_انا قلبي لك وحدك _
( بقلم بسمة البياتي)
_البارت السادس عشر _
صداع قوي وثقل بعيني سمعت صوت جنيد يحجي ويا اوزجان
اريد افتح عيني ما أكدر بطلاع الروح يلا كدرت افتحها شويه
حجيت بصوت تعبان
اينار.. اني وين
جنيد... الحمدلله على سلامتج حياتم انتي بالمستشفى
اوزجان... ولج مخبلة مو حرام هيجي تخوفينا عليج
اينار.. اجت ماما لزمت ايدي جانت تحجي وتبجي
ماما... قربان اولم سانه (فدوة اروحلج)
ان شاء الله المرض بيه ولا بيج
بنتي لاتزعلين مني والله جنت اريد مصلحتج
جنيد... ماما سدي الموضوع مو وقته هسه
اينار... بابا واكف بعيد ميحجي شي
سحبت ايدي من ايد ماما
باوعت على جنيد وحجيت ويا
عفيه طلعني منا ما اريد ابقة
جنيد... هسه يجي الدكتور يشوف ضغطج اذا نازل نطلعج
اينار... اريد اطلب منك شي
جنيد... عيوني الج طلبي
اينار... اذا تقبل اريد ابقة ابيتك
ماما... ليش اينار تريدين تعوفينا
جنيد... ماما عوفي اينار براحتها ماكو فرق بيتي عن بيتكم
حبيبتي اذا متشيلج الكاع نخليج بعيونه بيت اخوج هو بيتج
اينار... دمعت عيني من كلامة فدوه اروحله اشكد حنين
بابا عافنا وطلع
اجه الدكتور قاس ضغطي وكتبلي على خروج
اخذني جنيد البيته جان الوقت كولش متاخر خطية الاء فرغتلي غرفة يوسف نمت بيها
اوزجان اخذ اهلي ورجعوا للبيت ماما هوايه حاولت حتى ارجع وياهم بس مقبلت
ثاني يوم اجوي بيت عمو احمد
وحمزة وياهم
ابله نوال... سودة عليه حبيبتي وينج وين الضغط والله البارحة اسراء من خابرتني وكالت اينار متخربطة وبالمستشفى ردنا نجي عليج
بس حمزة خابر اوزجان كاله لاتجون لان راح نطلعها والوقت جان متاخر مكدرنا نجي
انتي ليش ابيت جنيد مو بيت اهلج
عمو احمد... اشو نزلتي تحقيق ويا البنية
جنيد... هذا هم بيتها ماكو فرق
حمزة... همس قريب مني
يعني تتخربطين وتدخلين مستشفى واني اخر من يعلم لو ما اسراء تتصل مجان عرفنا
اينار... هسه هذا اني شجاوبة
انت صدوك تحجي لو تشاقة
اني وين جنت ادري بنفسي حتى ابلغك
