مابين الغرام وانين الانتقام

part 26

مابين الغرام ..وانين الانتقام
🥀بقلمي يارا الياسري
بارت الخامس والعشرون
مساء الكيك كيكاتي
احبكم

تابعوا هالكيكه ودوقه
WDQ__18

...... .............................

منار ...يووم لينه حامل ...

ام حيدر..يبوووو فلك فلكج والج عززاه لعزاني
شصخمين شاربه شي وكمت من مكاني بنتر
واعصاب احجي واتراجف ..والج طاح حظج.
على هالحجي هاي سوالفجن ومقالبجن عود
الجبيرة انتي الراكزه .بيج مفاوله على اخيتج..

منار..يووم بس كعدي افهمج والله مو مقلب
ولاسالفه بيا حاله وانسوي مقالب يووم لينه
اغتصبهه ابن حرام مايخاف الله اكعدي
خلي احجيلج فدوه سمعيني ..يووم لزمتهه
من ايديهه لترجف وكعدتهه وهي تلطم وتملخ
بروحهه وحلكهه صار ابيض يوم . تتذكرين
بيوم كلتي رجعت وشككت كتبهه بذاك اليوم
الحيوان خاطفهه وماتعرف منو ومصخمهه
ولصار بعدين بيهه كول بسب هااشي يووم
ربج ستر وعرفت بطركاعتهه بالبدايه نفتك
منه لبطنهه قبل لاتكبر السالفه نسدهه يووم .
هاي لينو طفله وماتعرف شي صدكيني
شريفه وماتسوي غلط احنه بناتج تربيتج
بس ولد الحرام هواي الله ياخذ ذاك اليوم
واكبر غلط عفتوها لوحدها تروح .. بالضهاري..
يووم ... والله مضلومه اختي مضلومه فدوه
صدكيني وحتى لو نعيفهه بدون زواج
لو نسويلهه تجديد غشاء اييه شي بس
لازم تجهض وتفتك .. ..

...صخام لصخمني انعل ابو الدراسه لبو ساعتهه
بتي راحت من ايدي ادمر مستقبلهه اصخمتي
يابهيجه وين ترحين شتكولين عينج انكسرت
والطم واملخ وجهي زلقته اتزلق والطم على
صدري سويت احمر دم يمه لحكليلي بنيتي
راحت مني لو ميته ولاهاليوم انه شلون
ماحسيت شلون عفتهه لوحدها تروح الله
اكبر على الانذال الله اكبر على العار لسوه
بيهه هالشنيعه يمه بنيتي طفله شتعرف
ويصيبهه هيج يممممممممه بنيتي شصخم
شحطلهه وواطيب والج فهميني شحطلهه
ياربي شسويت بحياتي وبليتني بهيج طركاعه
شكله لبوج اكله بتك ماعرفت احافظ عليهه
اتصخمت ومادريت بيهه شحجي لخوج
عزززا لعزاني لو ميته ولاهاليوم من طركاعه
لطركاعه سووده عليه وانه اكول بنيتي
ذبلته مثل عود وانكسر فجاه شجرالهه
شلون ام وماعرفت لبيهه . الله ياخذني
انه غبيه دنيا ضهر موديتهه لوحدهه هي
دنيا مخبوصه شبيه اتغابيت شبيه شبيه
والطم على كصتي ... بقيت الوم بروحي
ومااحس غير وجع براسي يريد ينفجر
وحرورة بصدري وايدي رجفنه ووكعت ..

منار..يووم يووم فدوه لعينج كعدي وبقيت
اطبب علة خدودها يووم ردي عليه والج
روز روز اصرخ بصوت عالي لحكي والج
جيبلي مي ...

روز..اجيت اركض لغرفته امي يووم منار امي
شبيهه ليش واكعه يووم شسوي كليلي ادك
على منوو ..

...جيبي بس مي ركضي بساعج يووم كعدي فدوه
وامسح بوجهه وافرج ايديهه يوم مالي غيرج
لاتعوفينه ودموعي تجري على ضيم اختي
ولصار بامي تاليتهه توكع هيج وينهد حيلهه
حسبي الله ونعم الوكيل ماكو غيرهه جابت
روز المي وطشيت بوجههه حسيتهه شهكته
وعيونهه مثقله بدموع محبوسه يوم حطيت
راسهه بحضني وافرجه الهه وروز كعدت عنده
رجليهه تفركهن الهه وتكلي صايرات ثلج بيبي
همزين بغرفتهه متمدده جان وكعت وصرنه
باثنين . ..