مابين الغرام وانين الانتقام

part8

مابين الغرام ..وانين الانتقام
🥀بقلمي يارا ...الياسري
#البارت الثامن
بكلشي اتصنعو حتى اعله هذا الليل
الما سهران يشكي وحومر اعيونه
!! شيّنزل (الستارة) وينتهي التمثيل
ويطلع من صدگ كل واحد بلونه ؟
.....................................

لينه.رجعت وصوتي مبحوح من البجي سلمت وصعدت لغرفته جيهان بدلت والعبره خانكتني كول مرة هيج ايي احد يضوجني لو يحجي عليه اسكت ماادافع عن نفسي بس ابجي وافضح نفسي وابينلهم كلامهم حيل يجرحني اجت روز ..

روز..شبيهه عمري واخيتي الحلوه ترى ماتكدرين اتضمين عني اعرفج من عيونج الحمر ليصيحن لامهن وابوهن باجيته ..

لينه.اشهكت ودموعي نزلنه هذا الحقير رزلني واحجي واخذ نفس  من الالتهاب لبصدري مختنكه ..

روز..منو على كيفج ارتاحي وكليلي منو احد سوالج شي  ..

لينه..مسحت عيوني ايي هذا ااسايق اتاخرت بسب الدرس اخذت المدرسه اضافي ومن طلعتله استلمني يرزل ويحجي بعصبيه وخشونه ويايه ..

روز..ايي ايجوز عصب من الانتظار ماكلتليه عندي درس وخجلتي جان خجل واعتذر منج ..

لينه..لا لا ماسوت هيج بجيت واجيت اروح لبيتنه بدون مااحجي انوب نزل بنيه حاجتني ورجعت صعدت وركعت باب السياره ..

روز ..هههههههه شنو خبله السيارة شلهه دخل يمه يمه دنعل ابو سيارته شون يبجيج المفروض مو تبجين تردين علي وتبررين موقفج ...

لينه..دموعي نزلنه وكلبي احترك ولساني حسيت انكطع حرف ماطلع بس ماقصرت الطريق كله ابجي ومن وصلت هنا همات ركعت الباب وبقى يصيح اسمعه السياره اتكسرت يارب تتكسر عضامه ...

روز..هههههههههههههه لو  متعاركه ويه احسن من مامكسرة السيارة خطيه ههههههه لاتبجين سالفه عادي تصير ونحجي لحسام يحاجي ويبينله سبب تاخيرج همات حقه اتاخرتي ..

لينه..بعد متحلفه بي كله ماانزل اركع السيارة امرد كلبه عليهه مرد وشحد يحجي ..

روز..ههههه شسوين اذ،حجى ..

لينه..ابجي  ..

روز..فديت البراءه يله بدلي وخلي امشطلج شعرج وننزل من وهيج نحضر العشه ..بدلت وكعدت امشطلهه وشعرهه السبل ينزل بايدي اعتبر لين مثل طفلتي احنه مو بالاسم خوات كلب على كلب ووحده تحس بالخ  كملتلهه وضفرت شعرهه صفح ونزلتلهه كذلتهه وبستهه ..

لينه ..اووي اموت بيج اكولج اريد ابقى وياج حتى من تتزوجين اني احبج روز لاتعيفينه ..

روز..منو يكول اعيفكم كله اسبوع يمج  غده وريوك وعشه وجهالي يكمزون عليج ويشككون اوراقج ..

لينه.روز انتي حزينه احسج مقهورة وسام زين وياج ..

روز..ذبيت حسرة اووف لين انتي فاهمتني مااعرف اذ،زين او لا بالكوه نحجي كلمتين وكله مشغول يكلي حرت اذ،مشغول صدك لو ملتهي بشي،اهم مرات اكول حقه يمكن تعبان منه حاير بامور الزواج وشغله ومرات اكول حقي  يهتم بيه وتجي ساعات يراسل ويغازل ويهتم بيه حرت  بمشاعره اتجاهي شككني بروحي ويوم عن يوم داعشقه بجنون احس متوغل بداخلي ومتملك كول ذره مني لين مااتحمل فكرت اني مو بقلبه او هاملني ...