_انا قلبي لك وحدك _
( بقلم بسمة البياتي)
_البارت التاسع _
من شفت اشور بهاي الحالة كرهت نفسي وكرهت اهلي
ركضت على اشور، وكفت كدامة اهلي بقوا واكفين حتى محاولوا يمنعوني لان هما هم جانوا خايفين اشور يضغط على الزناد ويقتل روحه
اينار... اشوري فدوة نزل المسدس ونطينيا
اشور... روووووووحي من وجهي انتي وحدة خاينة وكذابة تريدين تزووووووووجين غيرررررري مووو
اينار... احجي بشهكة وبجي لوووو اموووووت ماخذ غيرك لاتصدك كلامهم
انت مو جنت اتكول هوايه صعوبات راح تواجهنا لازم انكون اقوياء حتى نكدر نتغلب عليها
وين راح هذا كلامك وانت من اول خطوة تريد تتركني وحدي
ثق بالله اذا قتلت نفسك بنفس المسدس اقتل نفسي وراك
جنت احجي عبالك ماكو احد ويانة بس اني واشور نسيت وجود اهلي واهله
اشور... لاتعوفينييييي اينار والرب احبج
كمل كلامة وغص بالبجي ولا عبالك هذا نفسه اشور ابو شخصية القوويه
نزل المسدس من ايده ابوه اجه بسرعة اخذه من ايدة
اشور كعد بالكاع خلى ايده على راسه ويبجي
اينار... بعدني واكفة والدموع تجري على خدي
محسيت غير انجريت من كتفي قووي
كتفي راد ينخلع من قوة الجرة
اندريت شفته اوزجان الشرار يطلع من عينه حجه وهو صاك على اسنانه
اوزجان... روحي الغرفتج بسرعة
عمو جورج اخذ اشور وطلعوا
اني ركض رحت للغرفة
دخل اوزجان للغرفة وقفل الباب
اينار... من شفتة بقيت ارجع ليورا وصلت النهاية السرير
تقدم عليه وبيده الحزام
اوزجان... اشورج موو ومتاخذين غيرة وتقتلين تفسج ورا بسيطة اني راح احققلج هاي الأمنيه اليوم
اينار... ضربني اول ضربه من قوتها صرخت بعلوا صوتي
رجع يضربني جنت احمي وجهي بيدي والضرب صار على ايدي وظهري ورجلي
من كثر الصراخ صوتي انبح
اوزجان... لج احجي هذا ليش هيجي موت روحه عليج وانتي متريدين غيرة
اكيد صاير بينكم شي طبعاً جنتي يوميه بيتهم والله اليعلم شجنتوا تسوون هناك
اينار... اشكد الضرب يوجع بس كلام اوزجان يوجع اكثر
احجي واصرخ والله ممسويلي شي ملامس شعرة مني والله
اهلي يدكون بالباب بس اوزجان فاقد عبالك ميسمعهم
انكسر الباب ودخلوا بابا وجنيد
جنيد دفع اوزجان وضربة بوكس وكعة بالكاع
