_انا قلبي لك وحدك _
( بقلم بسمة البياتي)
_البارت الثاني عشر _
في داخلي بقايا راحلين
، وقلب ينادي الغائبين
لطفاً بنا، فقد أرهقنا الحنين.
حاولت التهي بالشغل جنت اريد من عقلي يبطل ولو ثواني تفكير باشور بس هيهات يصير هذا الشي
اشور عايش وياي بكل لحظة وثانية تمر بحياتي
بزحمة انشغالي وتعبي يبقة طيف اشور كدامي
جنت اروح للشغل ساعة عشرة صباحاً وارجع ساعة اربعة العصر
هذا جان شرط اهلي شغلي يكون بالنهار وما اتاخر للمغرب
ومن ارجع رغم تعبي استلم البيت ترتيب وتنظيف ماما اشكد اتحب النظافة بس من تشوفني اشتغل متقبل اتكولي ارتاحي
اني جنت اتقصد انهك نفسي من التعب حتى من اخلي راسي على المخدة بسرعة انام بدون دموع وقهر
اهتمام ابله نوال بيه زايد عن حده ودائماً تحاول تقربني من يونس ابن حمزة من ارجع من الشغل تجيبة يمي يبقة لليل يلا ياخذوا
ومرات اسراء من تجي المحل ابوها هم تجيبة وياها
حسيت ماما هم جانت تريدني اتقرب من هذا الطفل
ممرتاحة الهاي تصرفاتهم بس مغلسة بمزاجي
اينار... اكول الاء مدتلاحظين ابله نوال تصرفاتها وياي غريبة
الاء... خير ياربي شمسويتلج المرة اصلاً تموت عليج
اينار... اني مكلت مسويتلي شي بس احس وراها سالفة
الاء... ممممم يمكن تريدج تصيرين جنتها
اينار... كمت من مكاني بفزع شنوووووو والله لو اموووت ما ازوج
الاء... اسم الله حياتم شبيج تعالي كعدي اني داكولج يمكن مو اكيد
بعدين شبي حمزة والله خوش ولد شاب حلو ومرتب وشخصية كومه بنات يتمنوا صح اكبر منج بعشر سنوات بس والله ممبين عليه
اينار... اي خلي يروح للبنات اليتمنوا لايجي عليه اني صح مصرت الاشور بس لايمكن اصير الغيرة
الاء... اوووووو هم اشور بابا انسي هسه تلكي مزوج ومرتاح وانتي اموتة نفسج عليه
اينار... ضربت الميز بثنين ايدي قوووي ورجعت خليت ايدي على اذني وسديتها صرت اهز براسي وابجي
لا عفيييييييييية لا تكولين هيجي اشوووووور يحبني مينساني فدوة لاتكوووووووووولين هيجي
يوسف وسدف ختلوا ورا امهم خافوا من شافوني بهاي الحاله
اجت الاء لزمت ايدي وحضنتني
الاء... اسفة والله اسسسفة موقصدي اضوجج ما اعرف ليش هيجي حجيت
اينار... عفت الاء وصعدت الغرفتي طلعت صورة اشور من جوة مخدتي حضنتها ورجعت ابجي
اششششوري وينك صدوووك نسيتني وعشت حياتك
حبيبي والله محتاجتك اتمنى اشوفك لو بس مرة وحدة
