_انا قلبي لك وحدك _
( بقلم بسمة البياتي)
_البارت الثامن _
اليوم ما اعرف شببه مختنكة وقلبي مقبوض جنت افتر بالبيت اروح منا واجي منا
الاء... هاي شبيج اليوم ترى دخوتينا رايحة جاية
اينار... هو حتى اني هم ما اعرف شبيه
الاء... هاج شيلي سدف اريد اروح اغسل اليوسف
اينار... اخذت سدف من ايد الاء تعالي ياروح عمتج قربان هلخدود بقيت ابوس بخدودها
الظهر صبينا غدة اريد اكل ما اكدر اللكمة توكف ببلاعيمي
اعوذ بالله من الشيطان الرجيم هاي شبيه اليوم
للعصر بقيت على نفس هاي حالتي
كاعدين اني وماما والاء اندكت الباب رحت فتحتها جانت ابله سلفانا
سلمت عليها ردت عليه من طرف خشمها
خير ياربي هاي شبيها
راحت كعدت يم ماما
قدمتلها كليجة وشاي وجيت كعدت يمهم
ماما... ليديا شخبارها مرتاحة بالسفر لو لا والله مشتاقيلها
سلفانا... زينة مرتاحة بس بعدها ممتعودة على فراقنا
ماما... من يصير عدها طفل تلتهي بي وتتعودة وانتوا اكثر اقاربكم بالسويد يعني الحمدلله مو وحدها
سلفانا... احنا هم ناوين نسافر دتشوفين اوضاع العراق مو زينه منكدر نبقة
حتى من نروح نتمم زواج اشور وكلارا
اينار... ابله سلفانا كالت هذا الكلام وباوعت عليه
ماما... والله كلارا حلوة ولايكة الاشور ربي يتمملهم على خير
سلفانا... اي طبعا ما الكي احسن من بنت اخي والاهم من هذا كله هي من دينه
اينار... لوني انخطف ابله سلفانا متقصدة تكول هذا الكلام اكيد عرفت بعلاقتي ويا اشور
عفتهم ورحت الغرفتي جنت ميته قهر دخيلك ربي بس لا اشور صدوك راح يخطب كلارا والله اموووووووت
بقيت انتظر شوكت يجي الليل واتصل عليه
المغرب رحت اساعدهم بتحظير العشى
شفت موبايل ماما بالمطبخ على الكاونتر
سويته صامت وخليته بالمجر بدون مينتبهون عليه
كملوا عشى وبقوا يتعللون
جنت كاعدة وعيني على الساعة انتظرهم شوكت ينامون اوووف يومية هيجي وقت هما نايمين اليوم على حظي الزفت عاجبهم السهر
كلام ابله سلفانا لهسة براسي راح اموت من القهر
صار البيت هدوء توجهت الباب غرفتي فتحتة على كيف خرب حظي الباب صار يعزف موسيقى من الاصوات
