_انا قلبي لك وحدك _
( بقلم بسمة البياتي)
_البارت السابع عشر _
بسبب كلام حمزة ببتنا انقلب رأساً على عقب صياح وعياط وهوسه
جنيد واوزجان تهستروا
بقيت جامدة بمكاني ما اكدر اتحرك من خوفي
اجه عليه اوزجان مثل العاصفة
اوزجان.. لج كلبة هاي انتي حاجيتلة مووووو جاي تفتخرررررين بماضيج الأسوووووود
اينار... تراجعت ليورا من الخوف جنت ارجف
حجيت بصوت متقطع ومخنوك والله محجيتلة شي
اوزجان... كافي كذب قابل عنده علم الغيب وعررررررف من وحدة
اينار... اجت ماما لزمتني لان جنت ارجف
ماما... داتكولك مو هي حاجييييه لاتبقة تصيح
اوزجان باوع عليه بشك واقترب مني
اوزجان... اسراء تعرف بهذا الموضوع
اينار... كمت اشهك وابجي دنت راسي مجاوبته
اوزجان.... لزمني من زندي وهزني قوي احجييييييي اسراء تعررف
اينار... هزيت راسي بمعنى اي
اوزجان... الله ياخذج عبالي، كبرتي وصار براسج خير ونسيتي هذاك العارررررررر
ليش بس اني الله منطيني هيجي اخت
رفع ايده يريد يضربني ماما حضنتني
اجه جنيد اخذه من كدامي
بابا... اني قصرت ما انطيتج اله يوم الاجة راد يستسلم لو منطيج ومتبري منج ولا هاي المصايب الدتجي من جوة راسج
هاي حتى بيت اخوج راح ينهجم بسببج
ماما... برهان وحق من انزل القرآن اذا متسكتون اخذ بنتي واطلع وبعد بحياتكم متشوفونه
اينار... حاضنه ماما وابجي كلام بابا واوزجان مثل الخنجر المسموم ونغرس بقلبي
رفعت راسي ماما من شافتني شهكت
ماما... عززا شنو هذا الدم ولج الاء روحي بسرعة عصري ليمون
اينار... ماما اخذتني للمغسلة وجهي وملابسي كلها دم خشمي جان ينزف بغزارة
حتى ملابس ماما صارت دم لان جانت حاضنتني
وكف الدم اخذوني الغرفتي
الاء جابت عصير ليمون وحبوب للضغط
قاسوا ضغطي هم جان مرتفع
الاء... كومي ناخذج للمستشفى
اينار... ما اتحرك الاي مكان اذا الله يحبني اتمنى ياخذ عمري واخلص
ماما والاء حجوا بصوت واحد اسم الله عمرج طويل ان شاء الله
شربت العلاج وعصير الليمون ونمت بفراشي
