_انا قلبي لك وحدك _
( بقلم بسمة البياتي)
_البارت الثالث عشر _
ما اعرف ليش هيجي الدنيا عكس وياي معندي حظ باي شي
كل الي اتمنى اهلي يعوفوني براحتي ويحترمون رغبتي بعدم الزواج
اني ما اريد اظلم اي شخص وياي الزواج مو مجرد بدلة بيضة وحفلة عرس
هاي حياة كاملة وعشرة عمر شلون اكدر ارتبط بشخص واني عقلي وقلبي يم غيره
الخيانة موبس بالجسد
اذا عايشة ويا شخص بجسمج و تفكيرج ويا غيره هاي هم تعتبر خيانه
بهاي الفترة اكثر من شخص تقدملي وجنت ارفض
حمزة كل فترة يرجع يطلبني بدون ملل او كلل
حالياً احنا بسنة 2014
بابا هوايه صار يشكي من قلبه جنا كلنا خايفين عليه
اخواني حجزولة يم احسن طبيب قلب بتركيا
من اجه موعد الحجز بابا راح ويا عمو احمد حتى يسوي فحوصات وتحاليل
تاخروا بالرجعة تقريباً نهار كامل
احنا ميتين من القلق والخوف
من رجعوا المغرب ركضنا عليه بكل لهفة وخوف
عمو احمد... لاتخافون ماكو شي بس عنده شويه تشنجات دتاثر على قلبه
اينار... من سمعنا الخبر الحمدلله ارتاحينة خطية ماما ظلت تبجي من الفرح
.
ثاني يوم باليل بابا دز ماما عليه يردني بغرفتة عنده موضوع وياي
اينار... اوووووف صرت اعرف سوالف دده من يريد يحجي وياي بغرفتة اعرف الموضوع بي عريس
بابا... سدي الباب وتعالي كعدي يمي
اينار... سديت الباب وجيت كعدت يمه جنت اني كاعدة بطرف وماما بالطرف الثاني وهو بالوسط
بابا... الكلام الراح اكوله ما اريد احد يعرفة بس انتي وامج
واني من البارحه حجيت الأمج
اينار... خير دده خوفتني احجي شنو الموضوع
بابا... بنتي اني البارحة من سويت الفحوصات طلع قلبي ضعيف واحتمال ما اعيش هوايه
اينار... تخبلت حضنته وصرت ابجي واشهك فدووووووووة دده لاتحجي هيج من عمري على عمرك
لعد ليش عمو احمد كال مبيك شي
دده.. مسح دموعي وباسني من راسي حبيبتي اني وصيتة ميحجي شي الكم
بس انتي لازم اكلج لان بالي يمج اذا متت راح ابقة ممرتاح بقبري
اينار... زدت بالبجي عفيييييييية دده كافي لاتحجي هيجي
بابا... اينار عندي طلب يمج اذا تريدين تريحيني توافقين عليه
اينار... رفعت راسي مسحت عيوني وخشمي
اني مستعدة اسوي اي شي بس المهم انت تكون بخير
