_انا قلبي لك وحدك _
( بقلم بسمة البباتي)
_البارت الثاني _
اينار... خلصت العطلة وبدأ الدوام اني جنت صف ثاني ابتدائي
واوزجان واشور صف سادس ابتدائي جانت مدرستنا مختلطة
جنت من أسمع الجرس يدك اروح يم جان واشور الصفهم
حتى بالمدرسة مجنت احب العب ويا البنات
من يخلص الدوام ونرجع للبيت تستقبلنا ماما من الباب تاخذ الجنط منه
وتلزمني اني واوزجان كل واحد من أيد وتاخذنا للحمام وتبقة تجلف بينا عبالك جنا نشتغل عمالة مو اندوم بمدرسة
نتوسل بيها والله تعبانين جوعانين ماكو فايدة لازم بعد السبح يلا نكعد ناكل
اليوم خميس دوامنا مسائي متعودين كل خميس من نرجع من الدوام نروح البيت بيبتي ام امي جنا اني واوزجان انطير من الفرح عبالك عدنا عيد مو خميس
لان كل خالاتي وخوالي ينجمون
بس قبل لانطلع لازم نبع الحنان متبقي وصية متوصينة
ماما... ممنوع تتوكحون لو تصيحون
ممنوع اذا قدموا اكل تمدون ايدكم قبل لا اني انطيكم اشارة
الثلاجة ممنوع تفتحوها
اذا احد انطاكم فلوس ما اقبل تأخذون
بس تسوون اي شي غلط ارجعكم للبيت وبعد بحياتي ما اطلعكم خطار على احد
أينار... اني و اوزجان جنا نسمع ونهز براسنا بالموافقة بس نريدها تاخذنا
ومن نروح اهناك بكولشي نلتزم ماعدا شغلة وحدة اللعب والوكاحة ههههههه منكدر انبطلها
اني عندي ثلاث خالات وخمس خوال
كلهم مزوجين
ثنين من خوالي بعدهم عايشين بيت جدي هما وعوائلهم جدي الله يرحمه اني مشايفته
بابا يصير ابن خال ماما يعني اقارب
جدي ابو بابا وبيبي هم متوفين
وعندي عمة وحدة وثلاث عمام
وصلنا البيت بيبي اول مشفتها رحت اركض عليها لان هوايه احب بيبي وهم هم تحبني احنا نكول البيبي ننه (ماما) كل احفادها هيجي يصيحوها
اينار... ننه ليش صايرة ماتجين تبقين يمنا حتى بنتج بعد متضربني
بيبي... وووي انكسرت ايدها ان شاء الله ولج گولر هاي ليش تضربيها
اينار... ماما باوعت عليه وخزرتني وحجت من بين اسنانها
گولر...والله من وكاحتهم راح يموتوني الله بلاني بيهم بلوة
بيبي... بنتي استغفري ربج شنو هذا الكلام غيرج يتمنون اظفر الطفل وانتي تتبطرين
گولر... ننه شسوي فهميني كل مصيبة يسوها اكبر من الثانية حتى ابن جيرانة المسيح علموا على الوكاحة مثلهم والله خايفه فديوم اهله يهدون علينا
خالي عبد الله... ههههههههه نفسه هذا الولد الي اوزجان بالغصب جان يريد يسوي مسلم
گولر.... شوف هاي وحدة من مصايب اوزجان
