_انا قلبي لك وحدك _
( بقلم بسمة البياتي)
_البارت الرابع عشر _
اباوع على الغرفة الكزاز مطشر بكل مكان والاغراض متكسرة بالكاع
كاعدة ابجي ما اعرف شبيه اذا من البداية مجاي اكدر اتحمل يتحكم بيه ويفرض كلامة عليه لعد من راح اعيش ويا بيت واحد شراح اسوي
اخ دده والله ظلمتني وظلمتة بهاي الزواجه
دخل بابا للغرفة بقة واكف يباوع على الاغراض المتكسرة
اجه كعد يمي
بابا... ترى ماكو داعي الهذا تصرفج جنتي تكدرين بكل بساطة تجين تبلغيني بالصار واني احجي ويا حمزة
اينار... هو صارلة يومين من خطبني ويريد يحبسني بالبيت
بابا... بنتي اكيد من حبه الج وغيرتة عليج هيج سووا
اينار... متت من كال من حبه بقيت ساكتة ما اكدر أحجي شي اخاف على بابا يصير بي شي
بابا.. اليوم العصر يجي حمزة واحجي ويا
اينار... من هسه اكولك اني ما أعوف الشغل وراح اشتغل بغير مكان ما ابقة يمهم
بابا... هسه خلي يجي واحجي ويا ويصير خير
العصر اجة عمو احمد وحمزة كعدوا ويا دده وبقة يحجي وياهم
بقوا كاعدين نص ساعة بعدين صاحوني يمهم
اينار... دخلت سلمت وكعدت
عمو احمد... بنتي اينار والله مجنت اعرف حمزة جايب احد بمكانج لان صارلي ايام مرايح للمحل
باجر ارجعي وشحده حمزة يمنعج
حمزة... خير ابو حمزة شبيك اشو فتت زايد وصار بيها شحده ترى هاي مرتي لازم تسمع كلامي
اينار... لوبيدي اكوم اخنكة اريد اجاوب دده سبقني بالجواب
بابا... صح هي صارت على ذمتك بس ترى بعدها بيتي ومن مسؤوليتي من تجي البيتك عود حاسبها ومنعها
اينار... بعد ما اكدر اسكت وعلى شنو يمنعني قابل مسوية شي غلط
شنو حضرتة ماخذني زوجة لو جارية
حمزة... عمي هاي كدامك شوف لسانها حتى اليوم من حجت وياي بالموبايل اجاوزت وسدت الخط بوحهي
اني السويتة من حقي ما اريد زوحتي تشتغل شتريد اني اوفرلها وشتطلب اني حاضر
بابا... اول شي اكيد اني ما اقبل تجاوز عليك وغصباً عليها لازم تحترمك
ثاني شي ترى احنا ممقصرين وياها بشي من رادت تشتغل اني ممنعتها لان ما اريدها تنحبس بالبيت
حمزة.. العفو عمي انت فهمتني غلط اني مجان قصدي انتوا مقصرين عليها بشي
بس اني لان صارت على ذمتي صعب اشوفها تشتغل وتختلط بالناس
