مابين الغرام وانين الانتقام

part 34,

مابين الغرام ...وانين الانتتقام
🥀بقلمي يارا ...الياسري

مساء الكيك والعافيه بقلاواتي

أبي لا أملك شيء أعبر لك به
عن شوقي إلا البكاء،
فمن اللحظة التي فارقتني بها،
وأنا أشتقت لك فقد بكيت،
وصرخت من داخلي
على أمل أن تعود..
، ولكن لم تعد، ومن يوم ذهابك،
وأنا أبكي على أمل عودتك،
ولم تعد،
فسأصبر صبر يعقوب لفراق أبنه،
وصبر أيوب لفقره، ومرضه

...........
الاسوود ..فزيت بصرخات امي واني داشووف ..
والدي مجتفي واخذوا وسلاحهم لبس مدني بيهم
لابس البنطلون زيتوني ومن فوك مدني سلاح
على خصرهم وملثمين وامي تصرخ وتحاول
تبعدهم عنه عددهم خمس دفعوا امي بقوه
ووكعت جريت بيهم انطاني رفسه وكعني بحضن امي ... ...كعدت تنوح امي وتلطم وتتحسر على
حضهه الجوراين يباوعون على ماراحوا كولش
اجو نسوان واحنه مانعرف شديصير علة شنو
لبست امي عبايتهه وجرتني من ايدي خلت اختي
ابيت جيراننه وراحت لخان جبير ومحل اكبر
لكينه واحد كاعد بي ...ليش والك هيج تحرم
جهالي من ابوهم شمسويلك يمك بكربك تدمر
حياتنه ياسكط ياعار ياابو العرك والريحه الفايحه
ليش ماخفت الله والك شتريد منه يمنه ....
طرد امي بكل غرور وشوفته روح وهو يكلهه
يافكور شعدكم واريد منكم انتم جوه مداسي
وانتي بالذات تعرفين منو باقي والج اذ ماخليتج
تشوفين الله وتندمين على سوايتج فلا اطلع
باقي سجين .....تحسبت امي علي،ورجعت
بيه للبيت تندب حضهه وتلطم على وجهه ماكنت
افتهم شصاير ولا ليش،اخذوا والدي بعد مرور
اسبوع يله رجع ورجع رجعته الميت اموتين دك
وضرب شامرين شمر براس المنطقه واجوا زلم
دكو الباب وجابوا بدمه ومشكك قميصه .. تناوشت
امي وهي تحاول تكعده عافوا الزلم وطلعوا بحكم
امي مرة وصعبه دخلتهم ...بقى يون وهي تدواي
الجرووح وتحطله كمادات تالي اجه زلمه جيرانهه
مضمد ويه مريه جبيره وكال اني ادواي ...
باليلتهه للصبح زلمه مثل ابوي يوون مدمرينه
دمار ضررب جلده مطكع طكع دم احمر اسواط
ضاربينه ...كعدت بزوايه بالمطبخ ابجي وخايف
اجت امي وضمتني لصدرها وتكلي ماما ...امجد
خليك قووي ..لاتضعف هالدنيا تاكل البزون وبس
الذيب يعيش بيهه دنيانه حيل حقيره ..بجيت
بحضنهه ورفعت راسي ..ماما بابا شبي منو سوه
بي هيج وليش خطفوا وليش رحتي لذلك الشويب الي بقى..يغلط ..اكتفت بدموع سكتويه وماحجت شي نومتني ....صبح الصبح وبدلتلي حتى اروح
للمدرسه ...بس عاندت وكلتلهه مااعيف بابا لوحده
اخاف يردون ياخذوا ...قنعت رادت مارديت . ..
مشت الايام ...وابوي رجع وكف برجلي ويشتغل
ويه الزنكين مرت سنه تقريبا وبلشنه دوام جديد
وحالتنه بدت تستقر والنسوان من تجي امي تتفاخر
بلبسهه الي يجيب بابا واسوراتهه الذهب ..لكن يافرحه ماتمت وبماتم حزن انتهت مرت ايام واشهر
وصادف يووم امتحانات نصف السنه رحت وراجع
ركض بيومهه فرحان مجاوب وكفت براس الشارع
من دهشتي واني اسمع صوت اصحابي ...