مابين الغرام وانين الانتقام

part 17

مابين الغرام وانين الانتقام
🥀بقلمي يارا ..الياسري
مساء الحب والعشك ..

................................
لينه ...بعد مادز مسج وكال اكدر افوت
غلقت الفون وحطيت بكنتوري جوه
ملابسي الداخليه  كمت بخوف وبخطوات
خفيفه فتحت الباب ورحت لغرفته امي امشي واتلفت خلى بيه رعبه شغلت الضوه
واجيت على الجربايه امي نايمه وحاطه
ايدهه على راسهه  كعدتهه  ماما ماما كعدي
...

ام حيدر..بسم الله خيرج يووم بيج شي
متاذيه يمه وكفتي كلبي شكو ....

لينه ..ها لا بس الباب مفتوح مال الاستقبال
اخاف تدخل بزونه شي عمود اسدين البيبان
والشبابيك اخاف اسدهم ....

ام حيدر..يووو بس لا نسوا مايعتمد عليهم عود
كلتله لاريج من تدخل للبيت تسده وياهه
خلي اكوم اسدهم تعايه ويايه ...

لينه ..كمت وياهه مثل الطفله لتجلب بذيال
امهه بقيت لازمه ملابسهه وامشي وراهه وهي
تكلي شبيج شنو رجعتي طفله سدت الباب
وافترت على الشبابيك دوريه لكتهم مسدودات 
كالت يله تعايه يمي نامي  فرحت كلتلهه ايي
نامت هي واجيت نمت بحضنهه
راسي  على صدرها ونمت نومه مريحه
اول مرة بعد الحادث انام مرتاحه حضن
الام وحنانهه هو بحد ذاته راحه حضنتني
بقوه وكانهه حاسه بيه ودتحاول تخبني
بين ضلوعهه فتحت عيوني الصبح لوحدي
بغرفته امي والشباك مفتوح يصير صفح
مقابل للجربايه بس مضلل والبرده بيضه
تتحرك صوت العصافير  خطوط الشمس
الذهبيه لضاويه الغرفه بلون الجام المضلل
فركت عيوني  وقريت دعاء بسم الله الرحمن
اارحيم .. اللهم اني وكلتك امري فانت لي خير.
وكيل دبر لي امري فاني لااحسن التدبير ..
وكمت من الفراش   نزلت جوه  طلعت للحوش
للتواليت وغسلت وجهي  واباوع بالمرايه
اووف شكد متغيره وجهي اصفر وعيوني
مورمات وكذلتي مخربطه المشط بالمرايه
مشطت شعري بي ودخلت واني انشف
وجهي بالشال مالتي لكيتهم بالمطبخ
مطبخنه كبير وكول سراميك بالون
وردي فاتح والكاونتر لونه  ابيض
رسومات علي ورديه احنه ناكل كول بي
طاوله وكراسي بس من تجي بيبتي
تكول صبولي بالكاع صابتلهم امي
بالكاع وكاعده هي يمهه طاسه
بيهه الاستاكين والخواشيك والترمز
مال الجاي  وبيبتي على راس السفره
ويمهه بجهه اليمين حيدر وروز
ديتريكون ويضحكون ويسولفون
.صباح الخير..

حيدر..صباح النور فدوه اروح وارجع بتريله
للكاعد طابك حاجبه .ههه.

ام حيدر ..تعايه تعايه فدوه للبنيات لاتحاجيهه
هاي حبيبه روحي ..

لينه ..قربت لامي وكعدت يمهه وحطيت راسي
على متنهه  بدلع مزيف مثل اون من وجع راسي
وحيدر ..يعيب ويتشاقه ويايه ..

حيدر..اصبلج جاي لو كهوه يابنت العرب
ياهلا ياهلا بالضيف اذبحوا البعران ..

روز..هههههه   تلوكلك بدوي  بكفشتك هاي..