_انا قلبي لك وحدك _
( بقلم بسمة البباتي)
_البارت الثالث _
اينار...هاي الفترة انشغلنا بتحضيرات عرس جنيد
لان العرس ورا امتحانات اوزجان
اشور صرت قليل اشوفة لان هو هم عندة امتحانات ودراستة صعبه جداً
من جنت اشوفه قلبي يصير يرجف هو هم جانت نظراتة الي غريبة من يشوفني لا ارادياً يبتسم واني ابادلة الابتسامة
وأخيراً خلصوا اوزجان واشور الامتحانات
اهلي حجزوا قاعة يسوون عرس جنيد بيها احنا اعراسنا مختلطة
جنيد اخوية طبعه جداً هادئ وفقير نفس طبع دده عكس اوزجان تماماً مخبل وشعوذة
حياة جنيد من الشغل للبيت ومن البيت للشغل وسبحان الله حتى الاخذها فقيرة وحبابه مثلة
اشور من خلص امتحانات صار يساعد اخواني بتحظيرات العرس
لان هما يحبوا يعتبروا اخوهم الثالث
نص اقاربنا اجو البيتنا ونص الثاني راحوا البيت العروس
ماما بيوم الحنه شويه وتتخبل لان الاطفال يلعبون وكل شويه يوسخون البيت وهي متكدر تحجي شي تستحي ههههههه
سوينا حفلت الحنة بيتنا
اني وميرال والبنات شبعنا ركص
اجتي ابله سلفانا وليديا للحفلة البنات والنسوان بقوا صافنين عليهن و على جمالهن
كل شويه وحدة تجي تسئل ماما اذا نخطب هاي البنية ينطوها لو لا
ماما اتكولهم هذولة مسيح والنسوان من يعرفون مسيح يسكتون
ثاني يوم كعدنا من الصبح علمود العرس نظفنا البيت لان اكثر البنات يرحون للصالون لازم من وكت نخلص شغل
ماما وميرال هم راحوا للصالون
ماما مقبلت تاخذني وياها اتكول بعدج صغيرة رغم جنت ابين اكبر من عمري لان جسمي بارز
مهتميت بقيت بالبيت ويا كم بنية من بنات خالتي وبقينا وحدة ترتب الثانيه
جبنا اوراق ولفينا شعرنا بي ههههههههه هذا جان شسوار ايام زمان
اني شعري يوصل الكتفي لان من يوم الكصته ماما الي بعد مطولته كلما يطول شوية اكصة ولان وجهي مدور تلوكلي هيجي كصة
لبست فستان نفش جوة الركبة بشوية ربع ردن والصدر مالتة كوله ليلو لونة سمائي وابيض جان بهذاك الوقت الفستان موديلة شي راقي وحلو
رهمت ويا طوق شعر ليلو ابيض ومن باوعت على نفسي بالمرايا فعلاً طلعت حلوة وأخيراً صرت اشبه البنات ههههههههه
مكياج مجنت مخليه ولا قطرة لان ممنوع
واكفة كدام المرآيه وصافنة واحجي ويا نفسي
