_انا قلبي لك وحدك _
( بقلم بسمة البياتي)
_البارت التاسع عشر _
خايفة وارجف عفية اشور لاتجي والله اهلي اذا عرفوا هلمرة مراح يرحموني
أشور... من شنو خايفة مو كافي متحمل فراگج صارلي اكثر من ثمن سنوات
اينار... والله تعبت من المشاكل وحتى اهلي تعبوا
يمكن اذا رجعت ويشوفوك غصبا عليه يزوجوني
أشور... جر حسرة طويلة لاتبجين حبيبتي زين بس اشوفج مشششتاقلج
أينار... اني هم مشتاقتلك وأريد اشوفك بس كتلك والله اخاف يشوفوك
اشور... قابل تركيا قرية صغيرة وراح يشوفوني بيها لاتخافين مراح اروح للاماكن القريبة منهم
اينار... هوايه حجيت ويا أشور جنت ممصدكة نفسي اني داحجي ويا وبنفس الوقت خايفة
اخذت من خاطره بوفاة اهله خطية صوتة اختنك الظاهر لهسه بعده متاذي عليهم
سئلني على أوزجان من كتله ازوج وراح يصير اب هوايه فرح وكال مشاقلة ومشتاق الأيامي القديمة ويا
جنت اريد اسئلة عن دينه بس خايفة من جوابه
اهلي صاحوني للعشى بسرعة نهيت المكالمة ويا ونزلت يمهم
كاعدة وياهم وصافنة
اسراء.. همست قريب مني
شبيج وين صافنة وبس تلعبين بالأكل
اينار... هاا لا مابية شي بس لان تعبانه
ما اشتهي اكل
اسراء.. حقج تتعبين دشوفي البيت يلمع حتى صورتي اشوفها بي
كتلهم تعبانة اريد انام عفتهم وصعدت
بقيت نايمة بفراشي وافكر اذا اهلي شافوا اشور شراح يسوون
اوووف متاكدة تصير كارثة
هلكد مفكرت انسطرت ونمت
مكعدت غير ساعة ثمانية صباحاً
فتحت الموبايل لكيت بي كومة اتصالات من اشور
اتصلت عليه بقة يرن عرفتة نايم ردت انهي المكالمة جاوبني
اشور... هاي وينج البارحة اشكد اتصلت عليج مجاوبتي
اينار... صباح الورد حبيبي والله جنت تعبانة اخذتني النومة مكعدت غير قبل شويه
اشور... صباح العسل عمري
من شنو تعبانه بعدج تشتغلين بمحل الملابس
اينار.. لا تركتة من زمان
ممممم هاي اكيد هيلين كايلتلك اينار تشتغل
اي صدوك انت شلون عرفت اني اتواصل ويا هيلين مو اني وصيتها متكولك
اشور... خلي اكوم اغسل واصحصح وبعدين احجيلج
أينار... تمام اني هم اروح اتريك
سديت الخط نزلت تريكت ويا ماما
بابا وازوجان مموجودين واسراء بغرفتها
