_انا قلبي لك وحدك _
( بقلم بسمة البياتي)
_البارت العشرون والاخير _
فتحت عيني وحلكي من كلامة ششنو شكلت انت مسلم
اشور... اي الحمدلله
اينار... لحظة فهمني عدل انت مو من اجيت جبت الشيخ وردت تستسلم ومن اهلي رفضوا اجيت بالليل سكران وبيدك المسدس وصرت تكفر بدينا ودينكم
اشور... اي صح وبقيت على هذا الوضع اكثر من شهر
بعدها الشيخ نفسه الجبتة البيتكم دز عليه رحت عليه بقة ينصحني وحتى هو كالي
كلام اهل البنية صحيح انت متريد تدخل دينه لان مقتنع بيه تريد تصير مسلم حتى يزوجوها الك
الشيخ صار يطلب مني يومية اروحلة ويكعد ينصحني ويحجيلي قصص من القرآن
كلامة واسلوبة فعلاً خلى قلبي ينفتح للاسلام
اعلنت اسلامي بس مجنت ملتزم لا بصلاة ولا بصوم
من سافرنا للسويد بقيت على نفس الحال مسلم فقط بقلبي
حتى الاهلي مكتلهم لان وضع والدي جان صعب وبقيت ملتهي ويا
من توفة والدي امي تعبت اضطريت ابقة كاتم اسلامي صارت هوايه مشاكل بيني وبين اقربائي يريدون يعرفون ديانتي
الى ان تعبت امي وماتت
بعدها بفترة تعرفت على صديق مسلم متعمق جدا بالدين من عرف باسلامي علمني على الصلاة والصوم يمكن الله خلى هذا الشخص بطريقي حتى يكمل ديني
اينار... من ماتوا اهلك الله يرحمهم ليش بقيت كاتم اسلامك ومعلنته كدام اقربائك
اشور... هذا الموضوع مو سهل صدكيني اذا عرفوا راح يحاربوني
وجنت خايف زوج ليديا اذا عرف راح يمنعني من شوفة اختي واولادها واني مبقة عندي احد بهاي الدنيا غيرهم
اينار.. باوعت عليه وابتسمت يعني انت مستسلمت علمودي مو
اشور.. صديقي علي يكول الله من يريد يهدي بشر يهيئ اله الاسباب وانتي جنتي وحدة من هاي الاسباب
اينار... بس شراح يقنع اهلي بهذا الكلام حبيبي فدوة اجل هذا الموضوع هسه
اشور... اوكي براحتج
اينار... اشوري لاتزعل مني قدر وضعي والله خايفة ترى الصار بيه مو قليل
اشور... مقدر وضعج حبيبتي لاتخافين مزعلان
اينار... يلا لازم نرجع خطية اسراء حامل وتعبانه متكدر تبقة كاعدة
رجعت للبيت واني طايرة من الفرح ميرال والاء اتصلوا عليه يريدون يعرفون شصار حجيتلهم كولشي
اشور صارلة ثلاث ايام بتركيا مكدرت بعد اشوفة
المغرب جنت بالمطبخ ويا اسراء نحظر العشى
