مابين الغرام وانين الانتقام

part 10

مابين الغرام ...وانين الانتقام
🥀بقلمي يارا ...الياسري
البارت العاشر..
يل حبك جمر وآنه الحملته اسنين
شلته وعلكلب آنه الكلت ....خله
وعليك اتسترت حته اعله.. كلبي
وياك وانته اعله اليحبك....تنطر.
................................
حيدر..يله بناات نرجع ..

لينه ..مااروح انتظر روز اشوفهه عيفني هنا ..

حيدر..يابعد روح اخوج ماتكدرين تشوفينهن نخاف عليهه يتلوث الحرق امشي ويايه وخلي يمر اسبوعين اكثر بلكي تتحسن ونشوفهه ..

لينه ..برطمت ماشي لبست شالي وتعدلت ورحت..

روز..دموعي يصبنه كله ماافز واحس النار بروحي الحرق يوجع ويلجم ردت اموت ساعتهه ورجلي،كولهه تشوهت بقلبي اكول الله لاينطيك العافيه ياوسام وارجع واكول لا ياربي احبه وماريد يتاذ بدعاءي فحصني الدكتور وكال باليل نطلعج ديري بالج احد يجي يمج وانتبهي من كلشي وفعلا باليل طلعوني شويه نشف الحرق لف الدكتور الي وكال بس توصلين فتحي ولازم تنضيف يومي بابا وخالي وحسام وحيدر وامي وحيدر جايب بيبيتي خطيه تمشي واطش جكليت وسام مااجه اباوع بوجوهم اكول بلكت ماشفته بس هو من كاع ماجاي.. وصلنه للشقه ماما كعدتني بغرفه لوحدي والكول راحوا الليل كلو ماانام ابجي بصمت بدموع تحرق وجناتي وتبلل وسادتي ووادعي الله يشافيني ويريحني من هالالم وووجه الصبح بالف يالله وياعلي اغفه ...

حيدر .وصلنه للبيت خالي الساعه بالعشره واليوم كول على نفس الوكفه والتعب خالي كال..

ابو وسام ..يله بويه ناموا ساعه ارتاحوا وقضاء،وقدر صار والشفاء على الله يله بنياتي ..

حسام..صح حيدر لازم يوميه ناخذ الممرضه او دكتوره تنضف حروقهه ..

حيدر..اني ادبرهه وحجيت ويه الدكتور انطاني
رقم دكتورة تروح للبيت بحالات مثل حاله
روز بس كال لازم اني خذهه واجيبهه
اتصلت بيهه ماعدهه مشكله ..

حسام .الحمد الله يله تصبحون على خير ..

حيدر..تصبحون على خير ..

ابو وسام وانتم من اهل الخير ..

حيدر ..بدلت واشوف الاء دازه مسج عفته الجهاز ونمت غلست عنه مسجهه شويه واباوع حسن متصل ...

حسن هاخويه الحمد على سلامتهه ..

حيدر..الله يسلمك يابعد اخوك..

حسن..اكلك حيدوري امي تريد تشوفهه ومريم وسارة بس اعرف حرق يتلوث فتعذرت منهن بس،مع ذلك امي مصره حتى لو بس اسلم على امك ...

حيدر..البيت بيتهن باي ساعه يشرفنه على الراس بس حاليا احنه بشقه وياهه امي ووالدي حتى نبعد كلشي عنهه دقايق وادزلك العنوان ..باي ..دزيتله العنوان ورجعت نمت ...

في اليوم التالي ...

ام حيدر..كعدت صليت وسويت ريوك وانتظرت حيدر يجيب الدكتورة تنضف روز خفت ادخل عليهه ويصير شي محترك كلبي بنار عبالك اني لمحتركه مو هي وناتهه تضرب بصدري ودموعهه تذبحني بنيتي برئيه وطيبه ماتستاهل هالشي وكله هذا واني عندي شكوك وافكر شون وكعت وشوداهه للصوبه بس سكتت وهمي الوحيد تكوم بالسلامه شويه واجت الدكتورة ويه حيدر سلمت ودليتهه على الغرفه ..