عشق الطفوله ❤

عشق الطفوله❤" الفصل الثالث" الجزء الثانى

مر الوقت و مراد يضم حور لصدره لعله يخفف عنها .. بعد ببطء و هو يقول بمرح : علفكره انا جعان و عايز افطر و على الحال ده هموت من الجوع ..
ضحكت حور من بين دموعها و قالت بخفوت: مراد هو انت هتتغير تانى ، انا اول مره احس انك رجعت مراد بتاع زمان و خايفه لل.. و ضع يده على شفتيها لاسكاتها و قال بحنو : انا رجعت و مش هروح تانى و حضنى هيكون مفتوحلك ف كل وقت ..
حور و هى تضمه : و حشتنى اوى ي مراد..
مراد : و انتى اكتر ي قلب مراد ... يلا بقى عشان جعان و المصحف ...
حور ىهمس : اقوولك على سر ..
اقترب مراد منها بانصات فهتفت حور بصوت عالى ف أذنه : و أناااا همووووت من الجوووووع
مراد بألم و هى يمسك ودنه : اااه ي بت المجانين تعالى هنا ... و أخذ يدغدغها و هى تضحك بشده
حور : ههه مرااد هههه خلاص مش هههه قادره ههههه و النبى هههههه
بعد عنها مراد و هو يقول : يلا ي بنتى بلاش كسل .. عشان نلحق نفطر و نطير على براا
حور : نطير !! ليه ؟! هو احنا رايحين فين
مراد بثقه : فى الحقيقه انا مراد الألفى بتكرم على حضرتك و هخدك افسحك
حور بفرحه : بجد ي ميرو .. احلى اخ انت و لا ايه ..
و هنا دخل أسر : هو مين ال احلى اخ ي بت انتى ... دا انا طول الاسبوع بتحايل على اهلك عشان تنطقى و معبرتنيش ... يجى الواد المنيل ده .. و شاور على مراد .. يخلى ابو الهول ينطق
حور بنرفزه : تقصد مين بابو الهول هااا
مراد بنفس النرفزه و هو يستعد للهجوم : و مين دا ال منيل هااة
شعر اسر بالحرب التى نشبت عليه فحاول تلطيف الجو : اهدوا ي جماعه انا بهزر .. عيب على فكره انا اخوكوا الكبير ... اخذ يتراجع للخلف و هم يتقدمون منه .. بهزر ايه ما بتهزرش ي رمضان
حور و مراد : لا ما بنهزرش ي حج محمد
هجوووووم ... هتفوا بها و ركضوا خلف أسر الذى فر هاربا لاسفل ... على صوت ضحكاتهم و مرحهم و هم يخرجون الى الجنينه ... امسك اسر خرطوم الماء و غرق مراد و حور ... تقدم مراد منن و ضربه بخفه على يده .. فأمسكت حور الخرطوم و وجهته عليهم و هى تضحك بشده ... و وسط ضحكاتها حملها مراد و أسر من قدمها و ايديها و اخذوا يقذفونها لأعلى و يمسكوها قبل ان تقع ظلوا هكذا بضع دقايق ثم قذفت حور على ظهر مراد و تشبثت به و بيدها خرطوم الماء و ركض مراد و حور على ظهره خلف أسر ... ملا صوت ضحكاتهم القصر وقف اسامه و حنان ف شرفه القصر و هم يدعون لاولادهم بالسعاده و ان تظل البسمه على وجوههم ...
بعد مده ليست بقصيره جلس الثلات اخوات على الارض وهم يلهثون و يحاولون اخذ انفاسهم ...
حور بتذمر طفولى : ينفع كدا هاخد برد و مش هخرج مع المنيل ده ... و شاورت على مراد ..
مراد بصدمه: بقى انا منيل !!
اسر : هههه الحمد لله ف حد مأيدنى اهو ههه
مراد بوعيد : طب مش هخرجك و خليه ينفعك
حور : لا خلاص بهزر معاك .. ايه مابتهزرش ي رمضان
اسر : فكك منه ي حوريتى .. انا هخرجك بس تجيبى البت حياه معانا
مراد : مصلحنجى ي واد ي اسر لعبه معاك .. اخر حلاوه
حور : انت هتحب على قفايا ي واد
.. يلا مش مشكله .. ايه رايكوا نطلع كلنا
مراد : انا عن نفسى مزوغ من المستشفى النهارده
اسر : و انا كمان مزوغ زى الواد مراد
حور بفخر : و اناوالحمد لله مزوغه من اسبوع ههه و هسقط .. انا هسقط
اسر : متخفيش انا موجود .. هظبطك
حور : ايوا بقى ي اسوره .. اهو كدا الواحد يستفيد من علاقاته
مراد : طب يلا بقى عشان نطفح .. انا عصافير بطنى بتسوسو
حور و اسر : يلا ي عم ...

************
فى قصر الجارحى
اخيرا خرجي ادهم الجارحي من جحره وظهر للعالم من جديد ... دلف الى داخل القصر و وجهه خالى من اى تعبير ..
عز بسخريه : حمد لله على السلامه ي ادهم باشا .. اخيرا افتكرت ان ليك اهل ..
هنا بدموع : هونت عليك ي أدهم تعمل فيا كدا
اتجه ادهم الى امه و قبل يداها: اسف ي امى .. بس كنت مخنوق و كنت محتاج ابقى لوحدى ..
عز بلوم : بقى ده ال ربيتك عليه ي ادهم ... خلاص كبرت و بقيت تعمل ال يخطر على بالك .. دا احنا كنا هنموت من القلق عليك..
ادهم : اسف ي بابا ، اوعدك مش هتتقرر تانى ...
و فى هذه الأثناء نزلت مليكه و هى تركض لحضن اخيها
مليكه بدموع: ادهم وحشتنى اووووى
ادهم : وانتى اكتر ي قلبى وحشتينى اوووى .. جيتى امتى
مليكه : من اسبوع
لم يرغب ادهم بالتذكر ما حدث منذ اسبوع فقال مغيرا الموضوع : ادم فين وحشنى اوى
عز : ادم فوق ف اوضه،شوفه و حصلنى على ألمكتب عايزك ف موضوع مهم
ادهم : حاضر ي بابا ... التفت ادهم لاخته .. انا هشوف ادم و جاى اقعد معاكى عشان وحشتنى و عايز اعرف عملتى ايه ف ٧ سنين دول .. ثم قال لأمه ... ماما انا ميت من الجوع ..
هنا : ثوانى و احضر الفطار ..
اتجه ادهم الى غرفه اخيه و دخل دون استإذان كالعاده ... فوجد أخيه يعدل من هيئه ملابسه امام المرأه و ما ان رأى ادهم حتى اسرع بضمه : وحشتنى ي ابو الاداهم
ادهم : تصدق انك كمان وحستنى ياض
ادم : بيئه اوى يعنى
ادهم : بتشتم اخوك الكبير
ادم : ي عم مكنوش اربع دقايق يعنى
ادهم : و لو اربع ثوانى ي عينى .. انا الكبير برضو
ادم : ماشى ي عم الكبير .. اترزع بقى و قولى عملت كدا ليه
ادهم : عملت ايه مش فاهم !!؟
ادم : مش عليا ي ابن امى ، اعترف علطول قطعت علاقتك بحور ليه
ادهم : ما انت عارف
ادم : ادهم متفورش دمى .. انت مفكرنى عيل عشان اصدق المشهد الهندى ال انت عملته ف المستشفى.. انا متاكد ان ف سبب تانى ..
ادهم : ادم حل عنى انا مش فايق
ادم : ما هو انا مش سايبك غير لما اعرف ... فانجز بقى
تنهد ادهم بحزن و قال له ما سمعه و علمه بعشق حور له
ادم : يعنى بعدت عشان عرفت انها بتحبك
ادهم : مقدرش اديها امل و انا اصلا بحب سما ....
ظهرت معالم الحزن على ادم .. فهو يعشق سما منذ الصغر .. و لكن اخيه يحبها .. فحاول ان ينساها لان مجرد التفكير فيها خيانه لاخيه .. و جه ادم حديثه لادهم : هتندم ي ادهم على كسره قلب حور ... ده بتعشقك من و انتو صغيرين ..
اغمض ادهم عيناه بالم مجرد التفكير ف انها تتعذب او تتالم بسببه يقتله ..
انهى ادهم حديثه مع اخيه و اتجه الى مكتب والده ليرى ما يريده
دخل ادهم حين اذن له والده
ادهم : خير ي بابا
عز : اقعد ي ادهم
جلس ادهم على المقعد المقابل لابيه
اكمل عز : امضى على الورق ال قدامك ده ..
نظر ادهم الى الورق و قبل ان ينطق الجمت الصدمه لسانه مما راه
ادهم بصدمه : ورق طلااق ...اا
عز : ايوه انت حور كنتوا متجوزين
ادهم : ايييييييه !!!!!

******************************
يتبع
*********""*******************
★ اسفه على التاخير بس النت كان فاصل
★ ماتنسوش تعلقوا و تصوتوا لروايه .. وانتظرونى يوم الاربع ان شاء الله
★شوشو حبيب قلبى اخبارك ؟!