_انا قلبي لك وحدك _
( بقلم بسمة البياتي)
_البارت السادس _
حبي الأشور صار يزيد يوم بعد يوم من جان يسافر للكلية ابقة اعد الأيام الجيته
هملت دراستي صار تفكيري مرتبط باشور وبس
هو اشكد يحجي عليه يكول انتبهي الدراستج بس اني ابد موبيدي من اريد ادرس وافتح الكتاب تجي صورته كبالي تخليني أنسى الأول والتالي
من جنت اريد اتصل عليه اصعد يم الاء ابقة اتوسل بيها حتى تنزل تجيب التلفون فوك الغرفتها بحجة تتصل باهلها
الاء جانت هوايه تنصحني وتحذرني من هذا الحب لكن عقلي جان فاصل عن العالم وقلبي هو اليتحكم بيه
صعدت يم الاء
اينار… شلونها مرة اخوية الحلوة
الاء… اعرف شتريدين وهاي المقدمة وراها طلب
أينار… اذا تعرفين شريد ليش بعدج كاعدة روحي جيبي التلفون حياتم
الاء… اينار والله انتي دتخليني بموقف محرج تعرفين بيه ما أكدر ارفضلج طلب وبنفس الوقت والله خايفة
لا سامح الله اذا اهلج عرفوا اني جنت اساعدج موبس انتي تتأذين اني هم بيتي ينهجم
اينار… دنكت راسي اعرف كلامها صح بس والله موبيدي ما أكدر امنع نفسي وما احجي ويا
الاء ..لاتنقهرين روحم هسه اجيب التلفون واجي
اينار… رفعت راسي بفرحة قربان اولم سانه (فدوة اروحلج) ما اعرف شلون اجازيج
راحت الاء جابت التلفون واجت
اتصلت على أشور جاوبني بسرعة لان التلفون بغرفته
اينار… هلو حبيبي
اشور… هلو ياروح حبيبج والرب مششششششتاقلج مووووووووت
اينار… والله اني هم مشتاقتلج حياتم
اشور… اشكد احب من تتغزلين بيه بالتركماني هههههه
اينار… اولم سانوجن
اشور… شنو يعني
اينار… يعني اموت عليك
احنا من الطفولة وياك وانت لهسه متعلمت تحجي تركماني
اشور… ولج شتعلم منكم اشو انتي و اوزجان تحجون وياي بالعربي بس من تتعاركون انتي ويا غلطكم يصير بالتركماني
اسماء الحيوانات كلها تعلمتها منكم ههههههههه
اينار…. هههههههه عابتلك بس والله بعدنا لهسه نتعارك اني واوزجان مثل قبل
اشور… اي اعرفج بس ناقصج شوارب وتصيرين رجال
اينار… عزااااا هاي عليه روح بعد ولا احجي وياك صوجي اني اتصلت عليك
اشور… ههههههههه ولج مخبلة اوكفي لاتسدي والرب اشاقة وياج اني شوكعني بحبج غير هذا لسانج وخبالج
