_انا قلبي لك وحدك _
( بقلم بسمة البياتي)
_البارت الثامن عشر _
يجذبني الشوق إليك بقيود من حديد كلّما انتزعت قيداً أعادته الذكرى من جديد، أخبرني كيف أحيا وقلبك عن قلبي بعيد،
الفيس صار سلوتي وانيسي الوحيد
ابقة يومية انتظر دخول اشور للكروب
ويوم الميدخل بسرعة اروح الهيلين اسئل عليه اخاف لاسامح الله صاير بي شي من تكولي مبي شي اطمئن وارتاح
صح هو ميعرف بوجودي بس اني مكتفية بهذا قربي منه ما رايده شي اكثر من هذا
هيلين اكثر من مرة سئلتني ليش ما اعلن عن وجودي كدام اشور بالبدايه هوايه تهربت من سؤالها
لكن اخير شي كتلها عن السبب حجيتلها عن خطوبتي وعن موقف اهلي
كتلها اعرف اني واشور مستحيل ننجمع سوى لهذا السبب خلي عايش حياته ومتعود على فراگي
اليوم من الضوجة رحت للمطبخ اسوي كيكة
طلعت المواد وبلشت اخبط بيها
اسراء... معقولة ست اينار تنازلت ودخلت للمطبخ ودتسويلنة كيكة
اينار... باوعت عليها صفح ترى ممسويتها الج داسويها النفسي
اسراء... يامفجوعة وقلبج ينطيج تاكليها وحدج
اينار... اني مفجوعة
اي مو صرت اسراء اكل الاخضر واليابس
أسراء... امداج عينج على اكلي
بس صح كلامج صايرة هوايه اكل حتى وزني زاد
اينار... باوعت عليها وصفنت ولج اسو اخاف حامل
اسراء... بصراحة اني هم شاكة بس ممتاكدة
اينار... اليوم نروح وحللي وهم نطلع نغير جو لان ضايجة
اسراء... ممممم خوش فكرة بس لازم استاذن من اوزجان
اينار... لاتكوليلة تروحين تحللين حتى اذا طلعتي حامل تسويلة مفاجاة
اسراء.. تمام بس انتي خلصي الكيكة بسرعة لان ريحتها سطرتني
اينار... ههههههه والله مبينه حامل وابن الميمون من هسه يدور كيك
اسراء...ما اسمحلج لاتعيبين على حبيبي انتي الميمون مو هو
اينار... تولين من كبالي لا امسح بيج المطبخ عابتلج انتي وحبيبج
اسراء سوتلي حركة بيدها معناهة على عنادج
ردت اضربها انهزمت
علاقتي باسراء رجعت مثل قبل واحسن لان اعرف بطيبة قلبها وتصرفها جان بسبب فطاريتها
العصر اخذنا الأذن من اوزجان واهلي
وطلعنا اني وياها
اسراء سوت تحليل وبقينا كاعدين ننتظر النتيجة
طلعت اسو حامل جانت الفرحة مسايعتها واني هم فرحتلهم
