Last Batch (Revised Version)

Epilogue.

Date Published: July 17, 2019

EPILOGUE.

MIMI'S POV

Apat na taon na ang nakakaraan at kasama ko si Jake dahil may date kami ngayon. Nandito kami sa Enchanted Kingdom at nag-iikot at nasakay na rin ng rides.

"Jake? Naalala mo ba 'yung lagi kong tinatanong sa'yo?" Tanong ko sa kaniya habang nakain ng binili naming hotdog.

"'Yung kung kailan tayo nagkakilala?" Tumango ako sa kaniya bilang sagot. Kasi pakiramdam ko parang may nakalimutan ata kami.

"Diba sinabi ko naman sa'yo nagkakilala tayo no'ng high school? Sa isang fast food chain kung saan nakatambay kayo nila Mikaela." Sagot niya sa'kin.

Inakbayan niya ko at hinalikan sa ulo. Napangiti ako sa kaniya dahil sa ginawa niya.

"Sorry kung lagi kitang tinatanong tungkol do'n. Pakiramdam ko lang kasi parang may nakalimutan tayo eh. Hindi ko lang maalala kung ano 'yun." Sabi ko naman sa kaniya.

"'Yun din nararamdaman ko minsan. Pero iniisip ko na lang kaya baka nakalimutan natin 'yung tungkol do'n ay para manahimik na tayo? Para hindi na tayo mahirapan pa." Sabi naman niya sa'kin.

Sa nakalipas na apat na taon ay nanganak na si Mikaela at hanggang ngayon ay hindi namin kilala king sino ang ama.

Pati rin mismo si Mikaela ay hindi rin niya kilala kung sino ang nakabuntis sa kaniya. Kaya iniisip namin minsan ay baka nag bar 'yun at nalasing at may nakagalaw sa kaniya eh.

Si Mond naman ay graduating na sa kinuha niyang kursong Law. Sila Sheen at Jiro naman ay nakapag tapos na sa Engineering at Architect. Naghihintay na silang ng nga board exam.

Si Ren naman ay nasa Japan at hinahandle 'yung business ng mga magulang niya do'n at tapos na rin sa pag-aaral.

Kaming dalawa naman ni Jake ay graduate na rin sa kursong Multi-media.

Napadaan kami sa isang sa mga theater ng Enchanted Kingdom at napatingin sa title ng palabas na pinapalabas nila ngayon.

"Closet to Another World Game?" Pagbasa ko sa title. Napahawak ako sa noo ko na para bang may alam ako sa game na 'yan pero hindi maalala kung ano 'yun.

Napatingin din si Jake sa title ng palabas at napakunot siya ng noo. "Closet to Another World Game... Parang pamilyar siya sa'kin. Pero hindi ko lang maalala kung saan ko siya narinig." Sabi niya sa'kin.

"Pamilyar din siya sa'kin. Parang nilaro namin 'yan no'ng high school kami at hindi ko maalala kung sino ang nagsimula at kung ano ang sumunod na nangyari." Sabi ko naman.

"Babe, tara na. Wala rin naman mangyayari kung aalalahanin natin lahat ng mga nakalimutan natin." Pag-aaya niya at naglakad na kami paalis.

~~

THIRD PERSON'S POV

Sa kabilang mundo naman ay nandoon pa rin lahat ng mga kaluluwang nakakulong at patuloy pa rin nananakit, pumapatay at tumutulong.

Nasa isang classroom ang kaluluwa ni Jane at kasama din niya ang boyfriend niyang si Axel. Pumapatay pa rin silang dalawa.

Lahat ng mga taong nandoon ay pinapatay nila at walang pinipili o ititirang buhay.

"Papatayin natin ang lahat na nandito hanggang sa makabalik tayo sa orihinal nating mundo at babalikan ang mga taong dapat nating balikan. Nakangising saad ni Jane at naglakad na siya paalis mula sa classroom na 'yun.

END OF EPILOGUE.