عايشة فى حى شعبى وبيت اقل مايكون عنه بسيط
