مابين الغرام وانين الانتقام

part 32

مابين الغرام ....وانين الانتقام
🥀بقلم يارا الياسري ..
مساء العافيه

مهما اشتد الظلام، فشمعة واحدة كفيلة
بأن تبدد كل هذا الظلام، ومهما طال الليل
، فدقيقة واحدة من فجر كفيلة بأن تنسيك
كل هذا الليل، ومهما..... طال الحر، والجفاء،
فرشفة من ماء بئر عذب كفيلة بأن تُنسيك
ما كان فيك من عطش، ...وإن بقيت تسير
في طريق مليء بالشوك، والجفاء، والحرارة،
إذا رأيت واحة مليئة بالورود سوف تنسيك
الأشواك، وإن رأيت بحيرة ماء سوف تنسيك
ما كان من جفاء، وإن جلست تحت ظل شجرة
سوف تنسيك ما كان من حرارة.

........ ... ...
لينه ..اغمضت عيوني لتنويم افكاري صحيت على
صوت وهوسه طغت ابيتنه ...كمت اجر بحيلي
الهدود واسند نفسي بالحياط والجربايه ملابسي،
عليه صارلهم اليوم الثاني اابدي رصاصي والبجامه
سوده احس بقرافه من ذاتي ...وصلت للباب فتحت
واشوووف حيدر واكف ....وديخابر ويكلهم ايه مستشفى مسافه الطريق واجيكم .وامي كاعده
وماده رجليهه بالكاع تون وتبجي والبنات يواسنهه
ودموع بعينهن حجيت بصووتي المرهق بابا بابا
شبي، احجوووووا وعليت نبرة صوتي بحركه
ودموع رخيصه نزلت بدون انذار بابا وينننن وشبي
بابا احجوووووا ووكعت اباب الغرفه رجليه مايحملني اجت جيهان حدي وكالت مابي شي.
بس متخربط فجاه بالمركز وناقلي للمستشفى
وبابا وحسام وحيدر حيرحون كلهم ان شاء
الله مابي شي...حيدر عاف امي لتتوسل بي
ياخذهه وطلع ..وكلله مااكدر اخذج اني خلي
اروح واشوف..وضعه يمه ادعيله .وامي
زادت بنوحهه ووونينيهه ونشغات روحهه
المنحنيه للوجع وتندب بحضهه وتدعي ربهه
يحميلهه ابو بيتهه قربت زحوف منهه يووم
كلشي بسبي اني مرضت بابا كلشي،بسبي
هدمت هالبيت وجبتلكم عار حضنتني امي
وهي تنكر كلامي بغصه ودموع تحجي ...

...لا يووم لاتكولين هيج هذا قدر وانتي مالج
دخل بعدين ياهو لكلج لصاير بابوج بسبج
هو بعد مايدري شي هذا حضنه المصايب
ماتهدى وتعوفنه بس،اريد اعرف شصار ويه
وخربط وضعه هاارجال دعوف هالشغل وافتح
محل وبسطيه ولا تعب وهلاك يوميه مايرد
ولا يسمع مني كبر وعمره مو صغير والضغط.
والسكر يردله راحه وضميت وجهي وابجي ...
وبتي باحضني تلوم بروحهه ...واني كله خوفي
هالنكسه اريج مخابره خالهه وكايلته وهالتخربط
هناك اووووف ياربي يمته تصفه دنياك عليه
وعلى عيالي وجهالي ......

منار...دكيت على علي وكلتله يروح ويطمني
جبت كلاص مي وشربت لينه وكلبي مثل النار
والوب وداخلي يتناثر خوف وحزن بس قويت وحاولت اواسي امي وخواتي واصبر عليهن
بقينه نلووب ومتحيرين مرت ساعه بحالتنه
هاي اتصلت بحيدر ...كال ستوي وصلت
للمستشفى ازدحامات ..

حيدر..دخلت للاستعلامات السلام عليكم عفوا
بس من ساعتين هيج وصلكم مريض الضابط
حاتم ...كالت دقايق ..

...ايي نعم اتفضل اخذوا لقسم الطورىء تلكى
الاطباء تكدر تحصل معلومات عن حالته ...

...رحت اريد احد ماكو لكيت واكف عسكريين رحت
يمهم السلام عليكم انتم الي نقلتوا والدي شنو صار
ويه وحالته شلونهه ...