_انا قلبي لك وحدك _
( بقلم بسمة البياتي)
_البارت الرابع _
اينار... اليوم عرفنا الاء حامل كلنا فرحنة بهذا الخبر
ويمكن ماما جانت اكثر وحدة فرحانه صارت تهتم با الاء وتخاف عليها حتى الطبخ اطبخة وتصعدة الهم متقبل الاء تكوم من الفراش
ماما تركيبتها عجيبة قاسية جداً وبنفس الوقت اذا صار بينا شي تتخبل اعرف بيها هوايه تحبنا بس ابد متظهر مشاعرها النه
بهاي الفترة ميرال انخطبت الابن خالي سوينا حفلة خطوبة بسيطة بينا
والعرس نهاية السنة هذا شرط ماما اتكول اريد اجهز بنتي على راحتي ما اريد استعجل بشي
ليديا اخت اشور بعد خطوبة ميرال بشهر هي هم انخطبت
اجت على ميرال طلبت منها تساعدها يسوون كيك وحلويات واكل للخطوبة لان ابله سلفانا نفسها تكش من الحلويات والأكل الجاهز
اني من سمعت ميرال تروح تحظرت قبلها ههههه
ميرال... شعندج جاية وياي
هو انتي بيضة متعرفين اطكين بالدهن
اينار... روحم غير اجي اتفرج عليكم حتى اتعلم انتي اختي الكبيرة لازم تعلميني خوما تريدني ابقة طول عمري ما اعرف شي
وانتي راح تزوجين اكيد ماما غصباً عني راح تخليني اطبخ
وماما اذا علمتني كل معلومة بكفخة
ميرال... تمام تعالي ويانه بس والله اذا كعدتي ومسويتي شي اني اصير مثل ماما واكفخج
أينار... همست بصوت ناصي حتى اكسر ايدج
ميرال... شنو شكلتي مسمعت
اينار... لا روحم مكلت شي يلا خلي نروح
ميرال... ترى بعد وقت الدنيا بعدها ظهر يمكن هسه نايمين
اينار... اهووووو شنو نايمين هي مو كالت تعالي الظهر يلا حبابة خلي نروح
ميرال... باوعت عليه بشك اكول اينار انتي ليش كاتلة نفسج على الروحه؟
اينار... شكو شبيج شنو كاتلة روحي لان ضايجة من البيت اريد اطلع
واذا تبقين تحجين خلص ما اروح بعد
ميرال... لعد يلا امشي خلي نروح
اينار... من كالت خلي نروح طلعت قبلها ابد مو وقتها مال ادور كرامه واكعد ازعل هههههههه
رحنا اني وميرال استقبلتنا ليديا ودخلتنه للبيت
ليديا... هم زين من وقت اجيتي كومة تحظيرات عدنا تعالوا للمطبخ اعرفكم على بنات خالي
اينار....عيني جانت تتلفت يمين ويسار ادور على اشور
لعد ابله سلفانا اشو ماكو
ليديا... ماما وبابا مموجودين
اينار... دخلنا للمطبخ وجان انصدم بكمية الجمال المنورة المطبخ
