_انا قلبي لك وحدك _
( بقلم بسمة البياتي)
_البارت الخامس _
أينار… رجعت كعدت يم ماما واني الدنيا مسايعتني من الفرحة
اشور من شافني جيت كعدت ابتسم
بقيت صافنة ما أكدر أنزل عيني منه وهو هم نفس الحال عينه عليه
حجيت بيني وبين نفسي لج اينار نزلي عينج اثكلي شوية هسه شراح يكول عليه من يشوفني هلكد فرحانه وميته عليه
بس قلبي جان رافض هذا الكلام وهو اليتحكم بيه
ميرال… اينار ليش مسحتي المكياج مو خبصتي الدنيا علمود تضربين
أينار… هاا اي مو شسمه حسيتة ثقيل على وجهي ومسحتة
ميرال… هي حمرة وكحلة
انتي مخبلة تسحلين روحج على الشي وبعدين ميعجبج
أينار… وووووي شبيج أكلتيني هو وجهي لو وجهج ابقي امسحه معليج انتي
ماما… يلا بنات كافي خلي نرجع
أينار… لا ماما الله عليج خلي نبقة شويه بعد
ماما.. اينار كومي وبدون لغوة زايدة
أينار… كمنا باركنا ال ليديا وخطيبها وسلمنا على ابله سلفانا وطلعنا
من شافنا اشور أجه علينا
أشور… خالة بعد وقت ليش تروحون من هسه
ماما… لا والله ابني ما اكدر ابقه أكثر اسم الله عليك الشقيقة هاجت عليه اروح اخذ مسكن وانام
أشور… سلامتج خاله
اينار… اشور جان يحجي ويا ماما وعينه عليه واني مثل الهبلة ابتسامتي واصلة الأذني
دخلنا للبيت بسرعة رحت الغرفتي نزعت حذائي وصرت افتر بالغرفة واغني،
انا قلبي دليلي قالى حـ تحبي
دايما يحكيلي وبصدق قلبي
انا قلبي دليلي .. دليييييييييييلييييييي
بعدني دافتر اندريت للباب شفت ميرال صافنة عليه
ميرال… حبتج حية نصي صوتج فضحتينا
شبيج موتدرين ماما رأسها يوجع
ثاني شي تعالي كوليلي انتي شبيج ابد موطبيعيه ليش هلكد فرحانه
أينار… حجيت برتباك قابل شبيه جنت بحفلة واغاني وركص اكيد ارجع فرحانه شنو تريدني ابجي حتى ترتاحين
ميرال… اهااا سبب مقنع ان شاء الله دوم الفرحة
أينار… هو اليشوف شكولتج هم بعد يفرح نعلتي ابو الجو الجنت بي
ميرال… باست ايدها وخلتها على كصتها الحمدلله على نعمة العقل
أينار… هزيت ايدي
ابدل ملابسي وانخمد احسنلي
